ഒമാൻ സായുധസേനാ ദിനം: സുൽത്താൻ സ്​നേഹ വിരുന്നൂട്ടി

മസ്​കത്ത്​: ഒമാൻ സായുധസേനാ ദിനത്തി​െൻറ ഭാഗമായി ഭരണാധികാരി സുൽത്താൻ ഹൈതം ബിൻ ത്വാരീഖ്​ അൽ ബർക്ക കൊട്ടാരത്തിൽ വിരുന്നൊരുക്കി. ശനിയാഴ്​ച രാത്രി നടന്ന വിരുന്നിൽ പ്രതിരോധ കാര്യ ഉപപ്രധാനമന്ത്രി, ചില മന്ത്രിമാർ, സുൽത്താൻ സായുധ സേന (എസ്.എ.എഫ്), റോയൽ ഒമാൻ പൊലീസ് കമാൻഡർമാർ മുതിർന്ന സൈനിക, സിവിൽ ഓഫിസർമാർ എന്നിവർ പങ്കെടുത്തു.

കോവിഡ്​ പശ്​ചാത്തലത്തിൽ സായുധ സേനാ ദിനത്തിന്​ പൊതുപരിപാടികൾ ഉണ്ടായിരുന്നില്ല. നേരത്തെ പ്രതിരോധ കാര്യ ഉപപ്രധാനമന്ത്രി സയ്യിദ് ഷിഹാബ് ബിൻ താരിഖ് അൽ സെയ്ദ്​ സുൽത്താൻ ഹൈതം ബിൻ താരിക്കിന് ആശംസകൾ അറിയിച്ചിരുന്നു. എല്ലാവർഷവും ഡിസംബർ 11ന് ആണ്​ സായുധ സേനാദിനം ആചരിക്കുന്നത്​.