You are here

ഒമാനിൽ ഒരു മലയാളിക്ക്​ കൂടി കോവിഡ്​;  മൊത്തം വൈറസ്​ ബാധിതർ 109

15:35 PM
26/03/2020

മസ്​കത്ത്​: ഒമാനിൽ ഒരു മലയാളിക്ക്​ കൂടി കോവിഡ്. നേരത്തേ രോഗം ബാധിച്ച്​ ചികിത്സയിലുള്ള കണ്ണൂർ തലശേരി സ്വദേശിയുടെ മകനാണ്​ വൈറസ്​ ബാധ സ്​ഥിരീകരിച്ചിട്ടുള്ളത്​.  പത്തുപേർക്കാണ്​ പുതുതായി രോഗബാധ സ്​ഥിരീകരിച്ചതെന്ന്​ ആരോഗ്യ മന്ത്രാലയം വ്യാഴാഴ്​ച പുറത്തിറക്കിയ അറിയിപ്പിൽ പറയുന്നു. ഇതോടെ മൊത്തം രോഗബാധിതരുടെ എണ്ണം 109 ആയി ഉയർന്നു. 

ഇതിൽ അഞ്ചുപേർക്ക്​ നേരത്തേ രോഗാബാധിതരായവരുമായുള്ള സമ്പർക്കത്തിലൂടെയാണ്​ വൈറസ്​ പറകർന്നത്​. മൂന്ന്​ പേർ വിദേശയാത്രയിലൂടെയാണ്​ രോഗബാധിതരായത്​. രണ്ടുപേരുടെ കേസുകൾ അനേവഷണത്തിലാണ്​.  ഇതുവരെ രോഗം സ്​ഥിരീകരിച്ചതിൽ 23 പേർ രോഗമുക്​തി നേടിയിട്ടുണ്ട്​. 
ചികിത്സയിലുള്ളതിൽ ഏഴുപേർ തീവ്ര പരിചരണ വിഭാഗത്തിലാണ്​ ഉള്ളതെന്ന്​ ആരോഗ്യ മന്ത്രി ഡോ. അഹമ്മദ്​ അൽ സഇൗദി പ്രസ്​താവനയിൽ പറഞ്ഞു​. 

രണ്ട്​ പേർക്ക് കൃത്രിമ ശ്വാസത്തിലൂടെയാണ്​ ജീവൻ നിലനിർത്തുന്നത്​. രോഗ വ്യാപനത്തി​​െൻറ വേഗത കുറക്കാൻ ലക്ഷ്യമിട്ടുള്ള പ്രവർത്തനങ്ങളാണ്​ സർക്കാർ നടത്തിവരുന്നതെന്നും ആരോഗ്യ മന്ത്രി പ്രസ്​താവനയിൽ പറഞ്ഞു.

Loading...
COMMENTS