മാധ്യമപ്രവർത്തകർക്ക്​ മൂല്യബോധവും അറിവും വേണം -നമ്പി നാരായണൻ

മസ്​കത്ത്​: മാധ്യമപ്രവർത്തകർക്ക്​ മൂല്യബോധവും വിഷയബോധവും അനിവാര്യമാണെന്ന്​ മുൻ ​െഎ.എസ്​.ആർ.ഒ ശാസ്​ത്രജ്​ഞനും കോളിളക്കം സൃഷ്​ടിച്ച ചാരക്കേസിലെ ഇരയുമായ നമ്പി നാരായണൻ. കാര്യങ്ങൾ സത്യസന്ധമായി എഴുതണം. അല്ലാത്തപക്ഷം നിരപരാധികൾ ബലിയാടാക്കപ്പെടുന്ന അവസ്​ഥയുണ്ടാകും. എ​​​െൻറ കാര്യത്തിൽ അതാണ്​ സംഭവിച്ചതെന്നും  ‘ഗൾഫ്​ മാധ്യമം’ ഒാഫിസിൽ മാധ്യമം റീഡേഴ്​സ്​ ക്ലബ്​ സംഘടിപ്പിച്ച പരിപാടിയിൽ സംസാരിക്കവേ അദ്ദേഹം പറഞ്ഞു. ഇന്ത്യൻ സോഷ്യൽക്ലബിൽ നടക്കുന്ന പുസ്​തക മേളയിൽ സംബന്ധിക്കാൻ മസ്​കത്തിൽ എത്തിയതായിരുന്നു​ നമ്പി നാരായണൻ. 

തൊഴിൽരംഗത്ത്​ മൂല്യം കാത്തുസൂക്ഷിക്കുന്നവരാകണം മാധ്യമപ്രവർത്തകർ. ഇത്​ ഇല്ലാത്തവർ ഇൗ രംഗത്ത്​ അധികകാലം നല്ല രീതിയിൽ നിലനിൽക്കില്ല. എഴുതുന്ന കാര്യങ്ങളെ കുറിച്ച്​ കൃത്യമായ അറിവും ബോധ്യവും ഉണ്ടാകണം. അറിയാത്ത വിഷയമാണെങ്കിൽ അറിയുന്നവരോട്​ ചോദിച്ച്​ അത്​ മനസ്സിലാകുമെങ്കിൽ മാത്രമേ  എഴുതാവൂ. ചാരക്കേസി​​​െൻറ സമയത്ത്​ ഇല്ലാകഥകൾ ചമച്ച മാധ്യമപ്രവർത്തകർ തങ്ങൾക്ക്​ അറിവില്ലാത്ത കാര്യങ്ങളാണ് കൂടുതലും എഴുതിയത്​. ഒരാളെ വിശ്വസിച്ച്​ അയാൾ പറഞ്ഞ കാര്യങ്ങൾ ഇവർ എഴുതുകയായിരുന്നു. തനിക്കെതിരെ അനാവശ്യ വാർത്തകൾ ചമക്കുന്നതിൽനിന്ന്​ വിട്ടുനിന്ന ഏക പത്രം ‘മാധ്യമ’മായിരുന്നെന്നും അദ്ദേഹം അനുസ്​മരിച്ചു. ‘ഗൾഫ്​ മാധ്യമം’ റസിഡൻറ്​ മാനേജർ ഷക്കീൽ ഹസൻ നമ്പി നാരായണനുള്ള ഉപഹാരം സമ്മാനിച്ചു. അൽ ബാജ്​ ബുക്​​സ്​ മാനേജിങ്​ ഡയറക്​ടർ ഷൗക്കത്തലിയും പരിപാടിയിൽ സംബന്ധിച്ചു.