ഖ​രീ​ഫ്​ രാ​ത്രികാ​ല യാ​ത്ര ശു​ഭ​ക​ര​മാ​ക്കാം

മ​സ്ക​ത്ത്​: ഖ​രീ​ഫ്​ കാ​ലം തു​ട​ങ്ങി​യ​തോ​ടെ ദോ​ഫാ​ർ ഗ​വ​ർ​ണ​റേ​റ്റു​ക​ളി​ലേ​ക്ക്​ വ​രും ദി​വ​സ​ങ്ങ​ളി​ലാ​യി സ​ഞ്ചാ​രി​ക​ളൊ​ഴു​കും. സ്വ​ദേ​ശി​ക​ളോ​​ടൊ​പ്പം അ​യ​ൽ രാ​ജ്യ​ങ്ങ​ളി​ൽ​നി​ന്നു​ള്ള​വ​രു​മെ ത്തു​ന്ന​തോ​ടെ സ​ലാ​ല​യും പ​രി​സ​ര പ്ര​ദേ​ശ​ങ്ങ​ളും തി​ര​ക്കി​ല​മ​രും. സ​ലാ​ലയുടെ ന​ഗ​ര​ ​പ്ര​ദേ​ശ​ങ്ങ​ളി​ലും മ​റ്റും ക​ന​ത്ത ചൂ​ടാ​ണ്​ അ​നു​ഭ​വ​പ്പെ​ടു​ന്ന​ത്.

എ​ന്നാ​ൽ വ​രും ദി​വ​സ​ങ്ങ​ളി​ൽ കാ​ലാ​വ​സ്ഥ മാ​റു​ക​യും മ​ഴ​യെ​ത്തു​ക​യും ചെ​യ്യു​ന്ന​തോ​ടെ സ​ഞ്ചാ​രി​ക​ളു​ടെ ഒ​ഴു​ക്കി​നാ​യി​രി​ക്കും സ​ലാ​ല സാ​ക്ഷ്യം വ​ഹി​ക്കു​ക. സ​ഞ്ചാ​രി​ക​ളി​ൽ അ​ധി​ക​പേ​രും ദോ​ഫാ​റി​ലേ​ക്ക്​ റോ​ഡ് മാ​ർ​ഗം യാ​ത്ര ചെ​യ്യാ​നാ​ണ് ഇ​ഷ്ട​പ്പെ​ടു​ന്ന​തെ​ന്ന് ദേ​ശീ​യ സ്ഥി​തി​വി​വ​ര​കേ​ന്ദ്ര​ത്തി​ന്‍റെ ക​ണ​ക്കു​ക​ൾ പ​റ​യു​ന്നു. ക​ഴി​ഞ്ഞ വ​ർ​ഷം ദോ​ഫാ​റി​ലെ​ത്തി​യ സ​ഞ്ചാ​രി​ക​ളു​ടെ 75.1 ശ​ത​മാ​നം അ​ഥ​വാ 722,795 സ​ന്ദ​ർ​ശ​ക​ർ റോ​ഡ്​ മാ​ർ​ഗ​മാ​യി​രു​ന്നെ​ത്തി​യി​രു​ന്ന​ത്.

2019 ൽ 610,491​ഉം 2022 ൽ 6,47,301 ​ആ​ണ്​ ഇ​ത്​ യ​ഥാ​ക്ര​മം. 2023വ​ർ​ഷ​ത്തി​ലെ ആ​കെ 6,66,307 ഖ​രീ​ഫ് വി​നോ​ദ​സ​ഞ്ചാ​രി​ക​ളി​ൽ 1,90,853 പേ​ർ ജി.​സി.​സി രാ​ജ്യ​ങ്ങ​ളി​ൽ​നി​ന്നു​ള്ള​വ​രാ​ണ്. മു​ൻ​വ​ർ​ഷ​ത്തേ​ക്കാ​ൾ 19.8 ശ​ത​മാ​നം വ​ർ​ധ​ന​യാ​ണു​ണ്ടാ​യി​രി​ക്കു​ന്ന​ത്. 1,200 കി​ലോ​മീ​റ്റ​ർ ദൈ​ർ​ഘ്യ​മു​ള്ള പാ​ത​യി​ൽ രാ​ത്രി​യി​ൽ വാ​ഹ​ന​മോ​ടി​ക്കു​ന്ന​വ​ർ ചി​ല മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്ക​ണ​മെ​ന്ന് റോ​യ​ൽ ഒ​മാ​ൻ പൊ​ലീ​സ്​ ആ​വ​ശ്യ​പ്പെ​ട്ടു.

വി​ൻ​ഡ്ഷീ​ൽ​ഡ് വൃ​ത്തി​യാ​ക്ക​ൽ

വി​ൻ​ഡ്ഷീ​ൽ​ഡി​ന്‍റെ അ​ക​ത്തും പു​റ​ത്തും പൊ​ടി​പ​ട​ല​ങ്ങ​ൾ അ​ടി​ഞ്ഞു​കൂ​ടു​ന്ന​ത് രാ​ത്രി​യി​ൽ കാ​ഴ്ച​യെ ത​ട​സ്സ​പ്പെ​ടു​ത്തും.അ​തി​നാ​ൽ, ഇ​വ വൃ​ത്തി​യാ​യി സൂ​ക്ഷി​ക്ക​ണം ഇത് വ​ള​രെ പ്ര​ധാ​ന​പ്പെ​ട്ട കാ​ര്യ​മാ​ണ്.

ലൈ​റ്റു​ക​ൾ പ​രി​ശോ​ധി​ക്കു​ക

ഹെ​ഡ്‌​ലൈ​റ്റു​ക​ളും ടെ​യി​ൽ​ലൈ​റ്റു​ക​ളും പ​രി​ശോ​ധി​ച്ച് അ​വ ന​ല്ല നി​ല​യി​ലാ​ണെ​ന്ന് ഉ​റ​പ്പാ​ക്കു​ക. സൂ​ര്യാ​സ്ത​മ​യ​ത്തി​നു ഒ​രു മ​ണി​ക്കൂ​ർ​മു​മ്പ് കാ​ർ ലൈ​റ്റു​ക​ൾ ഓ​ണാ​ക്കാ​ൻ മ​ടി​ക്ക​രു​ത്.

മ​റ്റ് വാ​ഹ​ന​ങ്ങ​ളു​ടെ ലൈ​റ്റി​ലേ​ക്ക് നോ​ക്ക​രു​ത്

നി​ങ്ങ​ളു​ടെ നേ​രെ​വ​രു​ന്ന കാ​റു​ക​ളു​ടെ ഹെ​ഡ്‌​ലൈ​റ്റു​ക​ളി​ലേ​ക്ക് നേ​രി​ട്ട് നോ​ക്കാ​തി​രി​ക്കാ​ൻ ശ്ര​മി​ക്കു​ക. പ​ക​രം, റോ​ഡി​ലെ വെ​ളു​ത്ത വ​ര​യി​ൽ ശ്ര​ദ്ധ കേ​ന്ദ്രീ​ക​രി​ച്ച് വ​ല​ത്തോ​ട്ടും ഇ​ട​ത്തോ​ട്ടും നോ​ക്കാ​ൻ പ​ര​മാ​വ​ധി ശ്ര​മി​ക്കു​ക. കാ​റി​ന്‍റെ ഹെ​ഡ്‌​ലൈ​റ്റു​ക​ൾ നി​ങ്ങ​ളു​ടെ ക​ണ്ണു​ക​ളെ ബാ​ധി​ക്കാ​തി​രി​ക്കാ​ൻ ഇ​ത് സ​ഹാ​യി​ക്കും.

സു​ര​ക്ഷി​ത​മാ​യ അ​ക​ലം പാ​ലി​ക്കു​ക

മു​ന്നി​ൽ പോ​കു​ന്ന വാ​ഹ​ന​വു​മാ​യി നി​ശ്ചി​ത അ​ക​ലം പാ​ലി​ക്കാ​ൻ ശ്ര​ദ്ധി​ക്കു​ക. ​ വേ​ഗ​തകു​റ​ച്ചു​ള്ള യാ​ത്ര കൂ​ട്ടി​യി​ടി​ക​ൾ ഒ​ഴി​വാ​ക്കാ​നും എ​ല്ലാ യാ​ത്ര​ക്കാ​രു​ടെ​യും ജീ​വ​ൻ ര​ക്ഷി​ക്കു​ന്ന​തി​നും സ​ഹാ​യ​ക​മാ​കും. രാ​ത്രി​യി​ൽ കാ​ർ പെ​ട്ടെ​ന്ന് നി​ർ​ത്തു​ക​യാ​ണെ​ങ്കി​ൽ, റോ​ഡി​ന്‍റെ സൈ​ഡി​ൽ പാ​ർ​ക്കു ചെ​യ്യു​ക, ഹ​സാ​ർ​ഡ് ലൈ​റ്റു​ക​ള​ട​ക്കം എ​ല്ലാ ലൈ​റ്റു​ക​ളും ഓ​ണാ​ക്കു​ക. മേ​സേ​ജ്​ അ​യ​ക്കു​ക, കാ​റി​ൽ ഭ​ക്ഷ​ണം ക​ഴി​ക്കു​ക തു​ട​ങ്ങി ഡ്രൈ​വി​ങ്ങിൽ​നി​ന്ന്​ ശ്ര​ദ്ധ തെ​റ്റി​പ്പി​ക്കു​ന്ന എ​ല്ലാ കാ​ര്യ​ങ്ങ​ളി​ൽ​നി​ന്നും വി​ട്ടു നി​ൽ​ക്കു​ക.

കാ​ൽ​ന​ട​യാ​ത്ര​ക്കാ​രെ പ​രി​ഗ​ണി​ക്കു​ക

പ​ല​പ്പോ​ഴും കാ​ൽ ന​ട​യാ​ത്ര​ക്കാ​ർ രാ​ത്രി​കാ​ല​ങ്ങ​ളി​ൽ പ്ര​തി​ഫ​ലി​ക്കു​ന്ന വ​സ്ത്ര​ങ്ങ​ളാ​യി​രി​ക്കി​ല്ല ധ​രി​ക്കാ​റ്. അ​തി​നാ​ൽ, വ​ള​രെ ശ്ര​ദ്ധി​ച്ചു​വേ​ണം വാ​ഹ​ന​മോ​ടി​ക്കാ​ൻ. പ്ര​ത്യേ​കി​ച്ച് വെ​ളി​ച്ചം കു​റ​ഞ്ഞ റോ​ഡു​ക​ളി​ൽ. ഇ​ന്‍റ​ർ​സെ​ക്ഷ​നി​ലെ​ത്തി​യാ​ൽ, മു​ന്നോ​ട്ട് പോ​കു​ന്ന​തി​നു മു​മ്പ് ഇ​രു​വ​ശ​വും നോ​ക്കു​ക.

മൂ​ട​ൽ​മ​ഞ്ഞി​ൽ ഡ്രൈ​വി​ങ്ങി​ൽ​ ജാ​ഗ്ര​ത പാ​ലി​ക്കു​ക

മൂ​ട​ൽ​മ​ഞ്ഞു​ള്ള കാ​ലാ​വ​സ്ഥ​യി​ൽ ദൂ​ര​ക്കാ​ഴ്ച കു​റ​വാ​യ​തി​നാ​ൽ വാ​ഹ​ന​ങ്ങ​ൾ ഓ​ടി​ക്കു​മ്പോ​ൾ ജാ​ഗ്ര​ത പാ​ലി​ക്ക​ണ​മെ​ന്നും എ​ല്ലാ മു​ൻ​ക​രു​ത​ലു​ക​ൾ സ്വീ​ക​രി​ക്ക​ണ​മെ​ന്നും വി​ദ​ഗ്​​ധ​ർ നി​ർ​ദേ​ശി​ക്കു​ന്നു

ഗ്ലാ​സു​ക​ളും വി​ൻ​ഡോ​ക​ളും വൃ​ത്തി​യാ​ക്കു​ക

യാ​ത്ര ആ​രം​ഭി​ക്കു​ന്ന​തി​നു മു​മ്പ് കാ​റി​ലെ ക​ണ്ണാ​ടി​ക​ൾ ശ​രി​യാ​യ രീ​തി​യി​ലാ​ണെ​ന്​ ഉ​റ​പ്പാ​ക്കു​ക. പ​ര​മാ​വ​ധി കാ​ഴ്ച കൈ​വ​രി​ക്കു​ന്ന​തി​ന് ഗ്ലാ​സി​ൽ​നി​ന്ന് നീ​രാ​വി നീ​ക്കം ചെ​യ്യു​ന്ന​തി​നാ​യി വെ​ന്‍റി​ലേ​ഷ​ൻ ദ്വാ​ര​ങ്ങ​ളും ഗ്ലാ​സ് ക്ലീ​നി​ങ്​ വൈ​പ്പ​റു​ക​ളും ഉ​പ​യോ​ഗി​ക്കു​ക. ഗ്ലാ​സി​ലും വി​ൻ​ഡോ​ക​ളി​ലും നീ​രാ​വി ഘ​നീ​ഭ​വി​ക്കു​ന്ന​ത് വേ​ഗ​ത്തി​ൽ നീ​ക്കം​ചെ​യ്യാ​ൻ, ഉ​യ​ർ​ന്ന താ​പ​നി​ല​യി​ൽ കാ​റി​ന്‍റെ എ​യ​ർ​ക​ണ്ടീ​ഷ​ണ​ർ ഉ​പ​യോ​ഗി​ക്കാ​വു​ന്ന​താ​ണ്.

വി​ൻ​ഡോ​ക​ൾ തു​റ​ക്കു​ക

ദൃ​ശ്യ​പ​ര​ത വ​ള​രെ കു​റ​വാ​യ സാ​ഹ​ച​ര്യ​ത്തി​ൽ വി​ൻ​ഡോ​ക​ൾ തു​റ​ന്നി​ടു​ക. ഇ​ത്​ എ​തി​രെ വ​രു​ന്ന കാ​റു​ക​ളു​ടെ ശ​ബ്ദം ഡ്രൈ​വ​ർ​ക്ക് കേ​ൾ​ക്കാ​ൻ സ​ഹാ​യ​ക​മാ​കും. പ്ര​ത്യേ​കി​ച്ച് ട്രാ​ഫി​ക് കൂ​ടു​ത​ലി​ല്ലാ​ത്ത പ്ര​ദേ​ശ​ങ്ങ​ളി​ൽ.