മീ​ഡി​യ​വ​ൺ ബ്രേ​വ് ഹാ​ർ​ട്ട് അ​വാ​ർ​ഡ് ദാ​നം നാ​ളെ

മ​സ്ക​ത്ത്: ഒ​മാ​നി​ലെ കോ​വി​ഡ് പോ​രാ​ളി​ക​ൾ​ക്ക് മീ​ഡി​യ​വ​ൺ പ്ര​ഖ്യാ​പി​ച്ച മീ​ഡി​യ​വ​ൺ ബ്രേ​വ് ഹാ​ർ​ട്ട് അ​വാ​ർ​ഡ് വി​ത​ര​ണം തി​ങ്ക​ളാ​ഴ്ച ന​ട​ക്കും. വൈ​കീ​ട്ട്​ ഏ​ഴി​ന് റൂ​വി ഹൈ ​സ്ടീ​റ്റി​ലെ ഗോ​ൾ​ഡ​ൻ തു​ലി​പ്പ് ഹോ​ട്ട​ലി​ലാ​ണ് പ​രി​പാ​ടി. ഗ​ൾ​ഫാ​ർ, എം​ഫാ​ർ സ്ഥാ​പ​ക​നും എം​ഫാ​ർ ഗ്രൂ​പ് ചെ​യ​ർ​മാ​നു​മാ​യ ഡോ. ​പി. മു​ഹ​മ്മ​ദ​ലി മു​ഖ്യാ​തി​ഥി​യാ​കും.

11 കൂ​ട്ടാ​യ്മ​ക​ൾ​ക്കും മൂ​ന്ന് വ്യ​ക്​​തി​ക​ൾ​ക്കു​മാ​ണ് അ​വാ​ർ​ഡ് പ്ര​ഖ്യാ​പി​ച്ചി​ട്ടു​ള്ള​ത്. ഡി​സം​ബ​ർ 25ന്​ ​ഗ​താ​ഗ​ത മ​ന്ത്രി ആ​ന്‍റ​ണി രാ​ജു, പാ​ണ​ക്കാ​ട് മു​ന​വ്വ​റ​ലി ശി​ഹാ​ബ് ത​ങ്ങ​ൾ, സം​വി​ധാ​യ​ക​ൻ ക​മ​ൽ എ​ന്നി​വ​രാ​ണ് മീ​ഡി​യ​വ​ൺ മി​ഡി​ലീ​സ്റ്റ്​ അ​വ​റി​ലൂ​ടെ അ​വാ​ർ​ഡ് പ്ര​ഖ്യാ​പ​നം ന​ട​ത്തി​യ​ത്. വ്യ​ക്​​തി​ഗ​ത അ​വാ​ർ​ഡി​ന് കോ​വി​ഡ് ബാ​ധി​ച്ച് മ​രി​ച്ച ഡോ. ​രാ​ജേ​ന്ദ്ര​ൻ നാ​യ​ർ, ബ്ലെ​സ്സി തോ​മ​സ്, ര​മ്യ റ​ജു​ലാ​ൽ എ​ന്നി​വ​രാ​ണ് അ​ർ​ഹ​രാ​യ​ത്. ഇ​വ​രു​ടെ ബ​ന്ധു​ക്ക​ൾ അ​വാ​ർ​ഡ് ഏ​റ്റു വാ​ങ്ങും.

മ​സ്ക​ത്ത് കെ.​എം.​സി.​സി, കൈ​ര​ളി ഒ​മാ​ൻ, പ്ര​വാ​സി വെ​ൽ​ഫെ​യ​ർ ഒ​മാ​ൻ, ഐ.​സി.​എ​ഫ് ഒ​മാ​ൻ, സോ​ഷ്യ​ൽ ഫോ​റം ഒ​മാ​ൻ, ഒ.​ഐ.​സി.​സി ഒ​മാ​ൻ, മ​ല​യാ​ളം വി​ങ്​ മ​സ്ക​ത്ത്, സ​ലാ​ല കെ.​എം.​സി.​സി, സ​ലാ​ല കൈ​ര​ളി, ഇ​ന്ത്യ​ൻ വെ​ൽ​ഫെ​യ​ർ ഫോ​റം സ​ലാ​ല, പി.​സി.​എ​ഫ് സ​ലാ​ല എ​ന്നി​വ​രാ​ണ് അ​വാ​ർ​ഡി​ന് അ​ർ​ഹ​രാ​യ 11 കൂ​ട്ടാ​യ്മ​ക​ൾ. ഇ​വ​രു​ടെ ഭാ​ര​വാ​ഹി​ക​ൾ അ​വാ​ർ​ഡ് ഏ​റ്റു​വാ​ങ്ങും.

പ​രി​പാ​ടി മീ​ഡി​യ​വ​ൺ സീ​നി​യ​ർ ബ്രോ​ഡ് കാ​സ്റ്റ്​ ജേ​ണ​ലി​സ്റ്റ് ഷി​നോ​ജ് ഷം​സു​ദ്ദീ​നാ​ണ് നി​യ​ന്ത്രി​ക്കു​ക. മീ​ഡി​യ​വ​ൺ മി​ഡി​ലീ​സ്റ്റ് എ​ഡി​റ്റോ​റി​യ​ൽ ഹെ​ഡ് എം.​സി.​എ. നാ​സ​ർ, ഒ​മാ​ൻ കോ​ഓ​ഡി​നേ​ഷ​ൻ ക​മ്മി​റ്റി ചെ​യ​ർ​മാ​ൻ പി.​ബി. സ​ലീം എ​ന്നി​വ​ർ സം​ബ​ന്ധി​ക്കും. ബ്രേ​വ് ഹാ​ർ​ട്ട് ഒ​മാ​ൻ സി.​എ​സ്.​ആ​ർ പ​ങ്കാ​ളി​ക​ളും പ്ര​ത്യേ​ക ക്ഷ​ണി​താ​ക്ക​ളു​മാ​ണ് പ​രി​പാ​ടി​യി​ൽ സം​ബ​ന്ധി​ക്കു​ക​യെ​ന്ന് വ​ന്‍റ്​ ക​ൺ​വീ​ന​ർ ഷ​ക്കീ​ൽ ഹ​സ​ൻ, കോ​ഓ​ഡി​നേ​റ്റ​ർ കെ.​എ. സ​ലാ​ഹു​ദ്ദീ​ൻ എ​ന്നി​വ​ർ പ​റ​ഞ്ഞു. മ​റ്റു ജി.​സി.​സി രാ​ജ്യ​ങ്ങ​ളി​ലും മീ​ഡി​യ​വ​ൺ ബ്രേ​വ് ഹാ​ർ​ട്ട് അ​വാ​ർ​ഡ് വി​ത​ര​ണം ഇ​തി​ന​കം പൂ​ർ​ത്തി​യാ​ക്കി​യി​രു​ന്നു.