ഗ​ള്‍ഫു​ഡി​ല്‍ പ​ങ്കാ​ളി​യാ​യി ഒ​മാ​നും

മ​സ്ക​ത്ത്: ദു​ബൈ വേ​ള്‍ഡ് ട്രേ​ഡ് സെ​ന്റ​റി​ല്‍ ന​ട​ക്കു​ന്ന ലോ​ക​ത്തി​ലെ വ​ലി​യ ഭ​ക്ഷ്യ, പാ​നീ​യ പ്ര​ദ​ര്‍ശ​ന​മാ​യ ഗ​ള്‍ഫു​ഡി​ൽ പ​ങ്കാ​ളി​യാ​യി ഒ​മാ​നും. സു​ൽ​ത്താ​നേ​റ്റി​നെ പ്ര​തി​നി​ധീ​ക​രി​ച്ച് മ​ദ​യ്‌​ന് കീ​ഴി​ലാ​ണ് വി​വി​ധ സ്ഥാ​പ​ന​ങ്ങ​ല്‍ പ്ര​ദ​ര്‍ശ​ന​ത്തി​ന്റെ ഭാ​ഗ​മാ​കു​ന്ന​ത്. ഒ​മാ​നി​ലെ ഭ​ക്ഷ്യ മേ​ഖ​ല​യി​ല്‍ വി​ദേ​ശ നി​ക്ഷേ​പ​ക​രെ ആ​ക​ര്‍ഷി​ക്കു​ക കൂ​ടി ല​ക്ഷ്യ​മി​ട്ടാ​ണ് ഒ​മാ​ന്‍ പ്ര​ദ​ര്‍ശ​ന​ത്തി​ന്റെ ഭാ​ഗ​മാ​കു​ന്ന​തെ​ന്ന് മ​ദ​യ്ന്‍ മാ​ര്‍ക്ക​റ്റി​ങ് ആ​ൻ​ഡ് കൊ​മേ​ഴ്ഷ്യ​ല്‍ അ​ഫേ​ഴ്‌​സ് ഡ​യ​റ​ക്ട​ര്‍ ജ​ന​റ​ല്‍ ഖാ​ലി​ദ് അ​ല്‍ സാ​ലി​ഹി പ​റ​ഞ്ഞു.

അ​ഞ്ചു ദി​വ​സ​ങ്ങ​ളി​ലാ​യി ന​ട​ക്കു​ന്ന മേ​ള​യി​ൽ ഏ​റ്റ​വും പു​തി​യ ഭ​ക്ഷ്യ ഉ​ൽ​പന്ന​ങ്ങ​ൾ, വി​വി​ധ ചേ​രു​വ​ക​ൾ, രു​ചി​ക​ൾ എ​ന്നി​വ പു​റ​ത്തി​റ​ക്കു​ന്ന ക​മ്പ​നി​ക​ളു​മാ​യി സം​വ​ദി​ക്കാ​നും വ്യാ​പാ​ര ക​രാ​റു​ക​ളി​ൽ ഒ​പ്പു​വെ​ക്കാ​നും അ​വ​സ​ര​​മൊ​രു​ക്കി​യി​ട്ടു​ണ്ട്​. കൂ​ടാ​തെ ലോ​ക​ത്തെ പ്ര​മു​ഖ ഷെ​ഫു​മാ​രി​ൽ നി​ന്ന്​ പാ​ച​ക വൈ​ദ​ഗ്ധ്യം നേ​രി​ട്ട് അ​നു​ഭ​വി​ച്ച​റി​യാ​നും സാ​ധി​ക്കും. യു.​എ​സ്, ഫ്രാ​ൻ​സ്, ബ്ര​സീ​ൽ, യു.​കെ, ഇ​ന്ത്യ, സിം​ഗ​പ്പൂ​ർ, ജ​പ്പാ​ൻ, ഓ​സ്‌​ട്രേ​ലി​യ, കൊ​സോ​വോ, മ​ഡ​ഗാ​സ്ക​ർ, മൗ​റീ​ഷ്യ​സ്, സാം​ബി​യ തു​ട​ങ്ങി​യ രാ​ജ്യ​ങ്ങ​ളി​ൽ നി​ന്നു​ള്ള ക​മ്പ​നി​ക​ളു​ടെ സ്റ്റാ​ളു​ക​ളും മേ​ള​യി​ൽ സ​ജീ​വ​മാ​ണ്​.