ഒമാനിൽ ക​ഴി​ഞ്ഞ​മാ​സം മ​ഴ​യി​ൽ പൊ​ലി​ഞ്ഞ​ത്​ ഒ​മ്പ​ത്​ ജീ​വ​ൻ

മ​സ്ക​ത്ത്​: ന്യൂ​ന​മ​ർ​ദ​ത്തി​ന്‍റെ ഭാ​ഗ​മാ​യു​ണ്ടാ​യ ക​ന​ത്ത മ​ഴ​യി​ൽ ഫെ​ബ്രു​വ​രി​യി​ൽ പൊ​ലി​ഞ്ഞ​ത്​ ഒ​മ്പ​ത്​ ജീ​വ​നു​ക​ൾ. ക​ഴി​ഞ്ഞ​മാ​സം ര​ണ്ടാം വാ​ര​ത്തി​ലു​ണ്ടാ​യ മ​ഴ​യി​ൽ ഏ​ഴു​പേ​രും 29 നു​ണ്ടാ​യ കാ​ല​വ​ർ​ഷ​ക്കെ​ടു​തി​യി​​ൽ ര​ണ്ടു​പേ​രു​മാ​ണ്​ മ​രി​ച്ച​തെ​ന്ന്​ ഔ​ദ്യോ​ഗി​ക ക​ണ​ക്കു​ക​ൾ പ​റ​യു​ന്നു. ഇ​തി​നു​ പു​റ​മെ ഇ​ബ്രി​ൽ ഒ​ഴു​ക്കി​ൽ​പ്പെ​ട്ട്​ ഒ​രു​മ​ല​യാ​ളി​യും മ​രി​ച്ചു.

ദാ​ഖി​ലി​യ ഗ​വ​ർ​ണ​റേ​റ്റി​ലെ ഇ​സ്‌​ക്കി വി​ലാ​യ​ത്തി​ലെ വാ​ദി​യി​ല​ക​പ്പെ​ട്ട്​ ഒ​രു സ്ത്രീ, ​ജ​ബ​ൽ അ​ഖ്​​ദ​റി​ൽ വാ​ദി​യി​ൽ കു​ടു​ങ്ങി ര​ണ്ടു​പേ​ർ, ദാ​ഹി​റ ഗ​വ​ർ​ണ​റേ​റ്റി​ലെ യാ​ങ്കൂ​ൾ വി​ലാ​യ​ത്തി​ലെ വാ​ദി ഗ​യ്യ​യി​ൽ അ​ക​പ്പെ​ട്ട്​ മ​റ്റൊ​രാ​ൾ, റു​സ്​​താ​ഖി​ലെ വാ​ദി ബ​നീ ഗാ​ഫി​റി​ല്‍ അ​ക​പ്പെ​ട്ട്​ മൂ​ന്നു കു​ട്ടി​ക​ളെ​ന്നി​വ​രാ​ണ്​ ആ​ദ്യ മ​ഴ​യി​ൽ മ​രി​ച്ച​ത്. ക​ഴി​ഞ്ഞ മാ​സം അ​വ​സാ​ന​ത്തോ​ടെ​യു​ണ്ടാ​യ മ​ഴ​യി​ൽ ഇ​ബ്രി വി​ലാ​യ​ത്തി​ലെ വാ​ദി​യി​ൽ അ​ക​പ്പെ​ട്ട്​ ര​ണ്ട്​ കു​ട്ടി​ക​ളും മു​ങ്ങി​മ​രി​ക്കു​ക​യു​ണ്ടാ​യി. ഏ​ഴും 11ഉം ​വ​യ​സ്സു​ള്ള കു​ട്ടി​ക​ളാ​ണ്​ മ​രി​ച്ച​ത്. സം​ഭ​വ​ത്തി​ൽ റോ​യ​ൽ ഒ​മാ​ൻ പൊ​ലീ​സ്​ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. ജീ​വ​ൻ​പൊ​ലി​ഞ്ഞ​വ​യി​ൽ പ​കു​തി​യി​ലേ​റെ​യും കു​ട്ടി​ക​ളാ​ണ്.

ഇ​ട​ക്കി​ട​ക്ക്​ പ്ര​കൃ​തി​ക്ഷോ​ഭ​ങ്ങ​ൾ​ക്ക്​ വി​ധേ​യ​മാ​കാ​റു​ള്ള രാ​ജ്യ​മാ​ണ്​ ഒ​മാ​ൻ. ഇ​തി​നെ​ നേ​രി​ടു​ന്ന​തി​നാ​യി ആ​ധു​നി​ക രീ​തി​യി​ലു​ള്ള കാ​ലാ​വ​സ്ഥാ​മു​ന്ന​റി​യി​പ്പു​ സം​വി​ധാ​ന​വും സൗ​ക​ര്യ​വു​മാ​ണ്​ രാ​ജ്യ​ത്തൊ​രു​ക്കി​യി​ട്ടു​ള്ള​ത്. ഇ​ത്ത​ര​ത്തി​ലു​ള്ള മി​ക​ച്ച മു​ന്നൊ​രു​ക്കം ത​ന്നെ​യാ​ണ്​ ​ വ​ലി​യ ദു​ര​ന്ത​ങ്ങ​ളി​ൽ​നി​ന്ന്​ രാ​ജ്യ​ത്തി​നു​​ തു​ണ​യാ​കാ​റു​ള്ള​ത്. അ​ധി​കൃ​ത​ർ ന​ൽ​കു​ന്ന കാ​ലാ​വ​സ്ഥ മു​ന്ന​റി​യി​പ്പു​ക​ൾ സ്വ​ദേ​ശി​കളും വി​ദേ​ശി​ക​ളു​മ​ട​ക്ക​മു​ള്ള ഭൂ​രി​ഭാ​ഗം​പേ​രും പാ​ലി​ക്കു​ക​യും നി​ർ​ദേശ​ങ്ങ​ൾ അ​നു​സ​രി​ക്കു​ക​യും ചെ​യ്യാ​റു​ണ്ട്.

എ​ന്നാ​ൽ, അ​പൂ​ർ​വ​മാ​യി​ട്ടെ​ങ്കി​ലും ചി​ല​ർ ഇ​ത്ത​രം നി​ർ​ദ്ദേ​ശ​ങ്ങ​ൾ ലം​ഘി​ക്കു​ക​യും വാ​ദി​ക​ളി​ൽ ഇ​റ​ങ്ങു​ന്ന​തു​മാ​ണ്​ അ​പ​ക​ട​ത്തി​ലേ​ക്ക്​ ന​യി​ക്കു​ന്ന​തെ​ന്ന്​ ദു​ര​ന്ത​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​ർ ചൂ​ണ്ടി​ക്കാ​ണി​ക്കു​ന്നു. ക​ന​ത്ത മ​ഴ​യു​ടെ പ​ശ്ചാ​ത​ല​ത്തി​ൽ കു​ട്ടി​ക​ളെ നി​രീ​ക്ഷ​ണ​മെ​ന്നും വെ​ള്ള​ക്കെ​ട്ടു​ക​ളി​ൽ നീ​ന്താ​ൻ അ​നു​വ​ദി​ക്ക​രു​തെ​ന്നും താ​ഴ്ന്ന പ്ര​ദേ​ശ​ങ്ങ​ളി​ൽ​നി​ന്നും മ​റ്റും മാ​റി​നി​ൽ​ക്ക​ണ​മെ​ന്നു​മാ​ണ്​ സി​വി​ൽ ഡി​ഫ​ൻ​സ്​ ആ​ൻ​ഡ് ആം​ബു​ലി​ൻ​സ്​ ​അ​തോ​റി​റ്റി​യും മ​റ്റും മു​ന്ന​റി​യി​പ്പു​ ന​ൽ​കാ​റു​ള്ള​ത്​. അ​ധി​കൃ​ത​രു​ടെ നി​ർ​ദേ​ശ​ങ്ങ​ൾ ലം​ഘി​ച്ച്​ വാ​ദി​യി​ലിറ​ങ്ങി​യ നി​ര​വ​ധി​പേ​രെ ക​ഴി​ഞ്ഞ ദി​വ​സ​ങ്ങ​ളി​ൽ അ​റ​സ്റ്റു​​ചെ​യ്യു​ക​യും ചെ​യ്തി​രു​ന്നു. മു​ന്ന​റി​യി​പ്പു​ക​ൾ അ​വ​ഗ​ണി​ച്ച്​ വാ​ദി​യി​ൽ ഇ​റ​ങ്ങ​ി​യാ​ൽ ത​ട​വും പി​ഴ​യും മ​റ്റും ​ചു​മ​ത്തു​ക​യും ചെ​യ്യും.

അ​തേ​സ​മ​യം, രാ​ജ്യ​ത്തു​വീ​ണ്ടും ഇ​ര​ട്ട ന്യൂ​ന​മ​ർ​ദ മു​ന്ന​റി​യി​പ്പ്​ അ​ധി​കൃ​ത​ർ ന​ൽ​കി​യി​ട്ടു​ണ്ട്. ന്യൂ​ന​മ​ർ​ദം തി​ങ്ക​ളാ​ഴ്ച മു​ത​ൽ ബു​ധ​നാ​ഴ്ച​വ​ര​യും മ​റ്റൊ​ന്ന്​ വെ​ള്ളി​യാ​ഴ്ച ​മു​ത​ലും ആ​രം​ഭി​ക്കു​മെ​ന്നാ​ണ്​​ അ​റി​യി​പ്പി​ൽ പ​റ​യു​ന്ന​ത്. മു​സ​ന്ദം, വ​ട​ക്ക​ൻ ബാ​ത്തി​ന, ബു​റൈ​മി ഗ​വ​ർ​ണ​റേ​റ്റു​ക​ളി​ലും അ​ൽ ഹ​ജ​ർ പ​ർ​വ​ത​നി​ര​ക​ളി​ലും ഒ​മാ​ൻ ക​ട​ലി​ന്‍റെ തീ​ര​ത്തും ഒ​റ്റ​പ്പെ​ട്ട​ മ​ഴ ല​ഭി​ച്ചേ​ക്കും. വാ​ദി​ക​ൾ നി​റ​ഞ്ഞൊ​ഴു​കാ​നും സാ​ധ്യ​ത​യു​ണ്ട്. സ്ഥി​തി​ഗ​തി​ക​ൾ നി​രീ​ക്ഷി​ച്ചു​കെ​ണ്ടി​രി​ക്കു​ക​യാ​ണെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി.