ലോ​ക​ത്തി​ലെ ഏ​റ്റ​വും മി​ക​ച്ച വി​മാ​ന​ത്താ​വ​ളം; തി​ള​ക്ക​മാ​ർ​ന്ന നേ​ട്ട​വു​മാ​യി വീ​ണ്ടും മ​സ്‌​ക​ത്ത്

മ​സ്ക​ത്ത്: ലോ​ക​ത്തി​ലെ ഏ​റ്റ​വും മി​ക​ച്ച വി​മാ​ന​ത്താ​വ​ള​ങ്ങ​ളു​ടെ പ​ട്ടി​ക​യി​ൽ അ​ഞ്ചാ​മ​ത് സ്ഥാ​ന​വു​മാ​യി മ​സ്‌​ക​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ളം. ഓ​ൺ-​ടൈം പ്ര​ക​ട​നം, ഉ​പ​ഭോ​ക്തൃ അ​ഭി​പ്രാ​യം, ഭ​ക്ഷ​ണം, ഷോ​പ്പു​ക​ൾ എ​ന്നി​വ​യി​ൽ മി​ക​ച്ച പ്ര​ക​ട​ന​ത്തോ​ടെ​യാ​ണ് മ​സ്ക​ത്ത് എ​യ​ർ​പോ​ർ​ട്ടി​ന്റെ മു​ന്നേ​റ്റം.

‘എ​യ​ർ​ഹെ​ൽ​പ്പ് സ്‌​കോ​ർ’ ത​യാ​റാ​ക്കി​യ പ​ട്ടി​ക​യി​ലാ​ണ് തി​ള​ക്ക​മാ​ർ​ന്ന നേ​ട്ടം മ​സ്‌​ക​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ളം സ്വ​ന്ത​മാ​ക്കി​യി​രി​ക്കു​ന്ന​ത്. ഖ​ത്ത​റി​ലെ ഹ​മ​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​മാ​ണ് ര​ണ്ടാം സ്ഥാ​ന​ത്ത്, ആ​ദ്യ അ​ഞ്ച് സ്ഥാ​ന​ങ്ങ​ളി​ൽ ജി.​സി.​സി​യി​ലെ മൂ​ന്നു വി​മാ​ന​ത്താ​വ​ള​ങ്ങ​ൾ ഇ​ടം പി​ടി​ച്ചി​ട്ടു​ണ്ട്. ഓ​ൺ-​ടൈം പ്ര​ക​ട​നം, ഉ​പ​ഭോ​ക്തൃ അ​ഭി​പ്രാ​യം, ഭ​ക്ഷ​ണം, ഷോ​പ്പു​ക​ൾ എ​ന്നി​വ​യി​ൽ മി​ക​ച്ച പ്ര​ക​ട​ന​ത്തോ​ടെ​യാ​ണ് മ​സ്ക​ത്ത് എ​യ​ർ​പോ​ർ​ട്ടി​ന്റെ മു​ന്നേ​റ്റം. ക​ഴി​ഞ്ഞ വ​ർ​ഷ​ത്തെ റി​പ്പോ​ർ​ട്ടി​ൽ ഏ​ഴാം സ്ഥാ​ന​ത്താ​യി​രു​ന്നു മ​സ്ക​ത്ത് എ​യ​ർ​പോ​ർ​ട്ട്​. വി​മാ​ന യാ​ത്ര​ക്കാ​ർ​ക്ക് അ​വ​രു​ടെ ​ഫ്ലൈ​റ്റ് റ​ദ്ദാ​ക്ക​പ്പെ​ടു​ക​യോ വൈ​കു​ക​യോ ഓ​വ​ർ​ബു​ക്ക് ചെ​യ്യു​ക​യോ ചെ​യ്യു​മ്പോ​ൾ വി​മാ​ന​ക്ക​മ്പ​നി​ക​ളി​ൽനി​ന്ന് ന​ഷ്ട​പ​രി​ഹാ​രം നേ​ടാ​ൻ സ​ഹാ​യം ന​ൽ​കു​ന്ന ക​മ്പ​നി​യാ​ണ് എ​യ​ർ ഹെ​ൽ​പ്.

250 വി​മാ​ന​ത്താ​വ​ള​ങ്ങ​ളെ പ​രി​ഗ​ണി​ച്ചാ​ണ് പ​ഠ​നം ന​ട​ത്തി​യ​ത്. യാ​ത്ര​ക്കാ​രു​ടെ അ​നു​ഭ​വ​ങ്ങ​ൾ, സ​മ​യ​പാ​ല​നം, ഭ​ക്ഷ​ണ​പാ​നീ​യ സൗ​ക​ര്യ​ങ്ങ​ൾ, ഷോ​പ്പി​ങ് സൗ​ക​ര്യ​ങ്ങ​ൾ എ​ന്നി​വ​യെ​ല്ലാം അ​ടി​സ്ഥാ​ന​മാ​ക്കി​യാ​ണ് ക​മ്പ​നി പ​ട്ടി​ക ത​യാ​റാ​ക്കി​യ​ത്. ഈ ​വ​ർ​ഷം ഒ​ന്നാം സ്ഥാ​നം ക​ര​സ്ഥ​മാ​ക്കി​യ​ത് സൗ​ത്ത് ആ​ഫ്രി​ക്ക​യി​ലെ കേ​പ് ടൗ​ൺ എ​യ​ർ​പോ​ർ​ട്ടാ​ണ്. ഖ​ത്ത​റി​ലെ ഹ​മ​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​മാ​ണ് ര​ണ്ടാം സ്ഥാ​ന​ത്ത്. ക​ഴി​ഞ്ഞ വ​ർ​ഷം ഹ​മ​ദ് വി​മാ​ന​ത്താ​വ​ളം ഒ​ന്നാം സ്ഥാ​ന​ത്താ​യി​രു​ന്നു.

മൂ​ന്നും നാ​ലും സ്ഥാ​ന​ങ്ങ​ളി​ൽ റി​യാ​ദി​ലെ കി​ങ് ഖ​ലീ​ദ് എ​യ​ർ​പോ​ർ​ട്ടും ബ്ര​സീ​ലി​ലെ ബ്ര​സീ​ലി​യ അ​ന്താ​രാ​ഷ്ട്ര വി​മാ​ന​ത്താ​വ​ള​വു​മാ​ണ്. കൃ​ത്യ​നി​ഷ്ഠ, ഉ​പ​ഭോ​ക്തൃ അ​നു​ഭ​വം, ആ​ഡം​ബ​ര സൗ​ക​ര്യ​ങ്ങ​ൾ എ​ന്നി​വ​യി​ൽ ജി.​സി.​സി വി​മാ​ന​ത്താ​വ​ള​ങ്ങ​ൾ പു​തി​യ മാ​ന​ദ​ണ്ഡ​ങ്ങ​ൾ സൃ​ഷ്ടി​ക്കു​ന്നു എ​ന്ന​തി​ന് തെ​ളി​വാ​ണ് ആ​ദ്യ അ​ഞ്ച് സ്ഥാ​ന​ങ്ങ​ളി​ൽ ജി​സി​സി​യി​ലെ വി​മാ​ന​ത്താ​വ​ള​ങ്ങ​ൾ ഇ​ടംപി​ടി​ച്ച​ത്.