നേ​ഷ​ന്‍സ് ക​പ്പ്: ഒ​മാ​ൻ ഗ്രൂ​പ്​ എ​യി​ൽ

മ​സ്ക​ത്ത്​: ജൂ​ണ്‍ 10 മു​ത​ല്‍ 20 വ​രെ താ​ജി​കി​സ്താ​നി​ല്‍ ന​ട​ക്കു​ന്ന നേ​ഷ​ന്‍സ് ക​പ്പ് 2023 ഫു​ട്​​ബാ​ൾ ടൂ​ര്‍ണ​മെ​ന്റി​ല്‍ ഒ​മാ​ന്‍ പ​ങ്കെ​ടു​ക്കും. ഗ്രൂ​പ് എ​യി​ല്‍ ആ​തി​ഥേ​യ​രാ​യ താ​ജി​കി​സ്താ​ന്‍, ഉ​സ്ബ​കി​സ്താ​ന്‍, തു​ർ​കു​മെ​നി​സ്താ​ന്‍ എ​ന്നീ ടീ​മു​ക​ള്‍ക്കൊ​പ്പ​മാ​ണ് ഒ​മാ​ന്‍. ഗ്രൂ​പ് ബി​യി​ല്‍ ഇ​റാ​ന്‍, കി​ര്‍ഗി​സ്താ​ന്‍, അ​ഫ്ഗാ​നി​സ്താ​ന്‍ ടീ​മു​ക​ളു​മാ​ണു​ള്ള​ത്. സെ​ന്‍ട്ര​ല്‍ ഏ​ഷ്യ​ന്‍ ഫു​ട്‌​ബാ​ള്‍ അ​സോ​സി​യേ​ഷ​ൻ​ സം​ഘ​ടി​പ്പി​ക്കു​ന്ന ടൂ​ര്‍ണ​മെ​ന്റി​ന്‍റെ ന​റു​ക്കെ​ടു​പ്പ് ത​ജി​കി​സ്താ​ന്‍ ന​ഗ​ര​മാ​യ ദു​ഷാ​ന്‍ബെ​യി​ല്‍ ക​ഴി​ഞ്ഞ ദി​വ​സ​മാ​ണ്​ ന​ട​ന്ന​ത്. ഫി​ഫ റാ​ങ്കി​ങ്ങി​ല്‍ ഒ​മാ​ന്റെ തൊ​ട്ട​ടു​ത്ത സ്ഥാ​ന​ക്കാ​ര​യ ഉ​സ്ബ​കി​സ്താ​ന്‍ ഗ്രൂ​പ് എ​യി​ല്‍ ഒ​മാ​ന് വ​ലി​യ വെ​ല്ലു​വി​ളി ഉ​യ​ര്‍ത്തും. ജൂ​ണ്‍ 11ന് ​ഇ​രു ടീ​മു​ക​ളും ഏ​റ്റു​മു​ട്ടും. 14ന് ​താ​ജി​കി​സ്താ​നെ​യും 17ന് ​തു​ർ​കു​മെ​നി​സ്താ​നെ​യും​ റെ​ഡ്​ വാ​രി​യേ​ഴ്​​സ്​ നേ​രി​ടും. ഗ്രൂ​പ്പു​ക​ളി​ലെ ആ​ദ്യ സ്ഥാ​ന​ക്കാ​ര്‍ ഫൈ​ന​ല്‍ യോ​ഗ്യ​ത നേ​ടും.

ഖ​ത്ത​റി​ല്‍ അ​ടു​ത്ത വ​ര്‍ഷം ന​ട​ക്കു​ന്ന ഏ​ഷ്യാ​ക​പ്പ്, 2026 ലോ​ക​ക​പ്പി​ലേ​ക്കു​ള്ള ഏ​ഷ്യ​ന്‍ യോ​ഗ്യ​താ​മ​ത്സ​ര​ങ്ങ​ള്‍ എ​ന്നി​വ​ക്കു​ള്ള മി​ക​ച്ച മു​ന്നൊ​രു​ക്ക​മാ​യാ​യി​രി​ക്കും ഒ​മാ​ൻ ടൂ​ർ​ണ​മെ​ന്‍റി​നെ കാ​ണു​ന്ന​ത്. അ​ടു​ത്ത കാ​ല​ങ്ങ​ളാ​യി മി​ക​ച്ച ഫോ​മി​ലാ​ണ്​ ഒ​മാ​ൻ പ​ന്തു​ത​ട്ടു​ന്ന​ത്. ടീ​മി​ന്‍റെ പ​രി​ശീ​ല​ന ക്യാ​മ്പു​ക​ൾ മേ​യ്​ പ​കു​തി​ക്കു​ശേ​ഷ​മാ​യി​രി​ക്കും കോ​ച്ച്​ ബ്രാ​ങ്കോ ഇ​വാ​ങ്കോ​വി​ച്ചും സം​ഘ​വും ന​ട​ത്തു​ക.