ബ​ർ​ക​യി​ലും സി​നാ​വി​ലും പു​തി​യ ഇ​ന്ത്യ​ൻ സ്കൂ​ളു​ക​ൾ

മ​സ്ക​ത്ത്: ഇ​ന്ത്യ​ൻ പ്ര​വാ​സി സ​മൂ​ഹ​ത്തി​ൽ നി​ന്നു​ള്ള വ​ർ​ധി​ച്ചു​വ​രു​ന്ന ആ​വ​ശ്യം നി​റ​വേ​റ്റു​ന്ന​തി​നാ​യി ബ​ർ​ക​യി​ലും സി​നാ​വി​ലും പു​തി​യ സ്കൂ​ളു​ക​ൾ സ്ഥാ​പി​ക്കാ​നാ​യി ഇ​ന്ത്യ​ൻ സ്കൂ​ൾ ബോ​ർ​ഡ് ആ​ലോ​ചി​ക്കു​ന്നു. സാ​ധ്യ​ത പ​ഠ​നം ആ​രം​ഭി​ച്ച​താ​യി ഇ​ന്ത്യ​ൻ സ്കൂ​ളു​ക​ളു​ടെ ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​ൻ സ​യ്യി​ദ് അ​ഹ​മ്മ​ദ് സ​ൽ​മാ​ൻ പ​റ​ഞ്ഞു.

ഒ​മാ​നി​ലെ ഇ​ന്ത്യ​ൻ സ്കൂ​ൾ സം​വി​ധാ​ന​ത്തെ ആ​ഗോ​ള വി​ദ്യാ​ഭ്യാ​സ നി​ല​വാ​ര​വു​മാ​യി സ​മ​ന്വ​യി​പ്പി​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് ബോ​ർ​ഡ് പ്ര​വ​ർ​ത്തി​ച്ച​ുകൊ​ണ്ടി​രി​ക്കു​ന്ന​ത്. പാ​ഠ്യ​പ​ദ്ധ​തി ന​വീ​ക​ര​ണം മാ​ത്ര​മ​ല്ല, നാ​ള​ത്തെ വെ​ല്ലു​വി​ളി​ക​ൾ​ക്കാ​യി വി​ദ്യാ​ർ​ഥി​ക​ളെ​യും അ​ധ്യാ​പ​ക​രെ​യും മി​ക​ച്ച രീ​തി​യി​ൽ സ​ജ്ജ​മാ​ക്കു​ന്ന​തി​ന് അ​ടി​സ്ഥാ​ന സൗ​ക​ര്യ​ങ്ങ​ളി​ൽ ഗ​ണ്യ​മാ​യ നി​ക്ഷേ​പ​വും ഈ ​സം​രം​ഭ​ങ്ങ​ളി​ൽ ഉ​ൾ​പ്പെ​ടു​ന്നു.

ഒ​മാ​നി​ലെ എ​ല്ലാ ഇ​ന്ത്യ​ൻ സ്കൂ​ളു​ക​ളി​ലും ഗു​ണ​നി​ല​വാ​ര​മു​ള്ള സൗ​ക​ര്യ​ങ്ങ​ൾ തു​ല്യ​മാ​യി ല​ഭ്യ​മാ​ക്കു​ന്ന​തി​നാ​യി സൗ​ക​ര്യ ഓ​ഡി​റ്റ് ന​ട​ന്നു​കൊ​ണ്ടി​രി​ക്കു​ക​യാ​ണ്. ഇ​ന്ത്യ​ൻ സ്കൂ​ൾ മ​സ്ക​ത്ത് (ജി​ബ്രു കാ​മ്പ​സ്), ഇ​ന്ത്യ​ൻ സ്കൂ​ൾ ദ​ർ​സൈ​ത്ത്, ഇ​ന്ത്യ​ൻ സ്കൂ​ൾ സീ​ബ്, ഇ​ന്ത്യ​ൻ സ്കൂ​ൾ സു​ർ, ഇ​ന്ത്യ​ൻ സ്കൂ​ൾ സ​ലാ​ല എ​ന്നി​വി​ട​ങ്ങ​ളി​ൽ പ്ര​ധാ​ന വി​ക​സ​ന പ്ര​വ​ർ​ത്ത​ന​ങ്ങ​ൾ ഇ​തി​ന​കം ന​ട​ന്നു​കൊ​ണ്ടി​രി​ക്കു​ക​യാ​ണ്. ഭാ​വി​യി​ൽ കൂ​ടു​ത​ൽ കാ​മ്പ​സു​ക​ൾ ന​വീ​ക​രി​ക്കു​ന്ന​തി​നാ​യി ആ​സൂ​തൃണം ചെ​യ്തി​ട്ടു​ണ്ടെ​ന്നും സ​ൽ​മാ​ൻ പ​റ​ഞ്ഞു.