ഒമാനിലെ രാത്രി സഞ്ചാര വിലക്ക്​ ശനിയാഴ്​ച അവസാനിക്കും

മസ്​കത്ത്​: ഒമാനിലെ രാത്രി സഞ്ചാര വിലക്ക്​ ശനിയാഴ്​ച പുലർച്ചെ അഞ്ചുമണിക്ക്​ അവസാനിക്കുമെന്ന്​ സുപ്രീം കമ്മിറ്റി അറിയിച്ചു. സഞ്ചാരവിലക്കുമായി ബന്ധപ്പെട്ട നിയന്ത്രണങ്ങൾ പാലിക്കുന്നതിൽ സ്വദേശികളും വിദേശികളും പുലർത്തിയ നിഷ്​കർഷയെ അനുമോദിക്കുന്നതായും സുപ്രീം കമ്മിറ്റി പ്രസ്​താവനയിൽ അറിയിച്ചു. സഞ്ചാര നിയന്ത്രണങ്ങൾ ഒഴിവാക്കിയെങ്കിലും മുഖാവരണം ധരിക്കൽ, സാമൂഹിക അകലം പാലിക്കൽ, കൈകളുടെ ശുചിത്വം ഉറപ്പാക്കൽ തുടങ്ങിയ കോവിഡ്​ പ്രതിരോധ നടപടികൾ പാലിക്കുന്നുണ്ടെന്ന്​ ഉറപ്പാക്കുകയും വേണമെന്ന്​ സുപ്രീം കമ്മിറ്റി വെള്ളിയാഴ്​ച രാത്രി പുറത്തുവിട്ട പ്രസ്​താവനയിൽ പറയുന്നു.