മേ​ഖ​ല​യി​ലെ പു​തി​യ രാഷ്ട്രീയ സാ​ഹ​ച​ര്യം; സ്വ​ദേ​ശി ഉ​ൽ​പ​ന്ന​ങ്ങ​ൾ​ക്ക് പ്രി​യ​മേ​റു​ന്നു

മ​സ്ക​ത്ത്: മ​ധ്യ പൗ​ര​സ്ത്യ ​ദേ​ശ​ത്തെ പു​തി​യ രാ​ഷ്ട്രീ​യ സാ​ഹ​ച​ര്യ​ത്തി​ൽ ഒ​മാ​നി​ലെ സ്വ​ദേ​ശി ഉ​ൽ​പ​ന്ന​ങ്ങ​ൾ​ക്ക്​ പ്രി​യ​മേ​റു​ന്ന​താ​യി വ്യാ​പാ​ര മേ​ഖ​ല​യി​ലു​ള്ള​വ​ർ പ​റ​യു​ന്നു.ക​ഴി​ഞ്ഞ ര​ണ്ടു മാ​സ​മാ​യി ഇ​ത്ത​രം ക​മ്പ​നി​ക​ൾ​ക്കും സ്ഥാ​പ​ന​ങ്ങ​ൾ​ക്കും വ്യാ​പാ​രം വ​ർ​ധി​ച്ചി​ട്ടു​ണ്ട്. ക​ഴി​ഞ്ഞ കു​റെ ദി​വ​സ​ങ്ങ​ളാ​യി പ​ല​ർ​ക്കും സ്വ​ദേ​ശി ഉ​ൽ​പ​ന്ന​ങ്ങ​ൾ വാ​ങ്ങാ​നാ​ണ് താ​ൽ​പ​ര്യം. ഇ​ത് ഒ​മാ​നി​ലെ പ​ല മ​ൾ​ട്ടി നാ​ഷ​ന​ൽ ക​മ്പ​നി​ക​ളു​ടെ​യും വ്യാ​പാ​ര​ത്തെ പ്ര​തി​കൂ​ല​മാ​യി ബാ​ധി​ച്ചി​ട്ടു​ണ്ട്.

ചി​ല സ്വ​ദേ​ശി ഭ​ക്ഷ്യ ഉ​ൽ​പ​ന്ന​ങ്ങ​ൾ​ക്കാ​ണ് ഇ​പ്പോ​ൾ ആ​വ​ശ്യ​ക്കാ​ർ വ​ർ​ധി​ച്ചി​രി​ക്കു​ന്ന​ത്. ചി​ല ഒ​മാ​നി ശീ​ത​ള​പാ​നീ​യ​ങ്ങ​ൾ​ക്കും ഇ​പ്പോ​ൾ ആ​വ​ശ്യ​ക്കാ​ർ കൂ​ടി​യി​ട്ടു​ണ്ട്. എ​ന്നാ​ൽ ത​ണു​പ്പ് കാ​ല​മാ​യ​തി​നാ​ൽ ശീ​ത​ള പാ​നീ​യ​ങ്ങ​ൾ​ക്ക് പൊ​തു​വെ ഡി​മാ​ൻ​ഡ് കു​റ​വാ​ണ്. ജ​ങ്ക് ഭ​ക്ഷ്യ ഉ​ൽ​പ​ന്ന​ങ്ങ​ളും പ​ല​രും സ്വ​ദേ​ശി ഉ​ൽ​പ​ന്ന​ങ്ങ​ളി​ലേ​ക്ക് മാ​റി​യി​ട്ടു​ണ്ട്.

ഈ ​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന സ്വ​ദേ​ശി സ്ഥാ​പ​ന​ങ്ങ​ൾ​ക്കെ​ല്ലാം ക​ഴി​ഞ്ഞ കു​റെ ദി​വ​സ​ങ്ങ​ളാ​യി ന​ല്ല ക​ച്ച​വ​ട​മാ​ണ്​ ല​ഭി​ച്ച​ത്. ഇ​ത് മ​റി​ക​ട​ക്കാ​ൻ പ​ല ബ​ഹു​രാ​ഷ്ട്ര ക​മ്പ​നി​ക​ളും ഓ​ഫ​റു​ക​ളു​മാ​യി രം​ഗ​ത്തെ​ത്തി​യി​ട്ടു​ണ്ട്. വ്യാ​പാ​രം കു​റ​ഞ്ഞ​തോ​ടെ ചി​ല സ്ഥാ​പ​ന​ങ്ങ​ൾ സാ​മ്പ​ത്തി​ക അ​ച്ച​ട​ക്കം ഉ​ൾ​​പ്പെ​ടെ​യു​ള്ള ന​ട​പ​ടി​ക​ളും സ്വീ​ക​രി​ക്കു​ന്നു​ണ്ട്.

ജീ​വ​ന​ക്കാ​ർ​ക്ക് അ​വ​ധി ന​ൽ​കി​യും പ്ര​വൃ​ത്തി​സ​മ​യം കു​റ​ച്ചു​മൊ​ക്കെ​യാ​ണ് ഇ​ത്ത​രം സ്ഥാ​പ​ന​ങ്ങ​ൾ ചെ​ല​വ് കു​റ​ക്കു​ന്ന​ത്. ക​ഴി​ഞ്ഞ ഏ​താ​നും ആ​ഴ്ച​യാ​യി ത​ങ്ങ​ളു​ടെ വ്യാ​പാ​രം വ​ർ​ധി​ച്ച​താ​യി ജ​ങ്ക് ഫു​ഡ് മേ​ഖ​ല​യി​ൽ പ്ര​വ​ർ​ത്തി​ക്കു​ന്ന ആ​ർ.​എ​ഫ്.​സി ഫ്രൈ​ഡ്​ ചി​ക്ക​നു​മാ​യി ബ​ന്ധ​പ്പെ​ട്ട​വ​ർ വ്യ​ക്ത​മാ​ക്കി.

പൂ​ർ​ണ​മാ​യി ഒ​മാ​നി​ൽ ഒ​രു​ക്കു​ന്ന ത​ങ്ങ​ളു​ടെ ഉ​ൽ​പ​ന്ന​ങ്ങ​ൾ ഉ​പ​യോ​ഗി​ക്കു​ന്ന ആ​ളു​ക​ളു​ടെ എ​ണ്ണം കൂ​ടി​യി​ട്ടു​ണ്ട്. ഒ​മാ​നി​ലെ വി​വി​ധ ഭാ​ഗ​ങ്ങ​ളി​ലു​ള്ള അ​ഞ്ച്​ ശാ​ഖ​ക​ളി​ലും ന​ല്ല തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. അ​ടു​ത്തി​ടെ വ്യാ​പാ​രം മൂ​ന്ന് മ​ട​ങ്ങാ​യി വ​ർ​ധി​ക്കു​ക​യും ചെ​യ്തു. സ്ഥാ​പ​ന​ത്തി​ന്റെ അ​ൽ​ഖു​വൈ​ർ, മൊ​ബേ​ല ശാ​ഖ​ക​ളി​ലാ​ണ് ഏ​റ്റ​വും കൂ​ടു​ത​ൽ തി​ര​ക്ക് അ​നു​ഭ​വ​പ്പെ​ടു​ന്ന​ത്. തി​ര​ക്ക് വ​ർ​ധി​ച്ച​തോ​ടെ ഉ​ൽ​പാ​ദ​നം വ​ർ​ധി​പ്പി​ക്കാ​നു​ള്ള നീ​ക്ക​ങ്ങ​ളും ആ​രം​ഭി​ച്ച​താ​യി ക​മ്പ​നി അ​ധി​കൃ​ത​ർ വ്യ​ക്ത​മാ​ക്കി.

ഇ​ത്ത​രം മേ​ഖ​ല​ക​ളി​ൽ പ്ര​വ​ർ​ത്തി​ക്കു​ന്ന മ​റ്റ് സ്വ​ദേ​ശി ക​മ്പ​നി​ക​ളി​ലും ന​ല്ല തി​ര​ക്കാ​ണു​ള്ള​ത്. ആ​രോ​ഗ്യ​പ​ര​മാ​യ കാ​ര​ണ​ങ്ങ​ളാ​ൽ ഒ​മാ​ൻ അ​ധി​കൃ​ത​ർ നി​ര​വ​ധി ശീ​ത​ള​പാ​നീ​യ​ങ്ങ​ളു​ടെ നി​കു​തി വ​ർ​ധി​പ്പി​ക്കു​ക​യും ഉ​പ​യോ​ഗം നി​രു​ത്സാ​ഹ​പ്പെ​ടു​ത്തു​ക​യും ചെ​യ്തി​രു​ന്നു. പു​തി​യ സാ​ഹ​ച​ര്യ​ത്തി​ൽ ചി​ല ബ​ഹു​രാ​ഷ്ട്ര ക​മ്പ​നി​ക​ളു​ടെ ശീ​ത​ള പാ​നീ​യ​ങ്ങ​ളു​ടെ ഉ​പ​ഭോ​ഗം കു​റ​ഞ്ഞി​ട്ടു​ണ്ട്. വ്യാ​പാ​രം കു​റ​ഞ്ഞ​തോ​ടെ ചി​ല ശീ​ത​ള പാ​നീ​യ​ങ്ങ​ൾ​ക്ക് ഓ​ഫ​റും മ​റ്റും പ്ര​ഖ്യാ​പി​ച്ച് വ്യാ​പാ​രം വ​ർ​ധി​പ്പി​ക്കാ​നു​ള്ള ശ്ര​മ​ങ്ങ​ളും ന​ട​ക്കു​ന്നു​ണ്ട്. ഒ​മാ​നി​ലെ ചെ​റു​കി​ട ക​മ്പ​നി​ക​ളു​ടെ ഉ​ൽ​പ​ന്ന​ങ്ങ​ൾ​ക്കും സ്ഥാ​പ​ന​ങ്ങ​ൾ​ക്കും പു​തി​യ സാ​ഹ​ച​ര്യ​ത്തി​ൽ ബി​സി​ന​സ് വ​ർ​ധി​ച്ചി​ട്ടു​ണ്ട്.