ഒമാനിൽ കോവിഡ്​ രോഗികൾ 66 ആയി

മസ്​കത്ത്​: ഒമാനിൽ കോവിഡ്​ 19 വൈറസ്​ ബാധ സ്​ഥിരീകരിച്ചവരുടെ എണ്ണം 66 ആയി ഉയർന്നു. തിങ്കളാഴ്​ച 11 പേർക്കാണ്​ രോഗബാധ കണ്ടെത്തിയത്​​. ഇതിൽ രണ്ട്​ പേർ വിദേശികളാണെന്നും ആരോഗ്യ വകുപ്പ്​ അറിയിച്ചു.

ഏഴ്​ പേർക്ക്​ വിദേശയാത്രയിലൂടെയും രണ്ടു പേർ രോഗബാധിതരുമായുള്ള സമ്പർക്കത്തിലൂടെയുമാണ്​ അസുഖ ബാധിതരായത്​. രണ്ട്​ പേർക്ക്​ രോഗം എങ്ങനെയാണ്​ പടർന്നതെന്ന കാര്യത്തിൽ പരിശോധന നടക്കുകയാണ്​.

ഒമാനിൽ ഒരു ദിവസം റിപ്പോർട്ട്​ ചെയ്യുന്ന ഏറ്റവുമുയർന്ന റൈസ്​ ബാധയാണിത്​. നേരത്തേ രോഗം സ്​ഥിരീകരിച്ചതിൽ 17 പേർ രോഗ വിമുക്​തി നേടിയിട്ടുണ്ട്​. വൈറസ്​ബാധയുള്ളയാളുമായുള്ള സമ്പർക്കത്തിലൂടെ ഇതുവരെ പത്തുപേർക്കാണ്​ രോഗം പകർന്നത്​.