ഒമാനിൽ 74 പേർക്ക്​ കൂടി കോവിഡ്​

മസ്​കത്ത്​: ഒമാനിൽ വെള്ളിയാഴ്​ച 74 പേർക്ക്​ കൂടി കോവിഡ്​ 19 സ്​ഥിരീകരിച്ചു. ഇതോടെ രാജ്യത്തെ മൊത്തം വൈറസ്​ ബാ ധിതരുടെ എണ്ണം 1790 ആയി. രോഗ മുക്​തരായവരുടെ എണ്ണം 325 ആയി ഉയരുകയും ചെയ്​തു. മലയാളിയടക്കം ഒമ്പതുപേർ മരണപ്പെടുകയും ച െയ്​തു. വെള്ളിയാഴ്​ച രോഗം സ്​ഥിരീകരിച്ചവരിൽ 39 പേർ വിദേശികളും 35 പേർ സ്വദേശികളുമാണ്​.

പുതിയ രോഗികളിൽ 17 പേരാണ്​ മസ്​കത്ത്​ ഗവർണറേറ്റിൽ നിന്നുള്ളത്​. ഇവിടെ മൊത്തം കോവിഡ്​ ബാധിതർ 1326 ആയി. 218 പേരാണ്​ ഇവിടെ രോഗമുക്​തരായത്​. മരിച്ച ഒമ്പതുപേരും മസ്​കത്തിൽ ചികിത്സയിലിരുന്നവരാണ്​. തെക്കൻ ബാത്തിനയിലെ വൈറസ്​ ബാധിതരുടെ എണ്ണം 147 ആയി ഉയർന്നു.
വടക്കൻ ബാത്തിനയിലേതാക​െട്ട 78 ആയി വർധിക്കുകയും ചെയ്​തു. തെക്കൻ ശർഖിയയിൽ 25 പേർക്കും ദാഖിയിയയിൽ ഏഴു പേർക്കും കൂടി പുതുതായി കോവിഡ്​ സ്​ഥിരീകരിച്ചതായും ആരോഗ്യ മന്ത്രാലയം വെള്ളിയാഴ്​ച പുറത്തുവിട്ട കണക്കുകൾ വ്യക്​തമാക്കുന്നു.