ശവ്വാൽപ്പിറ കണ്ടു; ഒമാനിലും നാളെ പെരുന്നാൾ

മസ്കത്ത്​: മാസപ്പിറവി കണ്ടതിനാൽ ഒമാനിലും ബുധനാഴ്ച പെരുന്നാൾ ആഘോഷിക്കും. കേരളത്തിലും ഇതര ജി.സി.സി രാജ്യങ്ങളിലും ബുധനാഴ്​ചയാണ്​ പെരുന്നാൾ. രാജ്യത്തിന്‍റെ വിവിധ ഭാഗങ്ങളിലെ മസ്​ജിദുകളിലും ഈദ്​ ഗാഹുകളിലുമായി പെരുന്നാൾ നമസ്കാരത്തിന്​ വിപുലമായ സൗകര്യങ്ങളാണ്​ ഒരുക്കിയിട്ടുള്ളത്​.

വിവിധ മലയാളി കൂട്ടായ്മയുടെ ആഭിമുഖ്യത്തിൽ നടക്കുന്ന ഈദുഗാഹുകൾക്ക്​ നാട്ടിൽനിന്നെത്തിയ പണ്ഡിതരാണ്​ പലയിടത്തും നേതൃത്വം നൽകുന്നത്​. പെരുന്നാൾ നമസ്കാരത്തിന് ശേഷം ആശംസകൾ കൈമാറിയും സ്​​നേഹ ബന്ധങ്ങൾ ഊട്ടിയുറപ്പിച്ചുമായിരിക്കും വിശ്വാസികൾ വീടുകളിലേക്ക്​ മടങ്ങുക.