മ​സ്ക​ത്ത് വി​മാ​ന​ത്താ​വ​ള​ത്തി​ൽ പു​തി​യ റ​ൺ​വേ തു​റ​ന്നു

മ​സ്ക​ത്ത്​: മ​സ്‌​ക​ത്ത്​ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ തെ​ക്ക​ൻ റ​ൺ​വേ​യു​ടെ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​താ​യി സി​വി​ൽ ഏ​വി​യേ​ഷ​ൻ അ​തോ​റി​റ്റി അ​റി​യി​ച്ചു. ഒ​മാ​ൻ വി​ഷ​ൻ 2040ന്‍റെ ത​ന്ത്ര​പ​ര​മാ​യ ല​ക്ഷ്യ​ങ്ങ​ൾ​ക്ക് അ​നു​സൃ​ത​മാ​യി വി​മാ​ന​ത്താ​വ​ള അ​ടി​സ്ഥാ​ന സൗ​ക​ര്യ​ങ്ങ​ളു​ടെ കാ​ര്യ​ക്ഷ​മ​ത വ​ർ​ധി​പ്പി​ക്കു​ന്ന​തി​നു​ള്ള അ​തോ​റി​റ്റി​യു​ടെ തു​ട​ർ​ച്ച​യാ​യ ശ്ര​മ​ങ്ങ​ളു​ടെ ഭാ​ഗ​മാ​ണ് ഈ ​വി​ക​സ​ന​മൊ​രു​ക്കി​യി​രി​ക്കു​ന്ന​ത്.

ഇ​ത്​ വി​മാ​ന ഗ​താ​ഗ​തം വ​ർ​ധി​പ്പി​ക്കു​ക​യും സു​ഗ​മ​മാ​യ ടേ​ക്ക് ഓ​ഫ്, ലാ​ൻ​ഡി​ങ്​ പ്ര​വ​ർ​ത്ത​ന​ങ്ങ​ൾ എ​ളു​പ്പ​മാ​ക്കു​ക​യും ചെ​യ്യും.​എ 380 ഉ​ൾ​പ്പെ​ടെ എ​ല്ലാ​ത്ത​രം വി​മാ​ന​ങ്ങ​ളും ഉ​ൾ​ക്കൊ​ള്ളാ​ൻ ശേ​ഷി​യു​ള്ള​താ​ണ്​ പു​തു​താ​യി ഉ​ദ്ഘാ​ട​നം ചെ​യ്ത റ​ൺ​വേ.​ഇ​തോ​ടെ വൈ​വി​ധ്യ​മാ​ർ​ന്ന വ്യോ​മ​യാ​ന ആ​വ​ശ്യ​ങ്ങ​ൾ നി​റ​വേ​റ്റാ​ൻ സാ​ധി​ക്കു​ക​യും ചെ​യ്യും.​പ​രി​സ​ര പ്ര​ദേ​ശ​ങ്ങ​ളി​ലു​ള്ള​വ​ർ​ക്ക്​ ശ​ബ്​​ദ​മ​ലി​നീ​ക​ര​ണം ഒ​ഴി​വാ​ക്കാ​നാ​യി പ്ര​ത്യേ​കം രൂ​പ​ക​ൽ​പ​ന ചെ​യ്താ​ണ്​ റ​ൺ​വേ ഒ​രു​ക്കി​യി​രി​ക്കു​ന്ന​ത്.​

വി​മാ​ന​ത്തി​ന്‍റെ ച​ല​ന​ങ്ങ​ളി​ൽ ഒ​പ്റ്റി​മ​ൽ വേ​ഗ​ത്തി​നും വ​ഴ​ക്ക​ത്തി​നും വേ​ണ്ടി​യു​ള്ള സം​വി​ധാ​ന​വും റ​ൺ​വേ​യി​ലു​ണ്ട്. 24 മ​ണി​ക്കൂ​റും പ്ര​കാ​ശി​ക്കു​ന്ന എ​ൽ.​ഇ.​ഡി ലൈ​റ്റി​ങ് സം​വി​ധാ​ന​മാ​ണ്​ മ​​റ്റൊ​രു സി​വി​ശേ​ഷ​ത. ഇ​തി​ന്‍റെ ഉ​പ​യോ​ഗ​ത്തി​ലൂ​ടെ ഊ​ർ​ജ സം​ര​ക്ഷ​ണ​ത്തി​ന് സം​ഭാ​വ​ന ചെ​യ്യാ​നാ​കു​മെ​ന്നും അ​ധി​കൃ​ത​ർ വ്യ​ക്​​ത​മാ​ക്കി.​

നാ​ല്​ കി​ലോ​മീ​റ്റ​ർ നീ​ള​വും 45മീ​റ്റ​ർ വീ​തി​യു​മു​ള്ള റ​ൺ​വേ​യി​ൽ ഏ​റ്റ​വും പു​തി​യ നി​യ​ന്ത്ര​ണ ഉ​പ​ക​ര​ണ​ങ്ങ​ളാ​ണ്​ ഒ​രു​ക്കി​യി​ട്ടു​ള്ള​ത്.

തെ​ക്ക​ൻ റ​ൺ​വേ യാ​ഥാ​ർ​ഥ്യ​മാ​ക്കാ​നു​ള്ള ആ​ലോ​ച​ക​ന​ക​ൾ ന​ട​ക്കു​ന്ന​ത് 1973ലാ​ണ്. പി​ന്നീ​ട്​ വ​ർ​ഷ​ങ്ങ​ൾ​ക്കു ശേ​ഷം ​ 2022 മേ​യി​ലാ​ണ്​ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കു​ന്ന​ത്.​ക​ഴി​ഞ്ഞ വ​ർ​ഷം ഒ​ക്ടോ​ബ​റി​ലാ​ണ്​ പ​ദ്ധ​തി​യു​ടെ നി​ർ​മാ​ണം പൂ​ർ​ത്തി​യാ​ക്കി​യ​ത്.​ആ​ദ്യ​ഘ​ട്ട നി​ർ​മാ​ണ​പ്ര​വ​ർ​ത്ത​ന ഭാ​ഗ​മാ​യി അ​സ്ഫാ​ൽ​റ്റ് കൊ​ണ്ട് മൂ​ടു​ക​യും റ​ൺ​വേ​യു​ടെ വ​ട​ക്ക് ഭാ​ഗ​ത്ത് ഒ​മ്പ​ത് പു​തി​യ ടാ​ക്സി​വേ​ക​ളു​മാ​യും തെ​ക്ക് വ​ശ​ത്ത് ഏ​ഴ് പാ​ത​ക​ളു​മാ​യും ബ​ന്ധി​പ്പി​ക്കു​ക​യും ചെ​യ്തു.​

വി​മാ​ന​ത്താ​വ​ള സൗ​ക​ര്യ​ങ്ങ​ളെ ബ​ന്ധി​പ്പി​ക്കു​ന്ന നി​ര​വ​ധി പു​തി​യ സ​ർ​വി​സ് റോ​ഡു​ക​ളും ഒ​രു​ക്കി. ര​ണ്ടാം​ഘ​ട്ട​ത്തി​ൽ എ​യ​ർ​പോ​ർ​ട്ട് ഏ​പ്ര​ണി​ൽ നാ​വി​ഗേ​ഷ​നാ​യി ഗ്രൗ​ണ്ട് ലൈ​റ്റി​ങ്​ സ്ഥാ​പി​ച്ചു.​അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ വി​മാ​നം ലാ​ൻ​ഡ് ചെ​യ്യാ​ൻ ഉ​പ​യോ​ഗി​ക്കു​ന്ന നി​ല​വി​ലെ ഓ​ട്ടോ​മേ​റ്റ​ഡ് ലാ​ൻ​ഡി​ങ്​ സി​സ്റ്റം ഉ​പ​ക​ര​ണ​ങ്ങ​ളും കാ​ലാ​വ​സ്ഥാ ഉ​പ​ക​ര​ണ​ങ്ങ​ളും പു​നഃ​ക്ര​മീ​ക​രി​ക്കു​കു​യും ചെ​യ്​​തു.

എ​യ​ർ​പോ​ർ​ട്ട് ഓ​പ​റേ​റ്റ​ർ​മാ​രു​മാ​യും മ​റ്റ് സേ​വ​ന ദാ​താ​ക്ക​ളു​മാ​യും ഏ​കോ​പി​പ്പി​ച്ച് പു​തി​യ ഉ​പ​ക​ര​ണ​ങ്ങ​ളു​ടെ സാ​ങ്കേ​തി​ക​വും പ്ര​വ​ർ​ത്ത​ന​പ​ര​വു​മാ​യ പ​രി​ശോ​ധ​ന​ക​ളാ​ണ് അ​വ​സാ​ന ഘ​ട്ട​ത്തി​ൽ ന​ട​ന്ന​ത്.

അ​തേ​സ​മ​യം, പു​തു​താ​യി തു​റ​ന്ന തെ​ക്ക​ൻ റ​ൺ​വേ​യി​ൽ ആ​ദ്യ​മാ​യി ഇ​റ​ങ്ങി​യ​ത്​ സ​ലാം എ​യ​ർ വി​മാ​നം. ബാ​ഗ്ദാ​ദി​ൽ​നി​ന്നു​ള്ള ഒ.​വി. 338 വി​മാ​ന​മാ​ണ്​ പു​തു​താ​യി തു​റ​ന്ന റെ​യി​ൽ​വേ​യി​ൽ ഇ​റ​ങ്ങി​യ​തെ​ന്ന്​ സ​ലാം എ​യ​ർ അ​ധി​കൃ​ത​ർ അ​റി​യി​ച്ചു.