ചികിത്സയിലിരുന്ന ചങ്ങനാശ്ശേരി സ്വദേശി നാട്ടിൽ നിര്യാതനായി

സലാല: ഇന്ത്യന്‍ സ്കൂള്‍ സലാലയില്‍ ദീര്‍ഘകാലം അക്കൗണ്ടന്റായി ജോലി ചെയ്ത സതീഷ് അപ്പുക്കുട്ടന്‍ നായര്‍ (65) നാട്ടില്‍ നിര്യാതനായി. കോട്ടയം ചങ്ങനാശ്ശേരി സ്വദേശിയാണ്‌. അര്‍ബുദ ബാധിതനായ എറണാകുളത്ത്​ ചികിത്സയിലായിരുന്നു.

30 വര്‍ഷത്തോളം ഇന്ത്യന്‍ സ്‌കൂളില്‍ അക്കൗണ്ടന്റായി ജോലി ചെയ്തിരുന്ന ഇദ്ദേഹം ഏതാനും വര്‍ഷം മുമ്പാണ്‌ വിരമിച്ചത്. അതിന്‌ ശേഷം ഒരു സ്വകാര്യ കമ്പനിയില്‍ ജോലി ചെയ്ത് വരികയായിരുന്നു.

ഭാര്യ: ജയശ്രീ (അധ്യാപിക, സലാല ഇന്ത്യന്‍ സ്‌കൂള്‍). മക്കൾ: സഞ്ജയ്, സഞ്ജന (ഇരുവരും അമേരിക്ക).