നീ​റ്റ്; സ​മ്മി​ശ്ര പ്ര​തി​ക​ര​ണം

മ​സ്ക​ത്ത്: ഒ​മാ​നി​ൽ ന​ട​ന്ന നീ​റ്റ് പ​രീ​ക്ഷ​യി​ൽ 350ൽ​പ​രം വി​ദ്യാ​ർ​ഥി​ക​ൾ പ​രീ​ക്ഷ എ​ഴു​തി. മ​സ്ക​ത്ത് ഇ​ന്ത്യ​ൻ സ്കൂ​ളാ​യി​രു​ന്നു പ​രീ​ക്ഷ കേ​ന്ദ്രം. 12.30ന് ​ആ​രം​ഭി​ച്ച പ​രീ​ക്ഷ​ക്ക് രാ​വി​ലെ 9.30 മു​ത​ൽ കേ​ന്ദ്ര​ത്തി​ലേ​ക്ക് പ്ര​വേ​ശ​നം അ​നു​വ​ദി​ച്ചി​രു​ന്നു. അ​ധി​കൃ​ത​ര്‍ നി​ര്‍ദേ​ശി​ച്ച മു​ഴു​വ​ന്‍ മാ​ന​ദ​ണ്ഡ​ങ്ങ​ളും പ​രി​ശോ​ധി​ച്ചാ​യി​രു​ന്നു വി​ദ്യാ​ര്‍ഥി​ക​ളെ പ്ര​വേ​ശി​പ്പി​ച്ച​ത്. പ​രീ​ക്ഷ​യെ​ക്കു​റി​ച്ച് സ​മ്മി​ശ്ര​മാ​യാ​ണ് വി​ദ്യാ​ർ​ഥി​ക​ൾ പ്ര​തി​ക​രി​ച്ച​ത്. മി​ക്ക ആ​ളു​ക​ൾ​ക്കും ഭൂ​രി​ഭാ​ഗം വി​ഷ​യ​ങ്ങ​ളും എ​ളു​പ്പ​മാ​യി​രു​ന്നു. ​നേ​രി​ട്ടു​ള്ള ചോ​ദ്യ​ങ്ങ​ളാ​യി​രു​ന്ന​തി​നാ​ൽ വ​ലി​യ ബു​ദ്ധി​മു​ട്ടു​ക​ളൊ​ന്നും ഉ​ണ്ടാ​യി​രു​ന്നി​ലെ​ന്നും വി​ദ്യാ​ർ​ഥി​ക​ൾ പ​റ​ഞ്ഞു. സൂ​ർ, സ​ലാ​ല, ബു​റൈ​മി എ​ന്നി​വി​ട​ങ്ങ​ളി​ൽ​നി​ന്നു​ള്ള മ​ല​യാ​ളി​ക​ള​ട​ക്ക​മു​ള്ള ചി​ല വി​ദ്യാ​ർ​ഥി​ക​ൾ വെ​ള്ളി, ശ​നി ദി​വ​സ​ങ്ങ​ളി​ലാ​യി പ​രീ​ക്ഷ​ക്കാ​യി മ​സ്ക​ത്തി​ൽ എ​ത്തി​ച്ചേ​ർ​ന്നി​രു​ന്നു.

ബ​ന്ധു​വീ​ടു​ക​ളി​ലും മ​റ്റു​ള്ള​വ​ർ ഹോ​ട്ട​ലു​ക​ളി​ലു​മാ​യി​രു​ന്നു ത​ങ്ങി​യ​ത്. ക​ഴി​ഞ്ഞ വ​ർ​ഷ​ത്തെ അ​പേ​ക്ഷി​ച്ച്​ ഇ​ത്ത​വ​ണ ഒ​മാ​നി​ൽ​നി​ന്ന്​ പ​രീ​ക്ഷ എ​ഴു​തു​ന്ന​വ​രു​ടെ എ​ണ്ണ​ത്തി​ൽ വ​ർ​ധ​ന​വു​ണ്ടാ​യി​ട്ടു​ണ്ട്. അ​തേ​സ​മ​യം, ഒ​മാ​ന്റെ ത​ല​സ്ഥാ​ന ന​ഗ​രി​യി​ലേ​ക്ക് ഉ​ൾ ​പ്ര​ദേ​ശ​ങ്ങ​ളി​ൽ​നി​ന്ന് എ​ത്ത​പ്പെ​ടാ​ൻ പ്ര​യാ​സ​മ​ണെ​ന്നും സ​ലാ​ല, സൂ​ർ പോ​ലു​ള​ള സ്ഥ​ല​ങ്ങ​ളി​ൽ ഒ​രു പ​രീ​ക്ഷ കേ​ന്ദ്രം കൂ​ടി അ​നു​വ​ദി​ക്കാ​ൻ ബ​ന്ധ​പ്പെ​ട്ട​വ​ർ ത​യാ​റാ​ക​ണ​മെ​ന്ന് ര​ക്ഷി​താ​ക്ക​ൾ ആ​വ​ശ്യ​പ്പെ​ട്ടു.മ​സ്ക​ത്തി​നു​പു​റ​മെ, ഇ​​ന്ത്യ​​യി​​ലെ വി​​വി​​ധ സ്ഥ​​ല​​ങ്ങ​​ൾ, ദു​​ബൈ, അ​​ബൂ​​ദ​​ബി, ഷാ​​ർ​​ജ, ദോ​​ഹ, റി​​യാ​​ദ്, മ​​നാ​​മ, കു​​വൈ​​ത്ത്, മ​​സ്ക​​ത്ത് എ​​ന്നി​​വി​​ട​​ങ്ങ​​ളി​​ല​​ട​​ക്കം വി​​ദേ​​ശ​​ത്തും പ​രീ​ക്ഷ കേ​​ന്ദ്ര​​ങ്ങ​​ളു​​ണ്ടാ​യി​രു​ന്നു. ആ​​റ് ഗ​​ൾ​​ഫ് രാ​​ജ്യ​​ങ്ങ​​ളി​​ലെ എ​​ട്ട് ​പ​​രീ​​ക്ഷ കേ​​ന്ദ്ര​​ങ്ങ​​ളി​​ലാ​​യി എ​​ണ്ണാ​​യി​​ര​​ത്തോ​​ളം പേ​​രാ​​ണ് ഇ​​ന്ത്യ​​യി​​ലെ ഏ​​റ്റ​​വും വ​​ലി​​യ പ്ര​​വേ​​ശ​​ന പ​​രീ​​ക്ഷ​​ക്ക് ഹാ​ജ​രാ​യ​ത്. പ​രീ​ക്ഷ ഫ​ലം ജൂ​ൺ 14ന് ​പ്ര​സി​ദ്ധീ​ക​രി​ക്കും.