ഒമാനിലെ വ്യവസായ പ്രമുഖൻ ശൈഖ്​ കനക്​സി ഖിംജി നിര്യാതനായി

മസ്​കത്ത്​: ഒമാനിലെ മുതിർന്ന വ്യവസായിയും ഖിംജി ഗ്രൂപ്​ ഒാഫ്​ കമ്പനീസ്​ ഡയറക്​ടർ ബോർഡ്​ ചെയർമാനുമായിരുന്ന ശൈഖ്​ കനക്​സി ഗോകൽദാസ്​ ഖിംജി നിര്യാതനായി. ഗുജറാത്ത്​ സ്വദേശിയായ ഇദ്ദേഹത്തിന്​ 85 വയസ്സായിരുന്നു. കൊച്ചിയിലെ ആശുപത്രിയിൽ ചികിത്സയിലിരിക്കെ വ്യാഴാഴ്​ച പുലർച്ചയാണ്​ മരണം സംഭവിച്ചത്​.

1936ൽ മസ്​കത്തിലാണ്​ കനക്​സി ഖിംജി ജനിച്ചത്​. മുംബൈയിൽ വിദ്യാഭ്യാസം പൂർത്തിയാക്കിയ ഇദ്ദേഹം 1970ലാണ്​ നൂറ്റാണ്ടിലധികം പഴക്കമുള്ള കുടുംബ ബിസിനസി​െൻറ നേതൃസ്ഥാനം ഏറ്റെടുത്തത്​. കനക്​സി ഖിംജിയുടെ നേതൃത്വത്തിൽ ഖിംജി ഗ്രൂപ്​ ബിസിനസ്​ വൈവിധ്യവത്​കരണത്തി​െൻറ വഴിയിലേക്ക്​ തിരിയുകയും ഒമാനിലെ മുൻനിര ബിസിനസ്​ ഗ്രൂപ്​ എന്ന സ്ഥാനം സ്വന്തമാക്കുകയും ചെയ്​തു. രാജ്യത്തി​െൻറ വളർച്ചക്ക്​ നൽകിയ സംഭാവനകൾ പരിഗണിച്ച്​ മുൻ ഭരണാധികാരി സുൽത്താൻ ഖാബൂസ്​ ബിൻ സഇൗദ്​ കനക്​സി ഖിംജിക്ക്​ ഒമാൻ പൗരത്വവും ശൈഖ്​ പദവിയും നൽകിയിരുന്നു.

ഇന്ത്യൻ സമൂഹത്തി​െൻറ ഉന്നമനത്തിനും ശ്രദ്ധേയ പങ്കാളിത്തം വഹിച്ചിട്ടുണ്ട്​. ഒമാനിലെ ഏറ്റവും വലിയ ഇന്ത്യൻ സ്​കൂളായ മസ്​കത്ത്​ ഇന്ത്യൻ സ്​കൂളി​െൻറ സ്ഥാപകനും ആദ്യ മാനേജ്​മെൻറ്​ കമ്മിറ്റി പ്രസിഡൻറുമായിരുന്നു.