ഇന്ത്യയിൽ നിന്നുള്ള യാത്രാവിലക്ക്​ ഒമാൻ നീക്കി

മസ്​കത്ത്​: പ്രവാസികൾക്ക്​ ആശ്വാസ്യമായി ഒമാൻ ഇന്ത്യയിൽ നിന്നുള്ള യാത്രാവിലക്ക്​ നീക്കി. ഇന്ത്യയടക്കം 18 രാജ്യങ്ങളിൽ നിന്നുള്ളവർക്കുള്ള യാത്രാവിലക്കാണ്​ ഒഴിവാക്കിയത്​. ഒമാനിൽ അംഗീകരിച്ച വാക്​സി​െൻറ രണ്ട്​ ഡോസും സ്വീകരിച്ച റെസിഡൻറ്​ വിസക്കാർ, വിസാ രഹിത പ്രവേശനത്തിന്​ അർഹതയുള്ളവർ, ഓൺഅറൈവൽ വിസ ലഭിക്കുന്നവർ തുടങ്ങിയവർക്കായിരിക്കും പ്രവേശനാനുമതി ലഭിക്കുക. സെപ്​റ്റംബർ ഒന്ന്​ മുതലായിരിക്കും തീരുമാനം പ്രാബല്ല്യത്തിൽ വരുകയെന്ന്​ സിവിൽ ഏവിയേഷൻ അതോറിറ്റിയുടെ സർക്കുലറിൽ പറയുന്നു.

ഓക്​സ്​ഫഡ്​ ആസ്​ട്രാസെനക്ക, സ്​പുട്​നിക്ക്​, ഫൈസർ, സിനോവാക്​ വാക്​സിനുകൾക്കാണ്​ ഒമാനിൽ അംഗീകാരമുള്ളത്​. ഇത്​ പ്രകാരം ഇന്ത്യയിൽ നിന്ന്​ കോവിഷീൽഡ്​, സ്​പുട്​നിക്​ വാക്​സിനുകൾ സ്വീകരിച്ചവർക്കാണ്​ പ്രവേശനാനുമതി ലഭിക്കുക.

രണ്ട്​ ഡോസ്​ കോവിഡ്​ വാക്​സിൻ സ്വീകരിച്ചതായി വ്യക്​തമാക്കുന്ന ക്യു.ആർ കോഡ്​ അടങ്ങിയ സർട്ടിഫിക്കറ്റ്​ ഒമാനിലെത്തുന്നവരുടെ കൈവശം ഉണ്ടാകണം. രണ്ടാമത്തെ ഡോസ്​ ഒമാനിലെത്തുന്നതിന്​ 14 ദിവസമെങ്കിലും മുമ്പ്​ സ്വീകരിച്ചിരിക്കണം. യാത്രക്ക്​ മുമ്പ്​ പി.സി.ആർ പരിശോധനക്ക്​ വിധേയമാകുന്നവർക്ക്​ നിർബന്ധിത സമ്പർക്ക വിലക്കിൽ നിന്ന്​ ഇളവ്​ നൽകും. ഇന്ത്യയിൽ നിന്നുള്ള യാത്രക്കാർ ഒമാനിലെത്തുന്നതിന്​ 72 മണിക്കൂർ മുമ്പാണ്​ പി.സി.ആർ പരിശോധനക്ക്​ വിധേയമാകേണ്ടത്​. പി.സി.ആർ പരിശോധനാ ഫലമില്ലാതെ വരുന്നവരെ മസ്​കത്ത്​ വിമാനത്താവളത്തിൽ പരിശോധനക്ക്​ വിധേയമാക്കും. തുടർന്ന്​ സമ്പർക്ക വിലക്കും ഉണ്ടാകും. വിമാനം കയറുന്നതിന്​ മുമ്പ്​ എല്ലാ യാത്രക്കാരും തറാസുദ്​ പ്ലസ്​ ആപ്ലിക്കേഷനിൽ രജിസ്​ട്രേഷൻ പൂർത്തീകരിക്കുകയും വാക്​സിനേഷൻ സർട്ടിഫിക്കറ്റ്​ അപ്​ലോഡ്​ ചെയ്യുകയും വേണം. 18 വയസും അതിൽ താഴെയും പ്രായമുള്ളവർക്ക്​ വാക്​സിൻ, പി.സി.ആർ നിബന്ധനകൾ ബാധകമായിരിക്കില്ല. വാക്​സിൻ സ്വീകരിക്കാൻ സാധിക്കാത്ത ആരോഗ്യ സാഹചര്യങ്ങളുള്ളവർക്കും ഇളവ്​ ലഭിക്കും.