റ​മ​ദാ​ൻ അ​ല​ങ്കാ​ര വി​ള​ക്കു​ക​ളു​ടെ നി​റ​ശോ​ഭ​യി​ൽ മ​സ്ക​ത്ത് ന​ഗ​രം

മ​സ്ക​ത്ത്:​ റ​മ​ദാ​ൻ അ​ല​ങ്കാ​ര വി​ള​ക്കു​ക​ളാ​ൽ മി​ന്നി​ത്തി​ള​ങ്ങി മ​സ്ക​ത്ത് ന​ഗ​രം.​മ​സ്ക​ത്ത് മു​നി​സി​പ്പാ​ലി​റ്റി​യാ​ണ് ത​ല​സ്ഥാ​ന​ത്തു​ട​നീ​ള​മു​ള്ള നി​ര​വ​ധി ഐ​​ക്കൊ​ണി​ക് സ്ഥ​ല​ങ്ങ​ൾ​ക്ക് വ​ർ​ണ​ശോ​ഭ പ​ക​ർ​ന്ന് വി​ശു​ദ്ധ​മാ​സ​ത്തെ വ​ര​വേ​റ്റി​രി​ക്കു​ന്ന​ത്. മ​ത്ര സൂ​ഖ് മു​ത​ൽ സീ​ബി​ന്റെ പ്ര​വേ​ശ​ന ക​വാ​ടം വ​രെ സാം​സ്കാ​രി​ക അ​ഭി​മാ​ന​വും ആ​ഘോ​ഷ​ത്തി​ന്റെ ചൈ​ത​ന്യ​വും പ്ര​തി​ഫ​ലി​പ്പി​ക്കു​ന്ന പ്ര​ദ​ർ​ശ​ന​ങ്ങ​ളോ​ടെ​യാ​ണ് റ​മ​ദാ​നെ സ്വാ​ഗ​തം ചെ​യ്തി​രി​ക്കു​ന്ന​ത്.

മ​ത്ര ഗേ​റ്റ്, റോ​യ​ൽ ഓ​പ്പ​റ ഹൗ​സ് മ​സ്‌​ക​ത്ത്, സു​ൽ​ത്താ​ൻ ഖാ​ബൂ​സ് സ്ട്രീ​റ്റ് എ​ന്നി​വ​യു​ൾ​പ്പെ​ടെ​യു​ള്ള പ്ര​ധാ​ന ലാ​ൻ​ഡ്‌​മാ​ർ​ക്കു​ക​ൾ വ​ർ​ണ​ത്തി​ള​ക്ക​ത്തി​ൽ മു​ങ്ങി​നി​ൽ​ക്കു​ന്ന​ത് മ​നോ​ഹ​ര കാ​ഴ്ച​യാ​ണ് പ​ക​രു​ന്ന​ത്.​ഇ​ത്ത​ര​മൊ​രു പ്ര​ദ​ർ​ശ​നം ഞ​ങ്ങ​ൾ കാ​ണു​ന്ന​ത് ഇ​താ​ദ്യ​മാ​ണെ​ന്നും ഇ​ത് അ​ത്ഭു​ത​പ്പെ​ടു​ത്തു​ന്ന​തു​മാ​ണെ​ന്നും മ​ത്ര​യി​ലെ താ​മ​സ​ക്കാ​ര​നാ​യ സു​ലൈ​മാ​ൻ അ​ൽ ബ​ലൂ​ശി പ​റ​ഞ്ഞു. മ​ത്ര ഗേ​റ്റി​ലെ ലൈ​റ്റു​ക​ളി​ൽ ‘റ​മ​ദാ​ൻ മു​ബാ​റ​ക്’ പോ​ലും എ​ഴു​തി​യി​ട്ടു​ണ്ട്.​ഗേ​റ്റി​ൽ പ്ര​കാ​ശി​ക്കു​ന്ന നീ​ല ലൈ​റ്റു​ക​ൾ പ്ര​ദേ​ശ​ത്തി​ന്റെ സാം​സ്കാ​രി​ക​വും ച​രി​ത്ര​പ​ര​വു​മാ​യ പ്രാ​ധാ​ന്യ​ത്തെ മ​നോ​ഹ​ര​മാ​യി എ​ടു​ത്തു​കാ​ണി​ക്കു​ന്നു​ണ്ടെ​ന്നും അ​ദ്ദേ​ഹം പ​റ​ഞ്ഞു.​

റ​മ​ദാ​നി​ൽ കൂ​ടു​ത​ൽ സ​ന്ദ​ർ​ശ​ക​രെ ആ​ർ​ഷി​ക്കു​ന്ന​തി​നും പ്രാ​ദേ​ശി​ക ഷോ​പ്പി​ങും ടൂ​റി​സ​വും പ്രോ​ത്സാ​ഹി​പ്പി​ക്കു​ന്ന​തി​നും ഈ ​അ​ല​ങ്കാ​ര​ങ്ങ​ൾ സ​ഹാ​യി​ക്കു​മെ​ന്നും ബ​ലൂ​ശി വി​ശ്വ​സി​ക്കു​ന്നു.​ഓ​പ്പ​റ ഹൗ​സി​ന് മു​ന്നി​ലു​ള്ള ഇ​ൻ​സ്റ്റ​ല​ഷ​നു​ക​ൾ മ​നോ​ഹാ​രി​ത പ​ക​രു​ന്ന​താ​ണെ​ന്ന് ടാ​ക്സി ഡ്രൈ​വ​റാ​യ സ​ലേം അ​ൽ ഹു​സ്നി പ​റ​ഞ്ഞു. ഇ​വ ന​മ്മു​ടെ ഇ​സ്‍ലാ​മി​ക പൈ​തൃ​ക​ത്തെ പ്ര​തി​ഫ​ലി​പ്പി​ക്കു​ക​യും റ​മ​ദാ​നി​ന്റെ സ​ന്ദേ​ശം വ​ഹി​ക്കു​ക​യും ചെ​യ്യു​ന്നു.​

വൈ​കു​ന്നേ​രം വെ​ളി​ച്ചം തെ​ളി​യു​മ്പോ​ൾ, പ്ര​ദേ​ശ​ത്തി​ന് ഒ​രു ഉ​ജ്ജ്വ​ല​മാ​യ സ്പ​ർ​ശ​മാ​ണ് ന​ൽ​കു​ന്ന​തെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ട്ടു. ഈ ​അ​ല​ങ്കാ​ര​ങ്ങ​ൾ ന​ഗ​ര​ത്തെ മ​നോ​ഹ​ര​മാ​ക്കു​ക​യും റ​മ​ദാ​ൻ ആ​ഘോ​ഷ​ങ്ങ​ൾ​ക്ക് ആ​ക്കം കൂ​ട്ടു​ക​യും ചെ​യ്യു​ന്നു​ണ്ടെ​ന്ന് സീ​ബ് നി​വാ​സി​യാ​യ മു​ഹ​മ്മ​ദ് അ​ൽ ന​ബ്ഹാ​നി പ​റ​ഞ്ഞു.​

ബൗ​ഷ​റി​ലെ സു​ൽ​ത്താ​ൻ ഖാ​ബൂ​സ് സ്ട്രീ​റ്റ്, ഗാ​ല, അ​സൈ​ബ എ​ന്നി​വി​ട​ങ്ങ​ളി​ലും മ​സ്‌​ക​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ന് സ​മീ​പ​വും അ​ല​ങ്കാ​ര വി​ള​ക്കു​ക​ൾ സ്ഥാ​പി​ച്ചി​ട്ടു​ണ്ട്.​റ​മ​ദാ​ൻ അ​ല​ങ്കാ​ര​ങ്ങ​ൾ ത​ല​സ്ഥാ​ന ന​ഗ​ര​ത്തി​ന്റെ സാം​സ്കാ​രി​ക ഭൂ​പ്ര​കൃ​തി​യെ സ​മ്പ​ന്ന​മാ​ക്കു​ക​യും പു​ണ്യ​മാ​സ​ത്തി​ൽ താ​മ​സ​ക്കാ​ർ​ക്കും വി​നോ​ദ​സ​ഞ്ചാ​രി​ക​ൾ​ക്കും മ​റ​ക്കാ​നാ​വാ​ത്ത അ​നു​ഭ​വം ന​ൽ​കു​ക​യും ചെ​യ്യു​ന്നു.