You are here

മസ്​കത്തിൽ ചൂട് അൽപം കുറയാൻ സാധ്യത

  • ഞാ​യ​റാ​ഴ്​​ച ഫ​ഹൂ​ദി​ലാ​ണ്​ ഉ​യ​ർ​ന്ന താ​പ​നി​ല അ​നു​ഭ​വ​പ്പെ​ട്ട​ത്

11:09 AM
25/06/2019

മ​സ്ക​ത്ത്: വേ​ന​ൽ​ച്ചൂ​ടി​ന്​ മ​സ്​​ക​ത്തി​ൽ അ​ൽ​പം ആ​ശ്വാ​സം ല​ഭി​ക്കാ​ൻ സാ​ധ്യ​ത. ചൊ​വ്വാ​ഴ്ച മു​ത​ൽ ചൂ​ട് ഏ​താ​നും ഡി​ഗ്രി കു​റ​യാ​ൻ സാ​ധ്യ​ത​യുെ​ണ്ട​ന്ന്  കാ​ലാ​വ​സ്​​ഥ നി​രീ​ക്ഷ​ണ​കേ​ന്ദ്രം പ​റ​യു​ന്നു. തി​ങ്ക​ളാ​ഴ്​​ച ഉ​ൾ​ഭാ​ഗ​ങ്ങ​ളി​ൽ ക​ടു​ത്ത ചൂ​ടാ​ണ്​ രേ​ഖ​പ്പെ​ടു​ത്തി​യ​ത്. ഇ​ബ്രി​യി​ൽ 49 ഡി​ഗ്രി വ​രെ രേ​ഖ​പ്പെ​ടു​ത്തി. ഹൈ​മ, ബു​റൈ​മി, നി​സ്​​വ എ​ന്നി​വി​ട​ങ്ങ​ളി​ൽ 47 ഡി​ഗ്രി​യും ചൂ​ട്​ അ​നു​ഭ​വ​പ്പെ​ട്ടു. മ​സ്​​ക​ത്തി​ൽ 43 ഡി​ഗ്രി​യാ​യി​രു​ന്നു ചൂ​ട്. ഞാ​യ​റാ​ഴ്​​ച ഫ​ഹൂ​ദി​ലാ​ണ്​ ഉ​യ​ർ​ന്ന താ​പ​നി​ല അ​നു​ഭ​വ​പ്പെ​ട്ട​ത്, 46.6 ഡി​ഗ്രി. ഖ​റ​ൻ അ​ൽ ആ​ലം, ഇ​ബ്രി, സു​നൈ​ന, സ​മൈം എ​ന്നി​വി​ട​ങ്ങ​ളി​ൽ 46 ഡി​ഗ്രി​യും അ​തി​നു മു​ക​ളി​ലും ചൂ​ട്​ അ​നു​ഭ​വ​പ്പെ​ട്ടു. 


മ​സ്ക​ത്തി​ൽ പ​ല ഭാ​ഗ​ങ്ങ​ളി​ലും തി​ങ്ക​ളാ​ഴ്ച ആ​കാ​ശം മേ​ഘാ​വൃ​ത​മാ​യി​രു​ന്നു. ഇ​ത് ചൂ​ട് കു​റ​ക്കാ​ൻ കാ​ര​ണ​മാ​ക്കും. അ​ൽ ഹ​ജ​ർ പ​ർ​വ​ത നി​ര​ക​ളി​ൽ മ​ഴ​ക്കും സാ​ധ്യ​ത​യു​ണ്ട്.  രാ​വി​ലെ മൂ​ട​ൽ മ​ഞ്ഞു​ണ്ടാ​വാ​ൻ സാ​ധ്യ​ത​യു​ള്ള​തി​നാ​ൽ കാ​ഴ്ച പ​രി​ധി കു​റ​യു​ക​യും ചെ​യ്യു​മെ​ന്നും കാ​ലാ​വ​സ്ഥ നി​രീ​ക്ഷ​ണ വി​ഭാ​ഗം മു​ന്ന​റി​യി​പ്പ് ന​ൽ​കു​ന്നു. ഒ​മാ​നി​ൽ ക​ന​ത്ത ചൂ​ടാ​ണ്​ ജൂ​ണി​ൽ ഏ​താ​ണ്ടെ​ല്ലാ ദി​വ​സ​ങ്ങ​ളി​ലും അ​നു​ഭ​വ​പ്പെ​ട്ട​ത്. ര​ണ്ടാം വാ​ര​ത്തോ​ടെ പ​ല​യി​ട​ങ്ങ​ളി​ലും 50​ ഡി​ഗ്രി​ക്ക്​ അ​ടു​ത്തു​വ​രെ ചൂ​ട്​ എ​ത്തി. ക​ഠി​ന ചൂ​ട് കാ​ര​ണം പ​ക​ൽ​സ​മ​യ​ങ്ങ​ൾ പൊ​തു​ജ​ന​ങ്ങ​ൾ പു​റ​ത്തി​റ​ങ്ങു​ന്ന​ത് പ​ര​മാ​വ​ധി ഒ​ഴി​വാ​ക്കു​ക​യാ​ണ്. ഇ​ത് കാ​ര​ണം മാ​ർ​ക്ക​റ്റു​ക​ളും ക​ച്ച​വ​ട സ്ഥാ​പ​ന​ങ്ങ​ളും പ​ക​ൽ​സ​മ​യ​ങ്ങ​ളി​ൽ ഒ​ഴി​ഞ്ഞു​കി​ട​ക്കു​ന്ന അ​വ​സ്​​ഥ​യു​ണ്ട്. 

Loading...
COMMENTS