കോവിഡ്​: ഒമ്പതു​ മരണം, 866 പുതിയ രോഗികൾ

മസ്​കത്ത്​: കോവിഡ്​ ബാധിച്ച്​ കഴിഞ്ഞ ദിവസം ഒമാനിൽ ഒമ്പതു​ പേർകൂടി മരിച്ചു. ഇതോടെ മരിച്ചവരുടെ ആകെ എണ്ണം 2293 ആയി. പുതുതായി 866 പേർക്ക്​ രോഗം സ്ഥിരീകരിച്ചിട്ടുണ്ട്​. ഇതോടെ ആകെ രോഗികളുടെ എണ്ണം 2,12,904 ആയി​. ഇവരിൽ 1,96,355 പേർ രോഗമുക്തരായി. രോഗമുക്തി നിരക്ക്​ 92.2 ശതമാനമാണ്​. കഴിഞ്ഞ ദിവസം രാജ്യത്താകമാനമുള്ള ആശുപത്രികളിൽ 91 ​പേരെയാണ്​ പ്രവേശിപ്പിച്ചത്​. ഇതോടെ ആശുപത്രികളിൽ ചികിത്സയിൽ കഴിയുന്നവരുടെ എണ്ണം 731 ആയി. ഇവരിൽ 248 പേർ ഐ.സി.യുവിലാണ്​.