യു.​എ.​ഇ ദേ​ശീ​യ​ദി​നാ​ഘോ​ഷ​ത്തി​ൽ പ​ങ്കാ​ളി​യാ​യി ഒ​മാ​നും

മ​സ്ക​ത്ത്: യു.​എ.​ഇ​യു​ടെ 53ാം ദേ​ശീ​യ​ദി​നാ​ഘോ​ഷ​ത്തി​ൽ പ​ങ്കാ​ളി​യാ​യി സു​ൽ​ത്താ​നേ​റ്റും. റോ​യ​ൽ ഒ​മാ​ൻ പൊ​ലീ​സി​ന്‍റെ (ആ​ർ.​ഒ.​പി) സ​ഹ​ക​ര​ണ​ത്തോ​ടെ അ​ൽ വ​ജാ​ജ ബോ​ർ​ഡ​ർ ക്രോ​സി​ങ്ങി​ൽ ന​ട​ന്ന ആ​ഘോ​ഷ​ങ്ങ​ളി​ൽ പൗ​ര​ന്മാ​ര​ട​ക്കം നി​ര​വ​ധി​പേ​ർ പ​ങ്കാ​ളി​ക​ളാ​യി. ദേ​ശീ​യ ആ​ഘോ​ഷ​ങ്ങ​ൾ​ക്കാ​യു​ള്ള സെ​ക്ര​ട്ടേ​റി​യ​റ്റ് ജ​ന​റ​ൽ ആ​ണ് ച​ട​ങ്ങ് സം​ഘ​ടി​പ്പി​ച്ച​ത്. പ​രി​പാ​ടി​യി​ൽ യു.​എ.​ഇ ഉ​ദ്യോ​ഗ​സ്ഥ​ർ​ക്കും പൗ​ര​ന്മാ​ർ​ക്കും സ്വീ​ക​ര​ണം ന​ൽ​കി ദേ​ശീ​യ ദി​ന​ത്തി​ൽ അ​വ​​​രെ അ​ഭി​ന​ന്ദി​ച്ചു.

റോ​യ​ൽ നേ​വി ഓ​ഫ് ഒ​മാ​ന്റെ ബാ​ൻ​ഡ് ക​ച്ചേ​രി, ഒ​മാ​നി സം​ഗീ​ത​ജ്ഞ​രു​ടെ പ​രി​പാ​ടി​ക​ൾ, നാ​ടോ​ടി ക​ല​ക​ൾ എ​ന്നി​വ ആ​ഘോ​ഷ​ങ്ങ​ൾ​ക്ക് മാ​റ്റു​കൂ​ട്ടി. ഇ​രു രാ​ജ്യ​ങ്ങ​ളു​ടെ​യും ആ​ഴ​ത്തി​ൽ വേ​രൂ​ന്നി​യ ച​രി​ത്ര​ബ​ന്ധ​ങ്ങ​ളെ​യും ന​ല്ല അ​യ​ൽ​പ്പ​ക്ക​ത്തെ​യും കു​ടും​ബ ബ​ന്ധ​ങ്ങ​ളെ​യും പ്ര​തീ​ക​പ്പെ​ടു​ത്തു​ന്ന ഗാ​ന​ത്തോ​ടെ ആ​ഘോ​ഷ പ​രി​പാ​ടി​ക​ൾ​ക്ക് തി​ര​ശ്ശീ​ല വീ​ണു.

ദേ​ശീ​യ​ദി​നാ​ഘോ​ഷ​ത്തി​ന്റെ ഭാ​ഗ​മാ​യി മ​സ്‌​ക​ത്തി​ലെ യു.​എ.​ഇ എം​ബ​സി സ്വീ​ക​ര​ണ പ​രി​പാ​ടി സം​ഘ​ടി​പ്പി​ച്ചു. സാം​സ്‌​കാ​രി​ക, കാ​യി​ക, യു​വ​ജ​ന വ​കു​പ്പ് മ​ന്ത്രി സ​യ്യി​ദ് ​ദി യ​സി​ൻ ബി​ൻ ഹൈ​തം അ​ൽ സ​ഈ​ദ്, നി​ര​വ​ധി ഉ​ന്ന​ത​ർ, മ​ന്ത്രി​മാ​ർ, സ്റ്റേ​റ്റ് കൗ​ൺ​സി​ൽ അം​ഗ​ങ്ങ​ൾ, സു​ൽ​ത്താ​നേ​റ്റി​ന്‍റെ അം​ഗീ​കാ​ര​മു​ള്ള ന​യ​ത​ന്ത്ര ദൗ​ത്യ​ങ്ങ​ളു​ടെ ത​ല​വ​ന്മാ​ർ, വി​ദേ​ശ​കാ​ര്യ മ​ന്ത്രാ​ല​യ​ത്തി​ലെ ഉ​ദ്യോ​ഗ​സ്ഥ​ർ എ​ന്നി​വ​ർ ച​ട​ങ്ങി​ൽ പ​ങ്കെ​ടു​ത്തു.