ദേശീയദിനാഘോഷം: ഒമാനിൽ പൊതു അവധി പ്രഖ്യാപിച്ചു

മസ്‌കത്ത്: രാജ്യത്തിന്‍റെ 52-ാം ദേശീയദിനത്തോട് അനുബനധിച്ചുള്ള പൊതുഅവധി പ്രഖ്യാപിച്ചു. നവംബര്‍ 30, ഡിസംബര്‍ ഒന്ന് തീയതികളില്‍ സര്‍ക്കാര്‍, സ്വകാര്യ മേഖലകളില്‍ പൊതുഅവധി ആയിരിക്കുമെന്ന്​ അധികൃതർ അറിയിച്ചു.

വാരാന്ത്യ ദിനങ്ങൾ ഉള്‍പ്പടെ നാല് ദിവസം തുടര്‍ച്ചയായ അവധി ലഭിക്കും. ഡിസംബര്‍ നാലിനാണ്​ വീണ്ടും പ്രവൃത്തി ദിവസം ആരംഭിക്കുക. ദേശീയദിനനഘോഷത്തിനോട് അനുബന്ധിച്ച്​ വിപുലമായ പരിപാടികളാണ്​ രാജ്യത്ത്​ ആസൂത്രണം ചെയ്​തിട്ടുള്ളത്​.

ഈ വർഷത്തെ സൈനിക പരേഡ്​ വെള്ളിയാഴ്ച സലാലയിലെ അൽ നാസർ സ്ക്വയറിലാണ്​ നടക്കുന്നത്​. ചടങ്ങിൽ സുൽത്താൻ സല്യൂട്ട്​ സ്വീകരിക്കും.