കോവിഡ്​: ഒമാനിൽ രണ്ട്​ പേർ കൂടി മരിച്ചു 

മസ്​കത്ത്​: കോവിഡ്​ ബാധിച്ച്​ ചികിത്സയിലിരുന്ന രണ്ട്​ പേർ കൂടി ഒമാനിൽ മരിച്ചു. 70 വയസും, 66 വയസുമുള്ള സ്വദേശികളാണ്​ മരണപ്പെട്ടതെന്ന്​ ഒമാൻ ആരോഗ്യ മന്ത്രാലയം ബ​ുധനാഴ്​ച അറിയിച്ചു. ഇതോടെ രാജ്യത്തെ കോവിഡ്​ മരണം 29 ആയി. ഇതിൽ രണ്ട്​ മലയാളികൾ അടക്കം 19 പേർ പ്രവാസികളും പത്ത്​ പേർ സ്വദേശികളുമാണ്​​. ബുധനാഴ്​ച 372 പേർക്ക്​ കൂടി കോവിഡ്​ സ്​ഥിരീകരിച്ചതോടെ ഒമാനിലെ മൊത്തം വൈറസ്​ ബാധിതരുടെ എണ്ണം 6043 ആയി.