ഇ​ന്ത്യ​ൻ സ്‌​കൂ​ളി​ൽ പു​തി​യ അ​ധ്യാ​യ​ന വ​ർ​ഷ​ത്തി​ന്​ തു​ട​ക്കം

മ​സ്ക​ത്ത്​: രാ​ജ്യ​ത്തെ ഇ​ന്ത്യ​ൻ സ്‌​കൂ​ളു​ക​ളി​ൽ പു​തി​യ അ​ധ്യ​യ​ന വ​ർ​ഷ​ത്തി​ന്​ ഞാ​യ​റാ​ഴ്ച തു​ട​ക്കം. അ​റി​വി​ന്റെ ആ​ദ്യക്ഷ​രം കു​റി​ക്കാ​നാ​യി ഒ​ട്ടേ​റെ കു​രു​ന്നു​ക​ളാ​ണ്​ അ​റി​വി​ന്റെ മു​റ്റ​ത്തേ​ക്കെ​ത്തി​യ​ത്. ന്യൂ​ന​മ​ർ​ദ​ത്തെ​തു​ട​ർ​ന്ന് മ​സ്ക​ത്തി​ൽ രാ​വി​ലെ മു​ത​ൽ മ​ഴ​യാ​യി​രു​ന്നു. അ​തു​കൊ​ണ്ട് കേ​ര​ള​ത്തി​ലെ സ്‌​കൂ​ൾ തു​റ​പ്പ് ദി​വ​സ​ത്തെ ഓ​ർ​മി​പ്പി​ക്കു​ന്ന​താ​യി ഇ​തെ​ന്ന് ര​ക്ഷി​താ​ക്ക​ളും അ​ധ്യാ​പ​ക​രും അ​ഭി​പ്രാ​യ​പ്പെ​ട്ടു. കെ.​ജി.​ മു​ത​ൽ ര​ണ്ടാം ക്ലാ​സ്സ് വ​രെ​യു​ള്ള കു​ട്ടി​ക​ൾ പ​ഠി​ക്കു​ന്ന ഇ​ന്ത്യ​ൻ സ്‌​കൂ​ൾ ജി​ബ്രു​വി​ൽ വി​പു​ല​മാ​യ തോ​തി​ൽ പ്ര​വേ​ശ​നോ​ത്സ​വ​ത്തി​നു​ള്ള ത​യ്യ​റെ​ടു​പ്പു​ക​ൾ ന​ട​ത്തി​യി​രു​ന്നു.

എ​ന്നാ​ൽ, ക​ന​ത്ത മ​ഴ​മൂ​ലം വ​ള​രെ ല​ളി​ത​മാ​യ രീ​തി​യി​ലാ​ണ്​ പ്ര​വേ​ശ​നോ​ത്സ​വ ച​ട​ങ്ങു​ക​ൾ ന​ട​ന്ന​ത്. അ​ധ്യാ​പ​ക​ർ കു​ട്ടി​ക​ളെ സ്നേ​ഹ​പൂ​ർ​വ്വം സ്‌​കൂ​ളി​ലേ​ക്ക് വ​ര​വേ​റ്റ​ത്. ഈ​ദ് ആ​ഘോ​ഷ​വും ക​ഴി​ഞ്ഞാ​ണ് കു​ട്ടി​ക​ൾ പു​തി​യ അ​ധ്യ​യ​ന വ​ർ​ഷ​ത്തി​ലേ​ക്കു പ്ര​വേ​ശി​ക്കു​ന്ന​ത്. ഇ​നി ര​ണ്ടു മാ​സ​ക്കാ​ല​ത്തെ അ​ധ്യ​യ​ന​ത്തി​നു ശേ​ഷം ജൂ​ൺ ര​ണ്ടാം വാ​രം​മു​ത​ൽ മ​ധ്യ​വേ​ന​ൽ അ​വ​ധി​ക്കാ​യി സ്‌​കൂ​ളു​ക​ൾ വീ​ണ്ടും അ​ട​ക്കും.