സുഡാനിലേക്ക്​ കൂടുതൽ ദുരിതാശ്വാസ വസ്​തുക്കൾ അയച്ചു

മസ്​കത്ത്​: സുഡാനിലേക്ക്​ കുടുതൽ ദുരിതാശ്വാസ വസ്​തുക്കൾ അയച്ചതായി ഒമാൻ ചാരിറ്റബിൾ ഒാർഗനൈസേഷൻ അറിയിച്ചു. വെള്ളപ്പൊക്കം ദുരിതം വിതച്ച സുഡാനിലേക്ക്​ ഇത്​ നാലാം തവണയാണ്​ സാധനങ്ങൾ അയക്കുന്നത്​.

പുതുതായി അയച്ച സാധനങ്ങൾ 4000 കുടുംബങ്ങൾക്ക്​ ഉപകാരപ്പെടുമെന്ന്​ ഒമാൻ ചാരിറ്റബിൾ ഒാർഗനൈസഷൻ അറിയിച്ചു. റോയൽ ഒമാൻ നേവിയുടെ കപ്പലിലും ദുരിതാശ്വാസ വസ്​തുക്കൾ എത്തിച്ചിരുന്നു.