ദേശീയ ദിനാഘോഷം; അലങ്കാര പ്രവൃത്തികൾക്ക്​ ടെൻഡർ ക്ഷണിച്ചു

മസ്കത്ത്​: രാജ്യത്തിന്‍റെ 53ാമത് ദേശീയ ദിനത്തിനാഘോഷത്തിന്‍റെ ഭാഗമായുള്ള വിവിധ അലങ്കാര പ്രവർത്തികൾക്കും മറ്റുമായി​ ടെൻഡറുകൾ ക്ഷണിച്ചു. പടക്കങ്ങൾ, ഡ്രോണുകളുടെ പ്രദർശനം, അലങ്കാര രൂപങ്ങൾ നിർമ്മിക്കൽ, വൃക്ഷങ്ങളുടെ അലങ്കാരം എന്നിവക്കായി നാഷണൽ സെലിബ്രേഷൻസ് സെക്രട്ടറിയേറ്റ് ജനറൽ ആണ്​ ടെൻഡറുകൾ നൽകിയിരിക്കുന്നത്​.

ഇത്തരം പ്രവൃത്തികളിൽ വൈദഗ്ധ്യമുള്ളതും ടെൻഡർ ബോർഡിൽ രജിസ്റ്റർ ചെയ്തതുമായ കമ്പനികൾക്ക് ഔദ്യോഗിക പ്രവൃത്തി സമയങ്ങളിൽ ഒമാൻ ന്യൂസ്പേപ്പർ കെട്ടിടത്തിന് സമീപമുള്ള അൽ ഇലാം സിറ്റിയിലെ ദേശീയ ആഘോഷങ്ങളുടെ സെക്രട്ടറിയേറ്റ് ജനറൽ ഓഫിസിൽനിന്ന് രേഖകൾ ലഭിക്കും. രാജ്യത്ത്​ നവംബർ 18ന്​ ആണ്​ ദേശീയ ദിനമായി ആഘോഷിക്കുന്നത്​.