മി​ക​വി​ന്​ ഒ​മാ​ൻ എ​യ​റി​ന്‍റെ ആ​ക്ഷ​ൻ പ്ലാ​ൻ

മ​സ്ക​ത്ത്​: രാ​ജ്യ​ത്തി​ന്‍റെ ദേ​ശീ​യ വി​മാ​ന​ക്ക​മ്പ​നി​യാ​യ ഒ​മാ​ൻ എ​യ​ർ മി​ക​വി​ന്‍റെ പാ​ത​യി​ലേ​ക്ക്​ സ​മ​ഗ്ര പ​രി​വ​ർ​ത്ത​ന​ത്തി​ന്​ ഒ​രു​ങ്ങു​ന്നു. ക​മ്പ​നി​യു​ടെ തു​ട​ർ​ച്ച​യാ​യ പ്ര​വ​ർ​ത്ത​ന ന​ഷ്ട​വും സാ​മ്പ​ത്തി​ക ക​ട ബാ​ധ്യ​ത​ക​ളും മു​ന്നി​ൽ​വെ​ച്ച്​ ന​ട​ത്തി​യ പ്ര​ത്യേ​ക പ​ഠ​ന​ത്തി​ന്റെ അ​ടി​സ്ഥാ​ന​ത്തി​ലാ​ണ്​ ഡ​യ​റ​ക്ട​ർ ബോ​ർ​ഡ് സ​മ​ഗ്ര​മാ​യ പു​നഃ​ക്ര​മീ​ക​ര​ണ പ​രി​പാ​ടി​ക്ക് അം​ഗീ​കാ​രം ന​ൽ​കി​യി​രി​ക്കു​ന്ന​ത്.

ഗ​താ​ഗ​ത, ക​മ്യൂ​ണി​ക്കേ​ഷ​ൻ​സ്, ഇ​ൻ​ഫ​ർ​മേ​ഷ​ൻ ടെ​ക്‌​നോ​ള​ജി മ​ന്ത്രി​യും ഒ​മാ​ൻ എ​യ​ർ ചെ​യ​ർ​മാ​നു​മാ​യ എ​ൻ​ജി​നീ​യ​ർ സ​യീ​ദ് ബി​ൻ ഹ​മൂ​ദ് അ​ൽ മ​വാ​ലി വാ​ർ​ത്ത​സ​മ്മേ​ള​ന​ത്തി​ലാ​ണ്​ ഭാ​വി പ്ര​വ​ർ​ത്ത​ന പ​ദ്ധ​തി വെ​ളി​പ്പെ​ടു​ത്തി​യ​ത്. പ്രാ​ദേ​ശി​ക​വും അ​ന്ത​ർ​ദേ​ശീ​യ​വു​മാ​യ വ്യോ​മ​യാ​ന മേ​ഖ​ല​യി​ലെ വി​ദ​ഗ്ധ​രെ ആ​ക​ർ​ഷി​ച്ച് ഡ​യ​റ​ക്ട​ർ ബോ​ർ​ഡ് അം​ഗ​ങ്ങ​ളെ പു​നഃ​സം​ഘ​ടി​പ്പി​ച്ച് ഒ​മാ​ൻ എ​യ​റി​ന്റെ നി​ല​വി​ലെ എ​ക്‌​സി​ക്യൂ​ട്ടി​വ് ടീ​മി​ൽ വ​രും മാ​സ​ങ്ങ​ളി​ൽ മാ​റ്റ​ങ്ങ​ൾ വ​രു​ത്തു​മെ​ന്ന​താ​ണ്​ പ്ര​ധാ​ന​പ്പെ​ട്ട പ്ര​ഖ്യാ​പ​നം.

ഒ​മാ​ൻ എ​യ​റി​ന്റെ നി​ല​വി​ലെ സ​ർ​വി​സു​ക​ളു​ടെ ല​ക്ഷ്യ​സ്ഥാ​ന​ങ്ങ​ൾ അ​ന്താ​രാ​ഷ്‌​ട്ര വി​ദ​ഗ്ധ​ർ പു​ന​ർ​മൂ​ല്യ​നി​ർ​ണ​യം ന​ട​ത്തി​യ ശേ​ഷം തു​ട​ര​ണോ അ​വ​സാ​നി​പ്പി​ക്ക​ണോ എ​ന്ന കാ​ര്യ​ത്തി​ൽ തീ​രു​മാ​നം കൈ​ക്കൊ​ള്ളും.

ആ​ഭ്യ​ന്ത​ര, അ​ന്ത​ർ​ദേ​ശീ​യ വി​മാ​ന സ​ർ​വി​സു​ക​ളി​ൽ സ​ലാം എ​യ​റു​മാ​യി ഏ​കോ​പ​നം പ​രി​ഗ​ണി​ക്കു​മെ​ന്നും സ​മ​ഗ്ര പ​രി​വ​ർ​ത്ത​ന പ​രി​പാ​ടി നാ​ല് വ​ർ​ഷം തു​ട​രു​മെ​ന്നും മ​ന്ത്രി പ​റ​ഞ്ഞു. പ​ദ്ധ​തി​ക​ളി​ലൂ​ടെ മേ​ഖ​ല​യി​ലെ വ്യോ​മ​യാ​ന മേ​ഖ​ല സാ​ക്ഷ്യം വ​ഹി​ക്കു​ന്ന വ​ലി​യ മ​ത്സ​ര​ത്തി​നി​ട​യി​ൽ അ​ടു​ത്ത വ​ർ​ഷം ഒ​മാ​ൻ എ​യ​റി​ന്റെ പ്ര​ക​ട​നം മെ​ച്ച​പ്പെ​ടു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.