ഐ.ടി.ബി ബർലിൻ കൺവെൻഷനിൽ ഔദ്യോഗിക പങ്കാളിയായി ഒമാൻ

മ​സ്ക​ത്ത്​: ലോ​ക​ത്തി​ലെ ഏ​റ്റ​വും വ​ലി​യ ടൂ​റി​സം ഫോ​റ​മാ​യ ഐ.​ടി.​ബി ബ​ർ​ലി​ൻ ക​ൺ​വെ​ൻ​ഷ​നി​ൽ പ​ങ്കാ​ളി​യാ​യി ഒ​മാ​നും. ഐ.​ടി.​ബി ബർ​ലി​ൻ 2024ന്‍റെ ഔ​ദ്യോ​ഗി​ക പ​ങ്കാ​ളി​യാ​യാ​ണ് സു​ൽ​ത്താ​നേ​റ്റ്​ സം​ബ​ന്ധി​ക്കു​ന്ന​ത്. ഒ​മാ​നി​ലെ ട്രാ​വ​ൽ, ടൂ​റി​സം വ്യ​വ​സാ​യം മെ​ച്ച​പ്പെ​ടു​ത്തു​ന്ന​തി​നും രാ​ജ്യ​ത്തേ​ക്കു​ള്ള വി​നോ​ദ​സ​ഞ്ചാ​രി​ക​ളു​ടെ വ​ര​വ്​ വ​ർ​ധി​പ്പി​ക്കാ​നു​മു​ള്ള ​പ്ര​ധാ​ന അ​വ​സ​ര​മാ​ണ്​ ഈ ​പ​രി​പാ​ടി.

വി​നോ​ദ​സ​ഞ്ചാ​ര മേ​ഖ​ല വി​ക​സി​പ്പി​ക്കു​ന്ന​തി​ലും പ്ര​മു​ഖ ആ​ഗോ​ള വി​നോ​ദ​സ​ഞ്ചാ​ര കേ​ന്ദ്ര​മെ​ന്ന നി​ല​യി​ൽ അ​തി​ന്‍റെ റാ​ങ്ക് ഉ​യ​ർ​ത്തു​ന്ന​തി​ലും രാ​ജ്യ​ത്ത് വാ​ഗ്ദാ​ന​മാ​യ നി​ക്ഷേ​പ അ​വ​സ​ര​ങ്ങ​ൾ പ്രോ​ത്സാ​ഹി​പ്പി​ക്കു​ന്ന​തി​ലു​മു​ള്ള സു​ൽ​ത്താ​ന്‍റെ പ്ര​തി​ബ​ദ്ധ​ത​യെ ഊ​ന്നിപ്പ​റ​യു​ക​യാ​ണ്​ ഈ ​പ​ങ്കാ​ളി​ത്ത​ത്തി​ലൂ​ടെ അ​ധി​കൃ​ത​ർ ല​ക്ഷ്യ​മി​ടു​ന്ന​ത്.

സു​ൽ​ത്താ​നേ​റ്റി​ന്‍റെ പ്ര​തി​നി​ധി സം​ഘ​ത്തെ പൈ​തൃ​ക, ടൂ​റി​സം മ​ന്ത്രി സ​ലിം ബി​ൻ മു​ഹ​മ്മ​ദ് അ​ൽ മ​ഹ്‌​റൂ​ഖി​യാ​ണ്​ ന​യി​ക്കു​ന്ന​ത്. അ​ന്താ​രാ​ഷ്ട്ര ഫോ​റ​ങ്ങ​ളി​ൽ രാ​ജ്യ​ത്തി​ന്‍റെ ടൂ​റി​സം പ്രോ​ത്സാ​ഹി​പ്പി​ക്കു​ന്ന​തി​ന്‍റെ ഭാ​ഗ​മാ​യി 70ഓ​ളം ടൂ​റി​സ്റ്റ് ക​മ്പ​നി​ക​ളും ഹോ​ട്ട​ലു​ക​ളും സം​രം​ഭ​ങ്ങ​ളും ഈ ​പ​രി​പാ​ടി​യി​ൽ ഒ​മാ​നെ പ്ര​തി​നി​ധീ​ക​രി​ക്കും.

ടൂ​റി​സം മേ​ഖ​ല​യെ ശാ​ക്തീ​ക​രി​ക്കാ​ൻ വി​വി​ധ ക​ക്ഷി​ക​ൾ ന​ട​ത്തു​ന്ന ശ്ര​മ​ങ്ങ​ൾ​ക്ക് അ​നു​സൃ​ത​മാ​യാ​ണ് ഐ.​ടി.​ബി ബ​ർ​ലി​ന്‍റെ ഈ ​പ​തി​പ്പി​ൽ ഒ​മാ​ൻ പ​ങ്കാ​ളി​ത്തം വ​ഹി​ക്കു​ന്ന​തെ​ന്ന്​ അ​ൽ മ​ഹ്റൂ​ഖി അ​ഭി​പ്രാ​യ​പ്പെ​ട്ടു.