വിസ്താര എയര്‍ലൈന്‍സ് മസ്‌കത്ത്-മുംബൈ സര്‍വിസ് 12 മുതല്‍

മസ്‌കത്ത്: ഇന്ത്യന്‍ വിമാന കമ്പനിയായ വിസ്താര എയര്‍ലൈന്‍സ് ഡിസംബര്‍ 12 മുതല്‍ മസ്‌കത്ത്-മുംബൈ റൂട്ടിൽ സർവിസ് നടത്തും. ആഴ്ചയില്‍ ഏഴ് സര്‍വിസുകള്‍ വീതം നടത്തുന്നതിനാണ് സിവില്‍ ഏവിയേഷന്‍ അതോറിറ്റി അനുമതി നല്‍കിയിരിക്കുന്നത്.

എ 320 നിയോ എയര്‍ക്രാഫ്റ്റ് ആയിരിക്കും സര്‍വിസിന് ഉപയോഗിക്കുക. ഈ റൂട്ടില്‍ ആദ്യമാണ് ഈ ശ്രേണിയിലുള്ള വിമാനം ഉപയോഗിക്കുന്നത്. ദിവസവും രാത്രി 8.30ന് മുംബൈയില്‍നിന്ന് പുറപ്പെടുന്ന വിമാനം പ്രാദേശിക സമയം രാത്രി 9.35ന് മസ്‌കത്തില്‍ എത്തും. രാത്രി 10.55ന് മസ്‌കത്തില്‍നിന്ന് പുറപ്പെടുന്ന വിമാനം ഇന്ത്യന്‍ സമയം പുലര്‍ച്ച 3.10ന് മുംബൈയില്‍ മടങ്ങിയെത്തും.