ഒമാനിൽ മാർച്ച്​ 28 മുതൽ രാത്രി സഞ്ചാരവിലക്ക്

മസ്​കത്ത്​: കോവിഡ്​ വ്യാപനത്തെ പ്രതിരോധിക്കുന്നതിനായി ഒമാനിൽ വീണ്ടും രാത്രികാല സഞ്ചാരവിലക്ക്​ ഏർപ്പെടുത്താൻ വ്യാഴാഴ്​ച നടന്ന സുപ്രീം കമ്മിറ്റി യോഗം തീരുമാനിച്ചു. മാർച്ച്​ 28 ഞായറാഴ്​ച മുതൽ ഏപ്രിൽ എട്ട്​ വ്യാഴാഴ്​ച വരെയാണ്​ രാജ്യവ്യാപകമായുള്ള ഭാഗിക കർഫ്യൂ പ്രാബല്ല്യത്തിൽ ഉണ്ടാവുക. രാത്രി എട്ട്​ മുതൽ പുലർച്ചെ അഞ്ച്​ മണി വരെ വ്യാപാര സ്​ഥാപനങ്ങൾ അടച്ചിടുന്നതിന്​ ഒപ്പം​ വാഹന സഞ്ചാരത്തിനും ആളുകൾ പുറത്തിറങ്ങുന്നതിനും വിലക്കുണ്ടായിരിക്കും. നിലവിൽ ഒമാനിൽ വാണിജ്യ സ്​ഥാപനങ്ങളുടെ രാത്രി അടച്ചിടൽ പ്രാബല്ല്യത്തിലുണ്ട്​. ഇത്​ ഏപ്രിൽ മൂന്നിന്​ അവസാനിക്കാനിരിക്കെയാണ്​ സുപ്രീം കമ്മിറ്റിയുടെ പുതിയ തീരുമാനം.

രാജ്യത്തെ മഹാമാരിയുടെ സാഹചര്യം വിലയിരുത്തു​േമ്പാൾ ഏപ്രിൽ ഒന്ന്​ മുതൽ മെയ്​ 30 വരെയുള്ള രണ്ട്​ മാസക്കാലം ഏറെ പ്രയാസമേറിയതാകുമെന്നാണ്​ വിദഗ്​ധ സംഘത്തി​െൻറ വിലയിരുത്തലെന്ന്​ സുപ്രീം കമ്മിറ്റി അറിയിച്ചു. പ്രയാസമേറിയ സാഹചര്യങ്ങൾ ഒഴിവാക്കുന്നതി​െൻറ ഭാഗമായി സമ്പൂർണ അടച്ചിടലും പൂർണമായ സഞ്ചാര വിലക്കുമടക്കം നടപടികൾ കൈകൊള്ളേണ്ടി വരുമെന്നും സുപ്രീം കമ്മിറ്റി മുന്നറിയിപ്പ്​ നൽകിയിട്ടുണ്ട്​. സർക്കാർ സ്​കൂളുകളിൽ 12ാം ഗ്രേഡ്​ ഒഴിച്ചുള്ളവയിലെ വിദ്യാർഥികളുടെ ഒാൺലൈൻ ക്ലാസുകൾ ഏപ്രിൽ എട്ട്​ വരെ നീട്ടാനും സുപ്രീം കമ്മിറ്റി യോഗം തീരുമാനിച്ചു. മഹാമാരിയുടെ വ്യാപനം സംബന്ധിച്ച നിലവിലെ അവസ്​ഥയും ആശുപത്രികളിൽ രോഗികൾ കൂടുന്നതും ഉയരുന്ന മരണസംഖ്യയും സുപ്രീം കമ്മിറ്റി ചർച്ച ചെയ്​തു.