ഒ​മാ​ൻ എ​യ​ർ-​ചെ​ൽ​സി പ​ങ്കാ​ളി​ത്തം ഞാ​യ​റാ​ഴ്ച മു​ത​ൽ

മ​സ്ക​ത്ത്​: ദേ​ശീ​യ വി​മാ​ന​ക്ക​മ്പ​നി​യാ​യ ഒ​മാ​ൻ എ​യ​റി​ന്റെ ചെ​ൽ​സി എ​ഫ്‌.​സി​യു​മാ​യു​ള്ള പ​ങ്കാ​ളി​ത്തം ആ​ഗ​സ്റ്റ് 13 ഞാ​യ​റാ​ഴ്ച ആ​രം​ഭി​ക്കും.

ഇം​ഗ്ലീ​ഷ് പ്രീ​മി​യ​ർ ലീ​ഗി​ൽ സീ​സ​ണി​ലെ ആ​ദ്യ മ​ത്സ​ര​ത്തി​ൽ ചെ​ൽ​സി​യും ലി​വ​ർ​പൂ​ൾ എ​ഫ്.​സി​യും നേ​ർ​ക്കു​നേ​ർ പോ​രാ​ടു​ന്ന​ത്​ ഈ ​ദി​വ​സ​ത്തി​ലാ​ണ്. മ​ത്സ​രം ന​ട​ക്കു​ന്ന സ്റ്റാം​ഫോ​ഡ് ബ്രി​ഡ്ജ് സ്റ്റേ​ഡി​യ​ത്തി​ലെ ആ​രാ​ധ​ക​ർ​ക്കും വീ​ട്ടി​ലി​രു​ന്ന് കാ​ണു​ന്ന​വ​ർ​ക്കും ഒ​മാ​ന്റെ സൗ​ന്ദ​ര്യം പ​രി​ച​യ​പ്പെ​ടു​ത്തു​ന്ന പ​ര​സ്യ പ​ര​മ്പ​ര​ക​ൾ കാ​ണാ​നാ​കും. പ​ര​സ്യ​ങ്ങ​ൾ രാ​ജ്യ​ത്തെ ഏ​റ്റ​വും ജ​ന​പ്രി​യ​മാ​യ ചി​ല വി​നോ​ദ സ​ഞ്ചാ​ര​കേ​ന്ദ്ര​ങ്ങ​ളെ പ​രി​ച​യ​പ്പെ​ടു​ത്തു​ന്ന​താ​യി​രി​ക്കും.

ഒ​മാ​ൻ എ​യ​റി​ന്റെ ക​ണ്ണ​ഞ്ചി​പ്പി​ക്കു​ന്ന ബ്രാ​ൻ​ഡി​ങ്ങും കാ​ബി​ൻ ക്രൂ ​അം​ഗ​ങ്ങ​ളും മ​ത്സ​രം ന​ട​ക്കു​ന്ന പി​ച്ചി​ന് ചു​റ്റും ഉ​ണ്ടാ​കും. ലോ​ക​മെ​മ്പാ​ടു​മു​ള്ള 70ല​ക്ഷ​ത്തി​ല​ധി​കം ആ​ളു​ക​ൾ ക​ളി കാ​ണു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്. ക​ഴി​ഞ്ഞ മാ​സ​മാ​ണ്​ ഒ​മാ​ൻ എ​യ​ർ യാ​ത്ര പ്രോ​ത്സാ​ഹി​പ്പി​ക്കു​ന്ന​തി​ന്​ സു​പ്ര​ധാ​ന ക​രാ​ർ ഒ​പ്പി​ട്ട​ത്. ക​രാ​റി​ന്​ ശേ​ഷം ടീ​മി​ന്‍റെ ആ​ദ്യ ഔ​ദ്യോ​ഗി​ക മ​ത്സ​രം എ​ന്ന നി​ല​യി​ൽ പ്ര​ധാ​ന്യ​ത്തോ​ടെ​യാ​ണ്​ അ​ധി​കൃ​ത​ർ ഞാ​യ​റാ​ഴ്ച​ത്തെ ക​ളി​യെ കാ​ണു​ന്ന​ത്.

ചെ​ൽ​സി​യു​ടെ ഔ​ദ്യോ​ഗി​ക ആ​ഗോ​ള എ​യ​ർ​ലൈ​ൻ പ​ങ്കാ​ളി എ​ന്ന നി​ല​യി​ൽ, അ​ടു​ത്ത മൂ​ന്ന് വ​ർ​ഷ​വും ഒ​മാ​ൻ എ​യ​ർ വി​വി​ധ പ്ര​മോ​ഷ​ന​ൽ പ്ര​വ​ർ​ത്ത​ന​ങ്ങ​ൾ തു​ട​രും. ഒ​മാ​ൻ വി​ഷ​ൻ 2040യു​ടെ ഭാ​ഗ​മാ​യാ​ണ്​ ഒ​മാ​ൻ എ​യ​ർ ലോ​ക​ത്തെ പു​തി​യ ഭാ​ഗ​ങ്ങ​ളി​ൽ രാ​ജ്യ​ത്തെ പ്ര​കൃ​തി സൗ​ന്ദ​ര്യ​വും വി​നോ​ദ സ​ഞ്ചാ​ര സാ​ധ്യ​ത​ക​ളും പ​രി​ച​യ​പ്പെ​ടു​ത്തി വ​രു​ന്ന​ത്. ചെ​ൽ​സി​യു​മാ​യു​ള്ള ക​രാ​റി​നൊ​പ്പം മ​റ്റു വി​വി​ധ സം​രം​ഭ​ങ്ങ​ളും ഈ ​ല​ക്ഷ്യ​ത്തി​നാ​യി ന​ട​പ്പി​ലാ​ക്കു​ന്നു​ണ്ട്.

1993ൽ ​പ്ര​വ​ർ​ത്ത​നം ആ​രം​ഭി​ച്ച ഒ​മാ​ൻ എ​യ​ർ, തു​ട​ക്ക​ത്തി​ൽ പ്ര​ധാ​ന​പ്പെ​ട്ട ആ​ഭ്യ​ന്ത​ര റൂ​ട്ടു​ക​ളി​ൽ മാ​ത്ര​മാ​ണ്​ സ​ർ​വി​സ് ന​ട​ത്തി​യ​ത്. എ​ന്നാ​ൽ പി​ന്നീ​ട് ദ്രു​ത​ഗ​തി​യി​ൽ വ​ള​ർ​ച്ച കൈ​വ​രി​ച്ച്, ലോ​ക​മെ​മ്പാ​ടു​മു​ള്ള ന​ഗ​ര​ങ്ങ​ളെ രാ​ജ്യ​വു​മാ​യി ബ​ന്ധി​പ്പി​ക്കു​ന്ന പ്ര​ധാ​ന അ​ന്താ​രാ​ഷ്ട്ര വി​മാ​ന​ക്ക​മ്പ​നി​യാ​യി അം​ഗീ​ക​രി​ക്ക​പ്പെ​ട്ടി​ട്ടു​ണ്ട്.

പ്രാ​ദേ​ശി​ക​വും അ​ന്ത​ർ​ദേ​ശീ​യ​വു​മാ​യ വ്യോ​മ​യാ​ന മേ​ഖ​ല​യി​ലെ വി​ദ​ഗ്ധ​രെ ആ​ക​ർ​ഷി​ച്ച് ഒ​മാ​ൻ എ​യ​റി​ന്റെ പ്ര​വ​ർ​ത്ത​ന​ങ്ങ​ളെ പു​തു​ക്കാ​ൻ അ​ധി​കൃ​ത​ർ തീ​രു​മാ​നി​ച്ചി​ട്ടു​ണ്ട്. വി​വി​ധ പ​ദ്ധ​തി​ക​ളി​ലൂ​ടെ മേ​ഖ​ല​യി​ലെ വ്യോ​മ​യാ​ന മേ​ഖ​ല സാ​ക്ഷ്യം വ​ഹി​ക്കു​ന്ന വ​ലി​യ മ​ത്സ​ര​ത്തി​നി​ട​യി​ൽ അ​ടു​ത്ത വ​ർ​ഷം ഒ​മാ​ൻ എ​യ​റി​ന്റെ പ്ര​ക​ട​നം മെ​ച്ച​പ്പെ​ടു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.