മുവാസലാത്ത്​ സർവീസ്​ പുനരാരംഭിക്കൽ: ടിക്കറ്റ്​ നിരക്കുകൾ ഉയരും

മസ്​കത്ത്​: കർശനമായ കോവിഡ്​ പ്രതിരോധ നടപടികളോടെയാണ്​ അടുത്ത ഞായറാഴ്​ച മുതൽ മുവാസലാത്ത്​ സർവീസുകൾ പുനരാരംഭിക്കുക. ഒാരോ ട്രിപ്പും ആരംഭിക്കു​േമ്പാഴും അവസാനിക്കു​േമ്പാഴും ബസിലെ സീറ്റുകൾ, ഹാൻഡിലുകൾ തുടങ്ങിയ ഭാഗങ്ങളെല്ലാം ശുചിയാക്കുകയും രോഗാണുമുക്​തമാക്കുകയും ചെയ്യും. കോവിഡ്​ പ്രതിരോധ നടപടികൾ പാലിക്കുന്നതി​െൻറ ഭാഗമായി ബസ്​ ടിക്കറ്റ്​ നിരക്കുകളിൽ വർധന വരുത്തു​െമനനും മുവാസലാത്ത്​ അറിയിച്ചിട്ടുണ്ട്​. സിറ്റി സർവീസുകളുടെ ടിക്കറ്റ്​ നിരക്കിൽ നൂറ്​ ബൈസയും ഇൻറർസിറ്റി ബസുകളുടെ ടിക്കറ്റ്​ നിരക്കിൽ അഞ്ഞൂറ്​ ബൈസയുടെയും വർധനയാണ്​ ഉണ്ടാവുക. സാമൂഹിക അകലം ഉറപ്പാക്കി യാത്രക്കാരുടെ എണ്ണം പരിമിതപ്പെടുത്തുകയും ചെയ്യും. ഡ്രൈവർമാർക്ക്​ സംരക്ഷണ ഉപകരണങ്ങൾ നൽകുന്നതിന്​ ഒപ്പം ബസ്​ സ്​റ്റേഷനുകളിൽ മതിയായ സുരക്ഷാ നടപടികൾ ഉറപ്പുവരുത്തുകയും ചെയ്യും. യാത്രക്കാർ യാത്രയിലുടനീളം മാസ്​ക്​ ധരിക്കുകയും പ്രതിരോധ നടപടികൾ പാലിക്കുകയും വേണം. ഇതോടൊപ്പം നിന്ന്​ യാത്ര ചെയ്യാനും അനുവദിക്കില്ല.

സെപ്​റ്റംബർ 27 മുതൽ ഇൻറർസിറ്റി സർവീസുകൾ പുനരാരംഭിക്കുമെങ്കിലും മസ്​കത്ത്​-സലാല, മസ്​കത്ത്​-ദുബൈ സർവീസുകൾ ഇനിയൊരു അറിയിപ്പ്​ ഉണ്ടാകുന്നത്​ വരെ ഉണ്ടായിരിക്കില്ലെന്ന്​ അധികൃതർ അറിയിച്ചിട്ടുണ്ട്​. മസ്​കത്ത്​ നഗരത്തിലെ സർവീസുകൾ ഒക്​ടോബർ നാലിനും സലാലയിലേത്​ ഒക്​ടോബർ 18നുമായിരിക്കും പുനരാരംഭിക്കുക.