ഒ​മാ​നി​ൽ​ ര​ജി​സ്റ്റ​ർ ചെ​യ്ത വാ​ഹ​ന​ങ്ങ​ളു​ടെ എ​ണ്ണം 16 ല​ക്ഷം പി​ന്നി​ട്ടു

മ​സ്ക​ത്ത്​: ജൂ​ൺ അ​വ​സാ​ന​ത്തോ​ടെ ഒ​മാ​നി​ൽ ര​ജി​സ്റ്റ​ർ ചെ​യ്ത വാ​ഹ​ന​ങ്ങ​ളു​ടെ എ​ണ്ണം 16.2 ല​ക്ഷ​ത്തി​ലെ​ത്തി. നാ​ഷ​ന​ൽ സെ​ന്റ​ർ ഫോ​ർ സ്റ്റാ​റ്റി​സ്റ്റി​ക്സ് ആ​ൻ​ഡ് ഇ​ൻ​ഫ​ർ​മേ​ഷ​ൻ (എ​ൻ.​സി.​എ​സ്.​ഐ) പു​റ​ത്തു​വി​ട്ട ഏ​റ്റ​വും പു​തി​യ ക​ണ​ക്കു​ക​ൾ പ്ര​കാ​ര​മാ​ണ്​ വാ​ഹ​ന​ങ്ങ​ളു​ടെ എ​ണ്ണ​ത്തി​ലെ വ​ർ​ധ​ന​ വ്യ​ക്​​ത​മാ​ക്കി​യി​ട്ടു​ള്ള​ത്.

ഒ​മാ​നി​ൽ ര​ജി​സ്റ്റ​ർ ചെ​യ്ത വാ​ഹ​ന​ങ്ങ​ളു​ടെ 79.6 ശ​ത​മാ​ന​വും സ്വ​കാ​ര്യ ര​ജി​സ്ട്രേ​ഷ​നു​ള്ള​താ​ണ്. ഇ​ത് ആ​കെ 12.9 ല​ക്ഷ​മാ​യി ഉ​യ​ർ​ന്ന​പ്പോ​ൾ വാ​ണി​ജ്യ ര​ജി​സ്ട്രേ​ഷ​നു​ള്ള വാ​ഹ​ന​ങ്ങ​ളു​ടെ എ​ണ്ണം 2.37 ല​ക്ഷ​മാ​യി. അ​തേ​സ​മ​യം, ടാ​ക്സി വാ​ഹ​ന​ങ്ങ​ളു​ടെ എ​ണ്ണം 27,983 ആ​ണ്. വാ​ട​ക വാ​ഹ​ന​ങ്ങ​ളു​ടെ എ​ണ്ണം 30,856 ആ​യി​ട്ടു​ണ്ട്. സ​ർ​ക്കാ​ർ വാ​ഹ​ന​ങ്ങ​ളു​ടെ എ​ണ്ണം 11,832ഉം ​ര​ജി​സ്റ്റ​ർ ചെ​യ്ത ബൈ​ക്കു​ക​ൾ 6758ഉം ​ആ​ണ്.

ഡ്രൈ​വി​ങ്​ ഇ​ൻ​സ്ട്ര​ക്ഷ​ൻ വാ​ഹ​ന​ങ്ങ​ളു​ടെ എ​ണ്ണം 5564ഉം ​താ​ൽ​ക്കാ​ലി​ക ര​ജി​സ്ട്രേ​ഷ​നു​ള്ള വാ​ഹ​ന​ങ്ങ​ളു​ടെ എ​ണ്ണം (താ​ൽ​ക്കാ​ലി​ക പ​രി​ശോ​ധ​ന, ക​യ​റ്റു​മ​തി, ഇ​റ​ക്കു​മ​തി) 8556ഉം ​ആ​യി​ട്ടു​ണ്ടെ​ന്നും ക​ണ​ക്കു​ക​ളി​ൽ പ​റ​യു​ന്നു. കൂ​ടാ​തെ, ട്രാ​ക്ട​റു​ക​ളു​ടെ എ​ണ്ണം 1275ഉം ​ന​യ​ത​ന്ത്ര സ്ഥാ​പ​ന ര​ജി​സ്ട്രേ​ഷ​നു​ള്ള വാ​ഹ​ന​ങ്ങ​ൾ 844ഉം ​ആ​ണ്.

മൂ​ന്നു ട​ണ്ണി​ൽ താ​ഴെ ഭാ​ര​മു​ള്ള വാ​ഹ​ന​ങ്ങ​ളു​ടെ എ​ണ്ണം 14.6 ല​ക്ഷ​വും 10 ട​ണ്ണി​നു മു​ക​ളി​ൽ ഭാ​ര​മു​ള്ള​വ 71,931ഉം 3-7 ​ട​ണ്ണി​നി​ട​യി​ൽ 47,865ഉം 7-10 ​ട​ണ്ണി​നി​ട​യി​ൽ 38,070ഉം ​ആ​ണ്​ വാ​ഹ​ന​ങ്ങ​ളു​ടെ തൂ​ക്കം.