ചികിത്സക്കായി നാട്ടിലെത്തിയ ഒമാൻ പ്രവാസി നിര്യാതനായി

ബുറൈമി: ആരോഗ്യപ്രശ്നങ്ങളെ തുടർന്ന് ചികിത്സയ്ക്കായി നാട്ടിലെത്തിയ ഒമാൻ പ്രവാസി ബാലകൃഷ്ണൻ (60) നിര്യാതനായി. കാസർകോട് നീലേശ്വരം കൊയമ്പുറം സ്വദേശിയാണ്. ഒമാനിലെ ബുറൈമിയിലെ ഒരു റസ്റ്ററന്റ് മേഖലയിൽ 34 വർഷമായി ജോലി ചെയ്തുവരികയായിരുന്നു.

മാർച്ച് ആദ്യവാരത്തിലാണ് ചികിത്സക്കായി അദ്ദേഹം നാട്ടിലേക്ക് മടങ്ങിയത്. ഭാര്യ: ബേബി. മക്കൾ: വിനീഷ്, വിനീത, വിപിൻ. നീണ്ട പ്രവാസ ജീവിതം നയിച്ച ആളെന്ന നിലയിൽ ബാലകൃഷ്ണനെ ബുറൈമി സൗഹൃദ വേദി പൊന്നാട അണിയിച്ചും മൊമെന്റോ നൽകിയും ആദരിച്ചിരുന്നു.