ഇ​ന്തോ​നേ​ഷ്യ​ൻ ട്രേ​ഡ് ഫെ​യ​റി​ൽ പ​ങ്കാ​ളി​യാ​യി ഒ.​സി.​സി.​ഐ

മ​സ്ക​ത്ത്: ഇ​ന്തോ​നേ​ഷ്യ​യിലെ ജ​ക്കാ​ർ​ത്ത​യി​ൽ ന​ട​ന്ന 39-ാമ​ത് ട്രേ​ഡ് എ​ക്‌​സ്‌​പോ​യി​ൽ ഒ​മാ​ൻ ചേം​ബ​ർ ഓ​ഫ് കോ​മേ​ഴ്‌​സ് ആ​ൻ​ഡ് ഇ​ൻ​ഡ​സ്ട്രി (ഒ.​സി.​സി.​ഐ ) പ​ങ്കെ​ടു​ത്തു. ലോ​ക​ത്തെ വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള നി​ര​വ​ധി ക​മ്പ​നി​ക​ളെ​യും നി​ക്ഷേ​പ​ക​രെ​യും ഒ​രു​മി​ച്ചു​കൊ​ണ്ടു​വ​രു​ന്ന അ​ന്താ​രാ​ഷ്ട്ര പ​രി​പാ​ടി​യാ​ണ് എ​ക്സി​ബി​ഷ​ൻ. വ്യാ​പാ​ര ബ​ന്ധ​ങ്ങ​ൾ വ​ർ​ധി​പ്പി​ക്കാ​നും പ​ങ്കെ​ടു​ക്കു​ന്ന രാ​ജ്യ​ങ്ങ​ൾ ത​മ്മി​ലു​ള്ള സ​ഹ​ക​ര​ണം വി​പു​ലീ​ക​രി​ക്കാ​നും ഇ​ത് അ​വ​സ​ര​മൊ​രു​ക്കു​ന്നു.

ഒ.​സി.​സി.​ഐ ബോ​ർ​ഡ് ഓ​ഫ് ഡ​യ​റ​ക്‌​ടേ​ഴ്‌​സി​ന്‍റെ ര​ണ്ടാം ഡെ​പ്യൂ​ട്ടി ചെ​യ​ർ​മാ​ൻ എ​ൻ​ജി​നീ​യ​ർ ഹ​മൂ​ദ് സ​ലിം അ​ൽ സാ​ദി ആ​യി​രു​ന്നു ഒ​മാ​നി പ്ര​തി​നി​ധി സം​ഘ​ത്തെ ന​യി​ച്ച​ത്. ഇ​ന്തോ​നേ​ഷ്യ​യി​ലെ ഒ​മാ​ൻ അം​ബാ​സ​ഡ​ർ ശൈ​യ്ഖ് മു​ഹ​മ്മ​ദ് അ​ഹ​മ്മ​ദ് അ​ൽ ഷാ​ൻ​ഫാ​രി​യും ഒ.​സി.​സി.​ഐ ബോ​ർ​ഡ് ഓ​ഫ് ഡ​യ​റ​ക്‌​ട​ർ​മാ​രു​ടെ​യും ത​ല​വ​ന്മാ​രു​ടെ​യും 26 അം​ഗ​ങ്ങ​ളും പ​ങ്കെ​ടു​ത്തു.

ഒ​മാ​നും ഇ​ന്തോ​നേ​ഷ്യ​യും ത​മ്മി​ലു​ള്ള സാ​മ്പ​ത്തി​ക, വാ​ണി​ജ്യ സ​ഹ​ക​ര​ണം പ്രോ​ത്സാ​ഹി​പ്പി​ക്കു​ന്ന​തി​നും വി​വി​ധ മേ​ഖ​ല​ക​ളി​ൽ ല​ഭ്യ​മാ​യ നി​ക്ഷേ​പ അ​വ​സ​ര​ങ്ങ​ൾ പ​ര്യ​വേ​ക്ഷ​ണം ചെ​യ്യു​ന്ന​തി​നു​മു​ള്ള വ​ഴി​ക​ൾ ച​ർ​ച്ച ചെ​യ്യു​ന്ന​തി​നാ​യി ഒ.​സി.​സി.​ഐ ഇ​ന്തോ​നേ​ഷ്യ​ൻ പ്ര​തി​നി​ധി​യു​മാ​യി ഒ​രു കൂ​ടി​ക്കാ​ഴ്ച ന​ട​ത്തി.

ഇ​ന്തോ​നേ​ഷ്യ​ൻ ചേം​ബ​ർ ഓ​ഫ് കോ​മേ​ഴ്‌​സ് ആ​ൻ​ഡ് ഇ​ൻ​ഡ​സ്ട്രി​യു​മാ​യി ഒ.​സി.​സി.​ഐ ഒ​രു ധാ​ര​ണ പ​ത്ര​വും (എം.​ഒ.​യു) ഒ​പ്പു​വെ​ച്ചു. സാ​മ്പ​ത്തി​ക ബ​ന്ധ​ങ്ങ​ൾ ഏ​കീ​ക​രി​ക്ക​ലും വി​വി​ധ മേ​ഖ​ല​ക​ളി​ൽ വൈ​ദ​ഗ്ധ്യം കൈ​മാ​റാ​ലും ധാ​ര​ണ പ​ത്ര​ത്തി​ലു​ണ്ട്.