ഇഞ്ചിയോൺ എയർപോർട്ട് അക്കാദമിയുമായി ഒമാൻ എയർപോർട്ട് സഹകരണത്തിന്​

മസ്കത്ത്​: 'ഒമാൻ എയർപോർട്ട്' ദക്ഷിണ കൊറിയയിലെ ഇഞ്ചിയോൺ ഇന്റർനാഷണൽ എയർപോർട്ട് അക്കാദമിയുമായി സഹകരണ കരാറിൽ ഒപ്പുവച്ചു. എയർപോർട്ട് മാനേജ്‌മെന്റ്, എയർ ട്രാൻസ്‌പോർട്ട് സയൻസ് എന്നീ മേഖലകളിലെ പരിശീലനം, വികസനം, വിജ്ഞാന കൈമാറ്റം, പ്രായോഗിക പരിശീലനം, സഹകരണം എന്നിവയാണ്​ കരാറിലൂടെ ലക്ഷ്യമിടുന്നത്​. ഒമാൻ എയർപോർട്ട് കമ്പനിയെ പ്രതിനിധീകരിച്ച്​ ​പരിശീലന വികസന കേന്ദ്രമാണ്​ ധാരണയിലെത്തിയിരിക്കുന്നത്​.

ഒമാൻ എയർപോർട്ട്‌സ്​ ഇൻസ്റ്റിറ്റ്യൂഷണൽ സപ്പോർട്ട് എക്‌സിക്യൂട്ടീവ് വൈസ് പ്രസിഡന്റ് അബ്ദുല്ല ബിൻ സാലിഹ് അൽ യാഫെ, ഇഞ്ചിയോൺ ഇന്റർനാഷണൽ എയർപോർട്ട് അക്കാദമി എക്‌സിക്യൂട്ടീവ് ഡയറക്ടറും ഡീനുമായ യങ്​ ക്യൂവുമാണ് കരാറിൽ ഒപ്പുവെച്ചത്​.