വ്യാ​പാ​രം, സാ​ങ്കേ​തി​ക​വി​ദ്യ, ഗ​താ​ഗ​തം; പു​തുവ​ഴി ​തേ​ടി ഒ​മാ​നും ഉ​സ്ബ​കി​സ്താ​നും

മ​സ​ത്ത്: വ്യാ​പാ​രം, നി​ക്ഷേ​പം, വി​ദ്യാ​ഭ്യാ​സം, സി​വി​ൽ വ്യോ​മ​യാ​നം, ഡി​ജി​റ്റ​ൽ ന​വീ​ക​ര​ണം എ​ന്നി​വ​യി​ലെ ബ​ന്ധം ശ​ക്തി​പ്പെ​ടു​ത്താ​ൻ ല​ക്ഷ്യ​മി​ട്ട് ഒ​മാ​നി-​ഉ​സ്ബെ​ക് സം​യു​ക്ത സ​മി​തി​യു​ടെ അ​ഞ്ചാ​മ​ത് സെ​ഷ​ന് താ​ഷ്കെ​ന്റി​ൽ ന​ട​ന്നു.

വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രി ഖാ​ഇ​സ് ബി​ൻ മു​ഹ​മ്മ​ദ് അ​ൽ യൂ​സ​ഫി​ന്റെ നേ​തൃ​ത്വ​ത്തി​ലു​ള്ള ഒ​മാ​നി പ്ര​തി​നി​ധി സം​ഘ​ത്തോ​ടൊ​പ്പം, അം​ബാ​സ​ഡ​ർ വ​ഫ ബി​ൻ​ത് ജ​ബ​ർ അ​ൽ ബു​സൈ​ദി​യും കൂ​ടെ​യു​ണ്ടാ​യി​രു​ന്നു. ഉ​സ്ബ​ക്ക് പ​ക്ഷ​ത്തെ നി​ക്ഷേ​പ, വ്യ​വ​സാ​യ, വ്യാ​പാ​ര മ​ന്ത്രി ലാ​സി​സ് കു​ദ്ര​തോ​വ് ന​യി​ച്ചു. പൊ​തു, സ്വ​കാ​ര്യ മേ​ഖ​ല​ക​ളി​ലു​ട​നീ​ളം പ​ങ്കാ​ളി​ത്തം സ​ജീ​വ​മാ​ക്കു​ക എ​ന്ന ല​ക്ഷ്യ​ത്തോ​ടെ​യു​ള്ള ച​ർ​ച്ച​ക​ളി​ൽ ഇ​രു രാ​ജ്യ​ങ്ങ​ളി​ലെ​യും മു​തി​ർ​ന്ന ഉ​ദ്യോ​ഗ​സ്ഥ​ർ പ​ങ്കെ​ടു​ത്തു.

വ്യോ​മ​ഗ​താ​ഗ​ത​ത്തി​ൽ പ്ര​വ​ർ​ത്ത​ന അ​വ​കാ​ശ​ങ്ങ​ൾ വ​ർ​ധി​പ്പി​ക്കു​ന്ന​തി​നും, ഉ​സ്ബെ​ക്ക് ക​യ​റ്റു​മ​തി​ക്കാ​യി ഒ​മാ​നി തു​റ​മു​ഖ​ങ്ങ​ൾ വ​ഴി​യു​ള്ള ലോ​ജി​സ്റ്റി​ക്ക​ൽ സ​ഹ​ക​ര​ണം ശ​ക്തി​പ്പെ​ടു​ത്തു​ന്ന​തി​നും, ഉ​ന്ന​ത വി​ദ്യാ​ഭ്യാ​സം, ഊ​ർ​ജ്ജം, കൃ​ഷി, ടൂ​റി​സം, ന​വീ​ക​ര​ണം എ​ന്നീ മേ​ഖ​ല​ക​ളി​ലെ സം​യു​ക്ത സം​രം​ഭ​ങ്ങ​ൾ പ്രോ​ത്സാ​ഹി​പ്പി​ക്കു​ന്ന​തി​നു​മു​ള്ള ഒ​രു പു​തി​യ ക​രാ​റി​ലെ​ത്തു​ക​യും ചെ​യ്തു. നി​ല​വി​ലു​ള്ള ഉ​ഭ​യ​ക​ക്ഷി ക​രാ​റു​ക​ൾ പു​ന​രു​ജ്ജീ​വി​പ്പി​ക്കേ​ണ്ട​തി​ന്റെ​യും അ​വ​യെ വി​ക​സി​ച്ചു​കൊ​ണ്ടി​രി​ക്കു​ന്ന മു​ൻ​ഗ​ണ​ന​ക​ളു​മാ​യി വി​ന്യ​സി​ക്കേ​ണ്ട​തി​ന്റെ​യും പ്രാ​ധാ​ന്യ​വും ക​മ്മി​റ്റി ഊ​ന്നി​പ്പ​റ​ഞ്ഞു.

ഡി​ജി​റ്റ​ൽ ടെ​ക്നോ​ള​ജി മ​ന്ത്രി ഷെ​ർ​സോ​ദ് ഷെ​ർ​മ​റ്റോ​വ്, വി​ദേ​ശ​കാ​ര്യ മ​ന്ത്രി ബ​ക്തി​യാ​ർ ഒ​ഡി​ലോ​വി​ച്ച് സൈ​ഡോ​വ് എ​ന്നി​വ​രു​ൾ​പ്പെ​ടെ ഉ​സ്ബെ​ക്ക് മ​ന്ത്രി​മാ​രു​മാ​യി അ​ൽ യൂ​സ​ഫ് നി​ര​വ​ധി ഉ​ന്ന​ത​ത​ല യോ​ഗ​ങ്ങ​ൾ ന​ട​ത്തി. നി​ക്ഷേ​പ വെ​ല്ലു​വി​ളി​ക​ളെ അ​ഭി​സം​ബോ​ധ​ന ചെ​യ്യു​ന്ന​തി​ലും വ്യാ​പാ​ര സാ​ധ്യ​ത​ക​ൾ തു​റ​ക്കു​ന്ന​തി​ലും ഡി​ജി​റ്റ​ൽ സാ​ങ്കേ​തി​ക​വി​ദ്യ​യി​ലും വ്യാ​വ​സാ​യി​ക ന​വീ​ക​ര​ണ​ത്തി​ലും സ​ഹ​ക​ര​ണം വ​ർ​ധി​പ്പി​ക്കു​ന്ന​തി​ലും ഈ ​യോ​ഗ​ങ്ങ​ൾ ശ്ര​ദ്ധ കേ​ന്ദ്രീ​ക​രി​ച്ചു.