മു​സ​ന്ദ​ത്തി​ലെ ആ​ദ്യ മ​ത്സ്യ​കൃ​ഷി വി​ള​വെ​ടു​പ്പി​നൊ​രു​ങ്ങു​ന്നു

മ​സ്ക​ത്ത്: മു​സ​ന്ദം ഗ​വ​ർ​ണ​റേ​റ്റി​ലെ മ​ത്സ്യ​കൃ​ഷി പ​ദ്ധ​തി പ​രീ​ക്ഷ​ണാ​ർ​ഥ​ത്തി​ലു​ള്ള വി​ള​വെ​ടു​പ്പ് തു​ട​ങ്ങി. മു​സ​ന്ദം ഗ്ലോ​ബ​ൽ ഇ​ൻ​വെ​സ്റ്റ് ക​മ്പ​നി മു​സ​ന്ദം അ​ക്വാ​ക​ൾ​ച​ർ ക​മ്പ​നി​യു​മാ​യി സ​ഹ​ക​രി​ച്ചാ​ണ് ഖ​സ​ബി​ലെ അ​ൽ ഹ​ർ​ഫി​ൽ ക​ട​ൽ കൃ​ഷി ആ​രം​ഭി​ച്ച​ത്. നി​ര​വ​ധി വി​ദേ​ശ നി​ക്ഷേ​പ​ക​ർ പ​ദ്ധ​തി​യി​ൽ മു​ത​ൽ മു​ട​ക്ക് ന​ട​ത്തു​ന്നു​ണ്ട്. വ​ർ​ഷം തോ​റും 3500 ട​ൺ മ​ത്സ്യ​മാ​ണ് ഇ​വി​ടെ കൃ​ഷി ചെ​യ്യു​ക. ഇ​ത് പ്ര​ദേ​ശി​ക അ​ന്താ​രാ​ഷ്ട വി​പ​ണി​യി​ൽ എ​ത്തി​ക്കു​ക​യും ചെ​യ്യും.

അ​ൽ ഹ​ർ​ഫ് ഫാ​മി​ലെ ര​ണ്ടാ​മ​ത്തെ പ​രീ​ക്ഷ​ണ വി​ള​വെ​ടു​പ്പ് വി​ജ​യി​ച്ച​താ​യി ക​മ്പ​നി അ​ധി​കൃ​ത​ർ പ​റ​ഞ്ഞു. ര​ണ്ടാ​മ​ത്തെ പ​രീ​ക്ഷ​ണ വി​ള​വെ​ടു​പ്പും വി​ജ​യ​ക​ര​മാ​യ​താ​യി തെ​ളി​ഞ്ഞി​രി​ക്കു​ന്നു. ഉ​യ​ർ​ന്ന ഗു​ണ നി​ല​വാ​ര​മു​ള്ള മ​ത്സ്യ​ങ്ങ​ൾ വി​ത​ര​ണ​ത്തി​ന് ത​യാ​റാ​യ​താ​യും അ​ധി​കൃ​ത​ർ അ​റി​യി​ച്ചു. 2024 ആ​ദ്യ​ത്തി​ലാ​ണ് പ​ദ്ധ​തി​യു​ടെ പ്ര​വ​ർ​ത്ത​നം ആ​രം​ഭി​ച്ച​ത്. പ​ദ്ധ​തി​യു​ടെ ഭാ​ഗ​മാ​യി തു​റ​ന്ന ജ​ല ഫാം, മ​ത്സ്യ​ക്കുഞ്ഞു​ങ്ങ​ളെ വ​ള​ർ​ത്തു​ന്ന യൂ​നി​റ്റ്, മ​ത്സ്യക്കുഞ്ഞു​ങ്ങ​ൾ​ക്ക് വി​വി​ധ ഘ​ട്ട​ങ്ങ​ളി​ൽ സം​ര​ക്ഷ​ണം ന​ൽ​കാ​നു​ള്ള സൗ​ക​ര്യ​ങ്ങ​ൾ, ഫി​ഷ് പാ​ക്കി​ങ് യൂ​നി​റ്റ്, ഗ​വേ​ഷ​ണ ലാ​ബ്, സ്റ്റോ​റേ​ജ്, ലോ​ജി​സ്റ്റി​ക് അ​ട​ക്ക​മു​ള്ള സൗ​ക​ര്യ​ങ്ങ​ളും നി​ർ​മി​ച്ചി​രു​ന്നു.

ഒ​മാ​ൻ കാ​ർ​ഷി​ക മ​ത്സ്യ ജ​ല വി​ഭ​വ മ​ന്ത്രാ​ല​യം പ​ദ്ധ​തി​ക്ക് എ​ല്ലാ പി​ന്തു​ണ​യും ന​ൽ​കു​ന്നു​ണ്ട്. രാ​ജ്യ​ത്തി​ന്റെ ഭ​ക്ഷ്യ സു​ര​ക്ഷ ഉ​റ​പ്പാ​ക്കാ​നു​ള്ള പ​ദ്ധ​തി​യു​ടെ ഭാ​ഗം കൂ​ടി​യാ​ണി​ത്. ക​ഴി​ഞ്ഞ ഡി​സം​ബ​റി​ൽ മ​ന്ത്രാ​ല​യം അ​ണ്ട​ർ സെ​ക്ര​ട്ട​റി യാ​ഖൂ​ബ് അ​ൽ ബു​സൈ​ദി ക​മ്പ​നി​യി​ലും ഫാ​മി​ലും ഫീ​ൽ​ഡ് വി​സി​റ്റ് ന​ട​ത്തി​യി​രു​ന്നു. ക​മ്പ​നി​യു​ടെ മു​ട്ട വി​രി​യ​ൽ കേ​ന്ദ്രം, മ​ത്സ്യ​ങ്ങ​ൾക്ക് ഭ​ക്ഷ​ണം ന​ൽ​കു​ന്ന സ്ഥ​ലം, പാ​ക്കി​ങ് ഫാ​ക്ട​റി, മ​ത്സ്യം സൂ​ക്ഷി​ച്ച് വെ​ക്കു​ന്ന ഫാ​ക്ട്റി എ​ന്നി​വ​യും അ​ണ്ട​ർ സെ​ക്ര​ട്ട​റി വീ​ക്ഷി​ച്ചി​രു​ന്നു.

ഒ​മാ​​ന്റെ ഭ​ക്ഷ്യ​സു​ര​ക്ഷാ പ​ദ്ധ​തി​യി​ൽ മ​ത്സ്യ​ത്തി​നും മ​ത്സ്യം വ​ള​ർ​ത്ത​ലി​നും വ​ലി​യ പ്രാ​ധാ​ന്യ​മാ​ണ് ന​ൽ​കു​ന്ന​ത്. 30 വ​ർ​ഷ​ക്കാ​ല​ത്തെ പ​ദ്ധ​തി​യി​ലൂ​ടെ മ​ത്സ്യ വ​ള​ർ​ത്ത​ലി​ലൂ​ടെ​യു​ള്ള മ​ത്സ്യ ഉ​ൽപാ​ദ​നം വ​ർ​ഷം തോ​റും 2,00,000 മെ​ട്രി​ക് ടെ​ണ്ണാ​യി ഉ​യ​ർ​ത്താ​നാ​ണ് പ​ദ്ധ​തി. 2040 ഓ​ടെ​യാ​ണ് ഈ ​ല​ക്ഷ്യം നേ​ടു​ക. ഇ​തി​ലൂ​ടെ 11,000 സ്വ​ദേ​ശി​ക​ൾ​ക്ക് തൊ​ഴി​ൽ ല​ഭി​ക്കു​ക​യും 2040 ഓ​ടെ രാ​ജ്യ​ത്തി​ന്റെ ആ​ഭ്യ​ന്ത​ര ഉ​ൽ​പാ​ദ​ന വ​ള​ർ​ച്ച​യി​ൽ 5.2 ശ​ത​കോ​ടി ഡോ​ള​ർ സം​ഭാ​വ​ന ചെ​യ്യാ​നും ക​ഴി​യും.