ആലപ്പുഴ സ്വദേശി സലാലയിൽ നിര്യാതനായി

സലാല: ആലപ്പുഴ അമ്പലപ്പുഴ ആമയിട പുണർതം ചോളംതറയിൽ വി. ശ്രീകുമാർ (44) ഒമാനിലെ സലാലയിൽ നിര്യാതനായി . മർമൂളിന് സമീപം ഹർവീലിൽ സ്വകാര്യ കമ്പനിയുടെ പി.ഡി.ഒ സൈറ്റിൽ മെക്കാനിക്കൽ എൻജിനീയറായി ജോലി ചെയ്ത് വരികയായിരുന്നു. ചർദിയും വയറുവേദനയുമായാണ് ആശുപത്രിയിൽ എത്തിയത്.

ഭാര്യ: പ്രിയ ശ്രീകുമാർ. മകൻ: ഋഷികേശ്. സലാല സുൽത്താൻ ഖാബൂസ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹ ബുധനാഴ്ച നാട്ടിലേക്ക് കൊണ്ട് പോകുമെന്ന് സാമൂഹ്യ പ്രവർത്തകൻ അബ്ദുൽ കലാം അറിയിച്ചു.