വ്യാ​വ​സാ​യി​ക സ​ഹ​ക​ര​ണം വ​ർ​ധി​പ്പി​ക്കാ​ൻ ഒ​മാ​നും സൗ​ദി​യും

മ​സ്ക​ത്ത്: വ്യാ​വ​സാ​യി​ക സ​ഹ​ക​ര​ണം വ​ർ​ധി​പ്പി​ക്കാ​ൻ ല​ക്ഷ്യ​മി​ട്ട് ഒ​മാ​നും സൗ​ദി​യും ത​മ്മി​ലു​ള്ള വ്യാ​വ​സാ​യി​ക സം​യോ​ജ​ന സം​രം​ഭ​ങ്ങ​ളു​ടെ ര​ണ്ടാം ഘ​ട്ടം റി​യാ​ദി​ൽ ആ​രം​ഭി​ച്ചു.

ഒ​മാ​നി-​സൗ​ദി ഏ​കോ​പ​ന കൗ​ൺ​സി​ലി​ന്റെ സാ​മ്പ​ത്തി​ക, വ്യാ​പാ​ര, വ്യ​വ​സാ​യ സ​മി​തി​യു​ടെ പ്ര​വ​ർ​ത്ത​ന​ത്തി​ന്റെ ഭാ​ഗ​മാ​യാ​ണി​ത്. വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രി ഖാ​ഇ​സ് ബി​ൻ മു​ഹ​മ്മ​ദ് അ​ൽ യൂ​സ​ഫി​ന്റെ അ​ധ്യ​ക്ഷ​ത​യി​ലാ​ണ് ഉ​ദ്ഘാ​ട​ന ച​ട​ങ്ങ് ന​ട​ന്ന​ത്. സൗ​ദി വ്യ​വ​സാ​യ, ധാ​തു​വി​ഭ​വ മ​ന്ത്രി ബ​ന്ദ​ർ ബി​ൻ ഇ​ബ്രാ​ഹിം അ​ൽ ഖു​റൈ​ഫി സം​ബ​ന്ധി​ച്ചു. സൗ​ദി അ​റേ​ബ്യ​യി​ലെ ഒ​മാ​ൻ അം​ബാ​സ​ഡ​ർ സ​യ്യി​ദ് ന​ജീ​ബ് ബി​ൻ ഹി​ലാ​ൽ ബി​ൻ സൗ​ദ് അ​ൽ ബു​സൈ​ദി, ഓ​ർ​ഗ​നൈ​സേ​ഷ​ൻ ഓ​ഫ് ഇ​സ്‍ലാ​മി​ക് കോ-​ഓ​പ​റേ​ഷ​നി​ലെ സ്ഥി​രം പ്ര​തി​നി​ധി, റി​യാ​ദി​ലെ ഡി​ജി​റ്റ​ൽ കോ-​ഓ​പ​റേ​ഷ​ൻ ഓ​ർ​ഗ​നൈ​സേ​ഷ​നി​ലെ സ്ഥി​രം പ്ര​തി​നി​ധി, ഇ​രു രാ​ജ്യ​ങ്ങ​ളെ​യും പ്ര​തി​നി​ധീ​ക​രി​ക്കു​ന്ന നി​ര​വ​ധി ഉ​ദ്യോ​ഗ​സ്ഥ​ർ എ​ന്നി​വ​ർ ച​ട​ങ്ങി​ൽ പ​ങ്കെ​ടു​ത്തു.

ഇ​രു രാ​ജ്യ​ങ്ങ​ൾ​ക്കു​മി​ട​യി​ൽ നി​ല​വി​ലു​ള്ള ഏ​റ്റ​വും പ്ര​ധാ​ന​പ്പെ​ട്ട വ്യാ​വ​സാ​യി​ക സം​രം​ഭ​ങ്ങ​ളും സം​യു​ക്ത വ്യാ​വ​സാ​യി​ക സം​യോ​ജ​ന​ത്തി​ന്റെ പാ​ത​ക​ളി​ലെ ഭാ​വി പ​ദ്ധ​തി​ക​ളും എ​ടു​ത്തു​കാ​ണി​ക്കു​ന്ന ദൃ​ശ്യ അ​വ​ത​ര​ണ​വും അ​ര​ങ്ങേ​റി. വ്യാ​വ​സാ​യി​ക സ​ഹ​ക​ര​ണം വ​ർ​ധി പ്പി​ക്കു​ക, പ​ര​സ്പ​ര നി​ക്ഷേ​പ​ങ്ങ​ളു​ടെ വ്യാ​പ്തി വി​ക​സി​പ്പി​ക്കു​ക, ഇ​രു രാ​ജ്യ​ങ്ങ​ൾ​ക്കു​മി​ട​യി​ൽ വി​ത​ര​ണ ശൃം​ഖ​ല​ക​ളെ​യും ഉ​ൽ​പാ​ദ​ന​ത്തെ​യും പി​ന്തു​ണ​ക്കു​ക എ​ന്നി​വ ല​ക്ഷ്യ​മി​ട്ടു​ള്ള നി​ര​വ​ധി ഭാ​വി സം​രം​ഭ​ങ്ങ​ൾ ച​ർ​ച്ച ചെ​യ്തു.

വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രി ഖാ​ഇ​സ് ബി​ൻ മു​ഹ​മ്മ​ദ് അ​ൽ യൂ​സ​ഫ്, സൗ​ദി ഇ​ൻ​ഡ​സ്ട്രി​യ​ൽ ഡെ​വ​ല​പ്‌​മെ​ന്റ് ഫ​ണ്ട് സി.​ഇ.​ഒ സു​ൽ​ത്താ​ൻ ബി​ൻ ഖാ​ലി​ദ് അ​ൽ സൗ​ദു​മാ​യി കൂ​ടി​ക്കാ​ഴ്ച ന​ട​ത്തി. സം​യു​ക്ത വ്യാ​വ​സാ​യി​ക പ​ദ്ധ​തി​ക​ൾ​ക്കു​ള്ള ധ​ന​സ​ഹാ​യ അ​വ​സ​ര​ങ്ങ​ളും സാ​മ്പ​ത്തി​ക സ​ഹാ​യ​വും, വ്യാ​വ​സാ​യി​ക മേ​ഖ​ല വി​ക​സ​നം, വ്യാ​വ​സാ​യി​ക മേ​ഖ​ല​യെ പി​ന്തു​ണ​ക്കു​ന്ന അ​ടി​സ്ഥാ​ന സൗ​ക​ര്യ​ങ്ങ​ൾ എ​ന്നി​വ​യി​ലെ വൈ​ദ​ഗ്ധ്യം കൈ​മാ​റു​ന്ന​തി​നു​ള്ള വ​ഴി​ക​ളും ച​ർ​ച്ച​യി​ൽ ആ​രാ​ഞ്ഞു.