വി​ക​സ​ന നേ​ട്ട​ങ്ങ​ൾ അ​ട​യാ​ള​പ്പെ​ടു​ത്തി 53ാം ദേ​ശീ​യ​ദി​നം ആ​ഘോ​ഷി​ച്ചു

മ​സ്ക​ത്ത്​: സു​ൽ​ത്താ​ൻ ഹൈ​തം ബി​ൻ താ​രി​ഖി​ന്റെ ജ്ഞാ​ന​പൂ​ർ​വ​ക​മാ​യ നേ​തൃ​ത്വ​ത്തി​ന്​ കീ​ഴി​ൽ സ​മ​സ്ത​മേ​ഖ​ല​ക​ളി​ലും രാ​ജ്യം കൈ​വ​രി​ച്ച നേ​ട്ട​ങ്ങ​ൾ അ​ട​യാ​ള​പ്പെ​ടു​ത്തി ഒ​മാ​ൻ 53ാം ദേ​ശീ​യ​ദി​നം ആ​ഘോ​ഷി​ച്ചു. ഫ​ല​സ്തീ​ൻ യു​ദ്ധ പ​ശ്ചാ​ത്ത​ല​ത്തി​ൽ ഇ​ത്ത​വ​ണ പൊ​ലി​മ കു​റ​ച്ചാ​യി​രു​ന്നു ആ​ഘോ​ഷം. സു​ൽ​ത്താ​ൻ ഹൈ​തം ബി​ൻ താ​രി​ഖി​ന്‍റെ കാ​ർ​മി​ക​ത്വ​ത്തി​ൽ ന​ട​ന്ന സൈ​നി​ക പ​രേ​ഡി​ലും പ​താ​ക ഉ​യ​ർ​ത്ത​ലി​ലും ഔ​ദ്യോ​ഗി​ക ആ​ഘോ​ഷ പ​രി​പാ​ടി​ക​ൾ ഒ​തു​ങ്ങി. മു​ൻ​വ​ർ​ഷ​ങ്ങ​ളി​ൽ വി​പു​ല​മാ​യി രീ​തി​യി​ൽ ആ​ഘോ​ഷ​ങ്ങ​ൾ ന​ട​ന്നി​രു​ന്ന സ്ഥ​ല​ങ്ങ​ളി​ലെ​ല്ലാം പ​രി​മി​ത​മാ​യാ​ണ്​ പ​രി​പാ​ടി​ക​ൾ ന​ട​ത്തി​യ​ത്​. മ​സ്ക​ത്ത​ട​ക്ക​മു​ള്ള ന​ഗ​ര​ങ്ങ​ളി​ൽ കൊ​ടി​തോ​ര​ണ​ങ്ങ​ൾ​കൊ​ണ്ട്​ മാ​ത്ര​മാ​യി​രു​ന്നു അ​ല​ങ്ക​രി​ച്ചി​രു​ന്ന​ത്. ഭൂ​രി​ഭാ​ഗം സ്ഥാ​പ​ന​ങ്ങ​ളും വൈ​ദ്യു​തി​വി​ള​ക്കു​ക​ൾ​കൊ​ണ്ടു​ള്ള അ​ല​ങ്കാ​ര​ങ്ങ​ൾ ഒ​ഴി​വാ​ക്കി​യാ​യി​രു​ന്നു ആ​ഘോ​ഷ പ​രി​പാ​ടി​ക​ൾ സം​ഘ​ടി​പ്പി​ച്ചി​രു​ന്ന​ത്.

ഇ​സ്രാ​യേ​ൽ ന​ര​നാ​യാ​ട്ടി​ന്​ മു​ന്നി​ൽ പി​ഞ്ചു​കു​ഞ്ഞു​ങ്ങ​ള​ട​ക്കം പി​ട​ഞ്ഞു​വീ​ഴു​​മ്പോ​ൾ ആ​ഘോ​ഷ​ത്തി​ന്​ നി​റം പ​ക​രു​ന്ന​ത്​ ശ​രി​യ​ല്ലെ​ന്നും ഫ​ല​സ്തീ​നി​ലെ സ​ഹോ​ദ​ര​ങ്ങ​ൾ​ക്ക്​ പ്രാ​ർ​ഥ​ന​യും പി​ന്തു​ണ​യു​മാ​യാ​ണ്​ ഇ​ത്ത​വ​ണ​ത്തെ ആ​ഘോ​ഷ​മെ​ന്നും സ്വ​ദേ​ശി​ക​ളും വി​ദേ​ശി​ക​ളും പ​റ​ഞ്ഞു.

ദേ​ശീ​യ ദി​ന​ത്തി​ന്‍റെ ഭാ​ഗ​മാ​യി സാ​ധാ​ര​ണ നാ​ടും ന​ഗ​ര​വും കൊ​ടി​തോ​ര​ണ​ങ്ങ​ൾ കൊ​ണ്ടും വൈ​ദ്യു​തി​വി​ള​ക്കു​ക​ൾ​​​കൊ​ണ്ടും അ​ല​ങ്ക​രി​ക്ക​ൽ പ​തി​വാ​ണ്. ഒ​മാ​നി​ലെ എ​ല്ലാ ഗ്രാ​മ​ങ്ങ​ളും ന​ഗ​ര​ങ്ങ​ളും വൈ​ദ്യു​തി​വി​ള​ക്കു​ക​ൾ​കൊ​ണ്ട്​ അ​ല​ങ്ക​രി​ക്കു​ന്ന​തോ​ടെ മൂ​വ​ർ​ണ ശോ​ഭ​യി​ൽ വീ​ഥി​ക​ൾ പ്ര​ഭ​ചൊ​രി​ഞ്ഞു​നി​ൽ​ക്കു​ന്ന കാ​ഴ്ച ന​യ​ന​മ​നോ​ഹ​ര​മാ​യി​രു​ന്നു. ആ​ഘോ​ഷ​ത്തി​ന്‍റെ ഭാ​ഗ​മാ​യി റാ​ലി​ക​ളും ന​ട​ക്കാ​റു​ണ്ട്. മു​ൻ​കാ​ല​ങ്ങ​ളി​ൽ രാ​ജ്യ​ത്തിെൻറ പ്ര​ധാ​ന കേ​ന്ദ്ര​ങ്ങ​ളി​ൽ വെ​ടി​ക്കെ​ട്ടും ന​ട​ന്നി​രു​ന്നു. ക​ഴി​ഞ്ഞ വ​ർ​ഷം ഇ​തി​നു​പ​ക​രം ലേ​സ​ർ ഷോ​ക​ളാ​ണ്​ ന​ട​ത്തി​യി​രു​ന്ന​ത്. എ​ന്നാ​ൽ, ഇ​ത്ത​വ​ണ ഈ ​പൊ​ലി​മ​ക​ളെ​ല്ലാം കു​റ​ച്ചാ​യി​രു​ന്നു ആ​ഘോ​ഷം.

ദേ​ശീ​യ​ദി​ന​ത്തോ​ട​നു​ബ​ന്ധി​ച്ചു​ള്ള ഈ ​വ​ർ​ഷ​ത്തെ പൊ​തു​അ​വ​ധി ന​വം​ബ​ര്‍ 22, 23 തീ​യ​തി​ക​ളി​ലാ​ണ്. വാ​രാ​ന്ത്യ ദി​ന​ങ്ങ​ൾ ഉ​ൾ​പ്പെ​ടെ നാ​ലു​ദി​വ​സം തു​ട​ര്‍ച്ച​യാ​യ അ​വ​ധി ല​ഭി​ക്കും. ഞാ​യ​റാ​ഴ്ച​യാ​ണ്​ വീ​ണ്ടും പ്ര​വൃ​ത്തി ദി​വ​സം ആ​രം​ഭി​ക്കു​ക.