നേതാജി കപ്പ് ഫുട്‌ബാള്‍ ടൂര്‍ണമെന്റ് ഒക്ടോബര്‍ 24ന്
text_fields
നേതാജി കപ്പ് ഫുട്‌ബാള്‍ ടൂര്‍ണമെന്റിന്റെ പോസ്റ്റർ പ്രകാശനം ചെയ്തപ്പോൾ
മസ്‌കത്ത്: നേതാജി എഫ്.സി, കെ.എം.എഫ്.എ അംഗീകാരത്തോടുകൂടി നടത്തുന്ന ഫുട്‌ബാള്‍ ടൂര്‍ണമെന്റ് ഒക്ടോബര്‍ 24 നടക്കുമെന്ന് സംഘാടകര്‍ അറിയിച്ചു. മബേല എന്‍.എഫ്.സി ഗ്രൗണ്ടില്‍ നടന്ന പരിപാടിയില്‍ നേതാജിയുടെ ഫൗണ്ടര്‍ ബാലകൃഷ്ണന്‍ വലിയാട്ടില്‍നിന്നും ക്യാപ്റ്റന്‍ ഫായിസ് ടൂര്‍ണമെന്റിന്റെ ഫസ്റ്റ് പോസ്റ്റര്‍ ഏറ്റുവാങ്ങി.
ഈ വര്‍ഷത്തെ ടൂര്‍ണമെന്റില്‍ ഒമാനിലെ പ്രമുഖ ടീമുകള്‍ പങ്കെടുക്കും. വിജയിക്കുന്ന ഒന്ന്, രണ്ട്, മൂന്ന് ടീമുകള്‍ക്ക് ക്യാഷ് പ്രൈസും ട്രോഫിയും മറ്റു വ്യക്തിഗത സമ്മാനങ്ങളും നല്‍കുമെന്നും കഴിഞ്ഞ സീസണുകളില്‍ തങ്ങളെ പിന്തുണച്ച് സ്‌പോണ്‍സര്‍മാരോടും ഓരോ വ്യക്തികളോടും നന്ദി അറിയിക്കുന്നതായും ക്ലബ് അധികൃതര്‍ അറിയിച്ചു.