മ​സ്ക​ത്ത് ടെ​ന്നിസ് ക്രി​ക്ക​റ്റ് പ്രീ​മി​യ​ർ ലീ​ഗ് ടൂ​ർ​ണ​മെ​ന്റ് 21, 22 തീ​യ​തി​ക​ളി​ൽ

മ​സ്ക​ത്ത്: മ​സ്ക​ത്ത് ടെ​ന്നിസ് ക്രി​ക്ക​റ്റ് പ്രീ​മി​യ​ർ ലീ​ഗ് ടൂ​ർ​ണ​മെ​ന്റ് (എം.​ടി.​സി.​എ​ൽ ) സീ​സ​ൺ ഒ​ന്ന് ഫെ​ബ്രു​വ​രി 21 , 22 തീയതി​ക​ളി​ൽ ന​ട​ക്കു​മെ​ന്ന് മ​സ്ക​ത്ത് ടെ​ന്നിസ് ക്രി​ക്ക​റ്റ് ലീ​ഗ് സം​ഘാ​ട​ക​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. അ​മ​റാ​ത്തി​ലെ ഒ​മാ​ൻ ക്രി​ക്ക​റ്റ് അ​ക്കാ​ദ​മി ഗ്രൗ​ണ്ടി​ലാ​യി​രി​ക്കും മ​ത്സ​ര​ങ്ങ​ൾ.

ഒ​മാ​നി​ൽ ഏ​റ്റ​വും കൂ​ടു​ത​ൽ സ​മ്മാ​നത്തുക ന​ൽ​കു​ന്ന ടൂ​ർ​ണ​മെ​ന്റി​ൽ ഇ​ന്ത്യ, പാ​കി​സ്താ​ൻ , ബം​ഗ്ലാ​ദേ​ശ് തു​ട​ങ്ങി​യ രാ​ജ്യ​ങ്ങ​ളി​ൽ നി​ന്നു​ള്ള മു​ൻ​നി​ര ടെ​ന്നിസ് ബാ​ൾ ക്രി​ക്ക​റ്റ് താ​ര​ങ്ങ​ൾ അ​തി​ഥി​ക​ളാ​യി പ​ങ്കെ​ടു​ക്കും . ജേ​താ​ക്ക​ൾ​ക്ക് 2000 ഒ​മാ​നി റി​യാ​ലാ​ണ് സ​മ്മാ​ന​ത്തു​ക​യാ​യി ന​ൽ​കു​ക. ര​ണ്ടാം സ്ഥാ​ന​ക്കാ​ർ​ക്ക് 1000 റി​യാ​ലും മൂ​ന്നും , നാ​ലും സ്ഥാ​ന​ക്കാ​ർ​ക്ക് 250 റി​യാ​ൽ വീ​ത​വും ന​ൽ​കും. ഇ​തി​നു​പു​റ​മെ വ്യ​ക്തി​ഗ​ത മി​ക​വി​ന് ക​ളി​ക്കാ​ർ​ക്കും സ​മ്മാ​ന​ത്തു​ക ല​ഭി​ക്കും . ഒ​മാ​നി​ലെ 24 മു​ൻ​നി​ര ടീ​മു​ക​ളാ​ണ് ടൂ​ർ​ണ​മെ​ന്റി​ൽ മാ​റ്റു​ര​ക്കു​ക.

ഓ​രോ ടീ​മി​നും ര​ണ്ടു വി​ദേ​ശ താ​ര​ങ്ങ​ളെ അ​തി​ഥി താ​ര​ങ്ങ​ളാ​യി ക​ളി​പ്പി​ക്കാം. ഐ.​പി.​എ​ൽ മാ​തൃ​ക​യി​ൽ ക​ളി​ക്കാ​ർ​ക്കാ​യു​ള്ള താ​രലേ​ലം മ​സ്ക​ത്തി​ൽ ന​ട​ന്നു. ടൂ​ർ​ണ​മെ​ന്റി​ൽ പാ​കിസ്താ​ൻ ടെ​ന്നീ​സ് ബാ​ൾ ക്രി​ക്ക​റ്റി​ലെ അ​റി​യ​പ്പെ​ടു​ന്ന താ​ര​മാ​യ തൈ​മൂ​ർ മി​ർ​സ മ​സ്ക​ത്തി​ൽ ബാ​റ്റു​കൊ​ണ്ട് ഇ​ന്ദ്ര​ജാ​ലം തീ​ർ​ക്കാ​ൻ എ​ത്തും. ടി10 ​ക്രി​ക്ക​റ്റി​ന്റെ ബ്രാ​ൻ​ഡ് അം​ബാ​സ​ഡ​ർ കൂ​ടി​യാ​യ തോ​മ​സ് ഡ​യ​സ് ഉ​ൾ​പ്പെ​ടെ ഇ​ന്ത്യ​യി​ൽ​നി​ന്നും ഒ​ട്ടേ​റെ താ​ര​ങ്ങ​ൾ ടൂ​ർ​ണ​മെ​ന്റി​ൽ പ​ങ്കാ​ളി​യാ​കും. ടൂ​ർ​ണ​മെ​ന്റി​ന്റെ ഓ​ൺ​ലൈ​ൻ ലൈ​വ് ടെ​ലി​കാ​സ്റ്റും ഉ​ണ്ടാ​കും.

ഒ​മാ​നി​ലെ ആ​ദ്യ അ​ന്ത​ർ​ദേ​ശീ​യ ക്രി​ക്ക​റ്റ് സ്റ്റേ​ഡി​യ​മാ​യ ഒ​മാ​ൻ ക്രി​ക്ക​റ്റ് അ​ക്കാ​ദ​മി​യു​ടെ വാ​തി​ലു​ക​ൾ ടെ​ന്നിസ് ബാ​ൾ ക്രി​ക്ക​റ്റി​നാ​യി തു​റ​ക്കു​ന്ന​ത് ഞ​ങ്ങ​ളി​ലൂ​ടെ​യാ​ണ് എ​ന്ന​ത് അ​ഭി​മാ​ന​പൂ​ർ​വം എ​ടു​ത്തു പ​റ​യേ​ണ്ട ഒ​ന്നാ​ണെ​ന്ന് സം​ഘാ​ട​ക​ർ പ​റ​ഞ്ഞു.

ഈ​യൊ​രു ടൂ​ർ​ണ​മെ​​ന്റോ​ടെ ഒ​മാ​ൻ അ​ന്ത​ർ​ദേ​ശീ​യ ടെ​ന്നിസ് ബോ​ൾ ക്രി​ക്ക​റ്റ് ടീം ​രൂ​പീ​ക​രി​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. മ​റ്റു രാ​ജ്യ​ങ്ങ​ളി​ലെ അ​ന്ത​ർ​ദേ​ശീ​യ ടെ​ന്നിസ് ബാ​ൾ ക്രി​ക്ക​റ്റ് ടീ​മു​ക​ളെ പ​െ​ങ്ക​ടു​പ്പി​ച്ച് ഗ​ൾ​ഫ് ക​പ്പ്, ഏ​ഷ്യ ക​പ്പ് , ടെ​ന്നി​സ് ബാ​ൾ ക്രി​ക്ക​റ്റ് ലോ​ക​ക​പ്പും സം​ഘ​ടി​പ്പി​ക്കാ​ൻ പ​ദ്ധ​തി​യു​ണ്ട്. അ​തി​നാ​യി സ്വ​ന്ത​മാ​യി ഗ്രൗ​ണ്ട്, സ്റ്റേ​ഡി​യം എ​ന്നി​വ​യും സ്വ​പ്ന പ​ദ്ധ​തി​ക​ളാ​ണ്.

ഒ​മാ​ൻ കാ​യി​ക മ​ന്ത്രാ​ല​യ​ത്തി​ന് ഞ​ങ്ങ​ൾ ഈ ​പ​ദ്ധ​തി സ​മ​ർ​പ്പി​ച്ച​പ്പോ​ൾ വ​ലി​യ പി​ന്തു​ണ​യാ​ണ് ല​ഭി​ച്ച​ത്. അ​തി​നാ​യി സ്ഥ​ലം ക​ണ്ടെ​ത്താ​നു​ള്ള ശ്ര​മ​ത്തി​ലാ​ണെ​ന്നും സം​ഘാ​ട​ക​ർ പ​റ​ഞ്ഞു.

വാ​ർ​ത്ത​സ​മ്മേ​ള​ന​ത്തി​ൽ മ​സ്ക​ത്ത് ടെ​ന്നിസ് ക്രി​ക്ക​റ്റ് ലീ​ഗ് സ്ഥാ​പ​ക​നും ചെ​യ​ർ​മാ​നു​മാ​യ കെ.​സി.​ഷ​ഹീ​ർ, സെ​ക്ര​ട്ട​റി ലി​ജു മേ​മ​ന, സം​ഘാ​ട​ക​രാ​യ അ​നു​രാ​ജ് രാ​ജ​ൻ, മു​ഹ​മ്മ​ദ് റാ​ഫി സ്​​പോ​ൺ​സ​ർ​മാ​രാ​യ സ​ന്തോ​ഷ് (ബ്രേ​​വ് ഹേ​ർ​ട്ട്), ഹ​മൂ​ദ് എ​ന്നി​വ​ർ പ​​ങ്കെ​ടു​ത്തു.