വി​നോ​ദസ​ഞ്ചാ​ര കാ​മ്പ​യി​നു​ക​ൾ സ​ജീ​വ​മാ​ക്കി മ​ന്ത്രാ​ല​യം

മ​സ്ക​ത്ത്: സു​ൽ​ത്താ​നേ​റ്റി​ന്റെ ടൂ​റി​സം സാ​ധ്യ​ത​ക​ൾ ലോ​ക​ത്തി​ന് കൂ​ടു​ത​ലാ​യി പ​രി​ച​യ​പ്പെ​ടു​ത്താ​ൻ കാ​മ്പ​യി​നു​ക​ളു​മാ​യി വി​നോ​ദ​സ​ഞ്ചാ​ര, പൈ​തൃ​ക മ​ന്ത്രാ​ല​യം. യൂ​റോ​പ്യ​ൻ സ​ഞ്ചാ​രി​ക​ളെ ആ​ക​ർ​ഷി​ക്കാ​ൻ ല​ക്ഷ്യ​മി​ട്ടു​ള്ള ‘ഹ​ലോ യൂ​റോ​പ്’​പ​രി​പാ​ടി​ക്ക് ഇ​ന്ന് തു​ട​ക്ക​മാ​കും.

ഫ്രാ​ൻ​സ്, ജ​ർ​മ​നി, ഇ​റ്റ​ലി, ബ്രി​ട്ട​ൻ, അ​യ​ർ​ല​ന്റ്, സ്വി​റ്റ്സ​ർ​ല​ന്റ്, സ്​​പെ​യി​ൻ തു​ട​ങ്ങി​യ രാ​ജ്യ​ങ്ങ​ളി​ൽ നി​ന്നു​ള്ള 70ല​ധി​കം ടൂ​റി​സം ക​മ്പ​നി​ക​ൾ പ​രി​പാ​ടി​യി​ൽ പ​​ങ്കെ​ടു​ക്കും. പ്രാ​ദേ​ശി​ക വി​നോ​ദ​സ​ഞ്ചാ​ര സേ​വ​ന ദാ​താ​ക്ക​ളും യൂ​റോ​പ്യ​ൻ പ​ങ്കാ​ളി​ക​ളു​മാ​യു​ള്ള പ​ങ്കാ​ളി​ത്തം വ​ള​ർ​ത്തി​യെ​ടു​ക്കു​ക​യാ​ണ് പ​രി​പാ​ടി​യു​ടെ ല​ക്ഷ്യം. ഒ​മാ​നി​ലെ വേ​റി​ട്ട ആ​ക​ർ​ഷ​ണ​ങ്ങ​ൾ യൂ​റോ​പ്യ​ൻ വി​പ​ണി​ക്ക് പ​രി​ച​യ​പ്പെ​ടു​ത്തു​ക​യാ​ണ് പ​രി​പാ​ടി​യു​ടെ ല​ക്ഷ്യ​മെ​ന്ന് ടൂ​റി​സം പ്ര​മോ​ഷ​ൻ വി​ഭാ​ഗം ഡ​യ​റ​ക്ട​ർ ജ​ന​റ​ൽ ഹൈ​തം ബി​ൻ മു​ഹ​മ്മ​ദ് അ​ൽ ഗ​സ്സാ​നി പ​റ​ഞ്ഞു. യൂ​റോ​പ്യ​ൻ സ​ഞ്ചാ​രി​ക​ൾ​ക്ക് അ​നു​യോ​ജ്യ​മാ​യ ടൂ​റി​സം പാ​ക്കേ​ജു​ക​ൾ​ക്ക് രൂ​പം ന​ൽ​കു​ന്ന​ത​ട​ക്കം ച​ർ​ച്ച​ക​ൾ പ​രി​പാ​ടി​യി​ൽ ന​ട​ക്കും.

വി​നോ​ദ​സ​ഞ്ചാ​ര, പൈ​തൃ​ക മ​ന്ത്രാ​ല​യം ഇ​ന്ത്യ​യി​ൽ ന​ട​ത്തി​യ റോ​ഡ്ഷോ വ്യാ​ഴാ​ഴ്ച​യാ​ണ് സ​മാ​പി​ച്ച​ത്. ന്യൂ ​ഡ​ൽ​ഹി​യി​ൽ നി​ന്ന് തു​ട​ങ്ങി മും​ബൈ, ചെ​ന്നൈ ന​ഗ​ര​ങ്ങ​ളി​ലും അ​വ​സാ​നം ബം​ഗ​ളൂ​രു​വി​ലു​മാ​ണ് റോ​ഡ് ഷോ ​ന​ട​ത്തി​യ​ത്. നാ​ല് ന​ഗ​ര​ങ്ങ​ളി​ലു​മാ​യി വി​നോ​ദ​സ​ഞ്ചാ​ര മേ​ഖ​ല​യി​ൽ പ്ര​വ​ർ​ത്തി​ക്കു​ന്ന 450ഓ​ളം ഇ​ന്ത്യ​ൻ ക​മ്പ​നി​ക​ൾ റോ​ഡ്ഷോ​യി​ൽ പ​​ങ്കെ​ടു​ത്തു. ഇ​ന്ത്യ​യെ ര​ണ്ടാ​മ​ത്തെ ഏ​റ്റ​വും വ​ലി​യ മാ​ർ​ക്ക​റ്റാ​യാ​ണ് പ​രി​ഗ​ണി​ക്കു​ന്ന​തെ​ന്ന് മ​ന്ത്രാ​ല​യം അ​ണ്ട​ർ സെ​ക്ര​ട്ട​റി അ​സ്സാ​ൻ അ​ൽ ബു​സൈ​ദി പ​റ​ഞ്ഞു. 2023ൽ 6.25 ​ല​ക്ഷം ഇ​ന്ത്യ​ൻ സ​ന്ദ​ർ​ശ​ക​രാ​ണ് ഒ​മാ​നി​ലെ​ത്തി​യ​ത്. തൊ​ട്ടു മു​ൻ വ​ർ​ഷ​ത്തെ അ​പേ​ക്ഷി​ച്ച് 70 ശ​ത​മാ​ന​ത്തി​ന്റെ വ​ർ​ധ​ന​വാ​ണ് ഇ​ന്ത്യ​ൻ സ​ഞ്ചാ​രി​ക​ളു​ടെ എ​ണ്ണ​ത്തി​ലു​ണ്ടാ​യ​തെ​ന്നും അ​ണ്ട​ർ​സെ​ക്ര​ട്ട​റി പ​റ​ഞ്ഞു.