നരേന്ദ്രമോദിക്ക്​ ഒമാനിൽ ഉൗഷ്​മള വരവേൽപ്​

മസ്​കത്ത്​: ഒമാനിൽ പ്രഥമ സന്ദർശനത്തിന്​ എത്തിയ ഇന്ത്യൻ പ്രധാനമന്ത്രി നരേന്ദ്ര മോദിക്ക്​ ഉൗഷ്​മള വരവേൽപ്​. വൈകുന്നേരം അഞ്ചോടെ ദുബൈയിൽനിന്ന്​ റോയൽ വിമാനത്താവളത്തിലെത്തിയ മോദിയെ ഉപപ്രധാനമന്ത്രി സയ്യിദ്​ ഫഹദി​​​​െൻറ നേതൃത്വത്തിൽ സ്വീകരിച്ചു. സ്വീകരണത്തിനുശേഷം നരേന്ദ്ര മോദി റോയൽ ഒമാൻ പൊലീസിലെ പ്രോ​േട്ടാകോൾ വിഭാഗത്തി​​​​െൻറ അഭിവാദ്യം സ്വീകരിച്ചു. തുടർന്ന്​, മന്ത്രിസഭാ കൗൺസിൽ അംഗങ്ങളടക്കം സ്വീകരണ ചടങ്ങിൽ പ​െങ്കടുത്തവരെ പരിചയപ്പെട്ടു. സയ്യിദ്​ ഫഹദുമായി കൂടിക്കാഴ്​ച നടത്തുകയും ചെയ്​തു.

വൈകുന്നേരം ഏഴിന്​ ബോഷറിലെ സുൽത്താൻ ഖാബൂസ്​ സ്​റ്റേഡിയത്തിലെത്തിയ മോദി പ്രവാസി ഇന്ത്യൻ സമൂഹത്തെ അഭിസംബോധന ചെയ്​തു. നിശ്ചിത സമയത്തിലും ഒരു മണിക്കൂർ വൈകിയാണ്​ പരിപാടി ആരംഭിച്ചത്​. 13000ത്തോളം വരുന്ന കാണികളെ ആവേശത്തിലാഴ്​ത്തിയുള്ള പ്രധാനമന്ത്രിയുടെ പ്രഭാഷണം ഒരുമണിക്കൂറോളം നീണ്ടു. തുടർന്ന്​ ബൈത്തുൽബർക്ക കൊട്ടാരത്തിൽ സുൽത്താ​ൻ ഖാബൂസ്​ ബിൻ സഇൗദ്​ ഒരുക്കിയ അത്താഴവിരുന്നിലും മോദി പ​െങ്കടുത്തു. സുൽത്താനുമായി നടത്തിയ കൂടികക്കാഴ്​ചയിൽ ഒമാനും ഇന്ത്യയും തമ്മിലുള്ള ഉഭയകക്ഷി ബന്ധവും സഹകരണവും കൂടുതൽ ശക്തമാക്കുന്നതടക്കം വിഷയങ്ങൾ ചർച്ച ചെയ്​തു.

മന്ത്രിസഭാ കൗൺസിൽ ഉപപ്രധാനമന്ത്രി സയ്യിദ്​ ഫഹദ്​, അന്താരാഷ്​ട്ര സഹകരണത്തിനുള്ള ഉപപ്രധാനമന്ത്രി സയ്യിദ്​ അസദ്​ എന്നിവരുമായും മോദി കൂടിക്കാഴ്​ച നടത്തി. ഇന്ന്​ ഒമാനി ബിസിനസ്​ പ്രമുഖരുടെ യോഗത്തെ മോദി അഭിസംബോധന ചെയ്യും. ഇന്ത്യയിലെ നിക്ഷേപാവസരങ്ങളുടെ സാധ്യതകൾ യോഗത്തിൽ ചർച്ച ചെയ്യും. തുടർന്ന്​ സുൽത്താൻ ഖാബൂസ്​ ഗ്രാൻറ്​ മൊസ്​ക്​, മത്രയിലെ ശിവക്ഷേത്രം എന്നിവ സന്ദർശിക്കും. 
തുടർന്ന്​ സന്ദർശനം പൂർത്തിയാക്കി ഇന്ത്യയിലേക്ക്​ മടങ്ങും. ദേശീയ സുരക്ഷാ സെക്രട്ടറി, വിദേശകാര്യ സെക്രട്ടറി, വിദേശകാര്യമന്ത്രാലയം ഒൗദ്യോഗിക വക്​താവ്​ തുടങ്ങിയവർ മോദിയെ അനുഗമിക്കുന്നുണ്ട്​.