നീ​റ്റ്​ പ​രീ​ക്ഷ: സ​മ്മി​ശ്ര പ്ര​തി​ക​ര​ണം

മ​സ്ക​ത്ത്: ഒ​മാ​നി​ൽ നീ​റ്റ് പ​രീ​ക്ഷ എ​ഴു​തി​യ​ത്​ 300ൽ ​പ​രം വി​ദ്യാ​ർ​ഥി​ക​ൾ. മ​സ്ക​ത്ത് ഇ​ന്ത്യ​ൻ സ്കൂ​ളാ​യി​രു​ന്നു പ​രീ​ക്ഷ കേ​ന്ദ്രം. 12.30ന് ​ആ​രം​ഭി​ച്ച പ​രീ​ക്ഷ​ക്ക് രാ​വി​ലെ 9.30 മു​ത​ൽ കേ​ന്ദ്ര​ത്തി​ലേ​ക്ക് പ്ര​വേ​ശ​നം അ​നു​വ​ദി​ച്ചി​രു​ന്നു. അ​ധി​കൃ​ത​ര്‍ നി​ര്‍ദേ​ശി​ച്ച മു​ഴു​വ​ന്‍ മാ​ന​ദ​ണ്ഡ​ങ്ങ​ളും പ​രി​ശോ​ധി​ച്ചാ​യി​രു​ന്നു വി​ദ്യാ​ര്‍ഥി​ക​ളെ പ്ര​വേ​ശി​പ്പി​ച്ച​ത്. പ​രീ​ക്ഷ​യെ കു​റി​ച്ച് സ​മ്മി​ശ്ര​മാ​യാ​ണ് വി​ദ്യാ​ർ​ഥി​ക​ൾ പ്ര​തി​ക​രി​ച്ച​ത്. മി​ക്ക ആ​ളു​ക​ൾ​ക്കും ഭൂ​രി​ഭാ​ഗം വി​ഷ​യ​ങ്ങ​ളും എ​ളു​പ്പ​മാ​യി​രു​ന്നു. ​നേ​രി​ട്ടു​ള്ള ചോ​ദ്യ​ങ്ങ​ളാ​യി​രു​ന്ന​തി​നാ​ൽ വ​ലി​യ ബു​ദ്ധി​മു​ട്ടു​ക​ളൊ​ന്നും ഉ​ണ്ടാ​യി​രു​ന്നി​ല്ലെ​ന്നും വി​ദ്യാ​ർ​ഥി​ക​ൾ പ​റ​ഞ്ഞു.

സൂ​ർ, സ​ലാ​ല, ബു​റൈ​മി എ​ന്നി​വി​ട​ങ്ങ​ളി​ൽ​നി​ന്നു​ള്ള മ​ല​യാ​ളി​ക​ള​ട​ക്ക​മു​ള്ള ചി​ല വി​ദ്യാ​ർ​ഥി​ക​ൾ വെ​ള്ളി, ശ​നി ദി​വ​സ​ങ്ങ​ളി​ലാ​യി പ​രീ​ക്ഷ​ക്കാ​യി മ​സ്ക​ത്തി​ൽ എ​ത്തി​യി​രു​ന്നു. ബ​ന്ധു​വീ​ടു​ക​ളി​ലും മ​റ്റു​ള്ള​വ​ർ ഹോ​ട്ട​ലു​ക​ളി​ലു​മാ​യി​രു​ന്നു ത​ങ്ങി​യ​ത്.​ക​ഴി​ഞ്ഞ വ​ർ​ഷ​ത്തെ അ​പേ​ക്ഷി​ച്ച്​ ഇ​ത്ത​വ​ണ ഒ​മാ​നി​ൽ​നി​ന്ന്​ പ​രീ​ക്ഷ എ​ഴു​തു​ന്ന​വ​രു​ടെ എ​ണ്ണ​ത്തി​ൽ വ​ർ​ധ​ന​വു​ണ്ടാ​യി​ട്ടു​ണ്ട്.​ക​ഴി​ഞ്ഞ വ​ർ​ഷം 269പേ​രാ​ണ്​ പ​രീ​ക്ഷ​ക്ക് ര​ജി​സ്റ്റ​ർ ചെ​യ്തി​രു​ന്ന​ത്​. അ​തേ​സ​മ​യം, ത​ല​സ്ഥാ​ന ന​ഗ​രി​യി​ലേ​ക്ക്​ എ​ത്തി​പ്പെ​ടാ​ൻ പ്ര​യാ​സ​മാ​ണെ​ന്നും രാ​ജ്യ​ത്തെ മ​റ്റു സ്ഥ​ല​ങ്ങ​ളി​ൽ ഒ​രു പ​രീ​ക്ഷ​കേ​ന്ദ്രം കൂ​ടി അ​നു​വ​ദി​ക്ക​ണ​മെ​ന്ന്​ വി​ദ്യാ​ർ​ഥി​ക​ൾ പ​റ​ഞ്ഞു.

ഈ ​വ​ർ​ഷ​ത്തി​ന്‍റെ തു​ട​ക്ക​ത്തി​ൽ നീ​റ്റ്​ പ​രീ​ക്ഷ​ക്കു​ള്ള കേ​ന്ദ്രം പ്ര​ഖ്യാ​പി​ച്ച​പ്പോ​ൾ ഒ​മാ​ന​ട​ക്ക​മു​ള്ള പ​ല ഗ​ൾ​ഫ്​ രാ​ജ്യ​ങ്ങ​ളും പു​റ​ത്താ​യി​രു​ന്നു. ​ഏ​റെ​നാ​ള​ത്തെ അ​നി​ശ്ചി​ത​ത്ത്വ​ങ്ങ​ൾ​ക്കൊ​ടു​വി​ൽ ​ ര​ക്ഷി​താ​ക്ക​ളു​ടെ​യും സ​ന്ന​ദ്ധ സം​ഘ​ട​ന​ക​ളു​ടെ​യും നി​ര​ന്ത​ര ആ​വ​ശ്യ​ത്തെ​ത്തു​ട​ർ​ന്ന് ഒ​മാ​ന​ട​ക്ക​മു​ള്ള ആ​റ് ഗ​ൾ​ഫ് രാ​ജ്യ​ങ്ങ​ളി​ലാ​യി എ​ട്ടു കേ​ന്ദ്ര​ങ്ങ​ൾ ഉ​ൾ​പ്പെ​ടെ ഇ​ന്ത്യ​ക്ക് പു​റ​ത്ത് 14 ന​ഗ​ര​ങ്ങ​ളി​ൽ പ​രീ​ക്ഷ കേ​ന്ദ്ര​ങ്ങ​ൾ അ​നു​വ​ദി​ക്കു​ക​യാ​യി​രു​ന്നു. ​