മ​ത്ര ഗോ​ള്‍ഡ് സൂ​ഖ് കേ​ന്ദ്രീ​ക​രി​ച്ച് വ​ന്‍ ത​ട്ടി​പ്പ്; മ​ത്ര പൊ​ലീ​സ്​ അ​ന്വേ​ഷ​ണം തു​ട​ങ്ങി

മ​ത്ര: മ​ത്ര ഗോ​ള്‍ഡ് സൂ​ഖ് കേ​ന്ദ്രീ​ക​രി​ച്ച് ന​ട​ന്ന വ​ന്‍ ത​ട്ടി​പ്പി​ൽ നി​ര​വ​ധി പേ​രു​ടെ പ​തി​നാ​യി​ര​ക്ക​ണ​ക്കി​ന് റി​യാ​ല്‍ വി​ല​വ​രു​ന്ന സ്വ​ർ​ണം ന​ഷ്ട​മാ​യി. സൂ​ഖി​ല്‍ വ​ര്‍ഷ​ങ്ങ​ളാ​യി സ്വ​ര്‍ണാ​ഭ​ര​ണ​ങ്ങ​ള്‍‌ നി​ർ​മി​ച്ചു​ന​ൽ​കു​ന്ന വ്യ​ക്തി​യാ​ണ് ത​ന്നി​ലു​ള്ള വി​ശ്വാ​സം മു​ത​ലെ​ടു​ത്ത് വ​ന്‍ സാ​മ്പ​ത്തി​ക ത​ട്ടി​പ്പ് ന​ട​ത്തി​യ​ത്. സ്വ​ര്‍ണ മേ​ഖ​ല​യി​ല്‍ പ്ര​വ​ര്‍ത്തി​ക്കു​ന്ന​വ​രോ​ടും ക​ച്ച​വ​ട​ക്കാ​രോ​ടും സ്വ​ർ​ണം വാ​ങ്ങി പ്ര​തി​മാ​സം ആ​ക​ര്‍ഷ​ക​മാ​യ ലാ​ഭ​വി​ഹി​തം ന​ല്‍കാം എ​ന്ന വാ​ഗ്ദാ​നം ന​ല്‍കി ക​ബ​ളി​പ്പി​ക്കു​ക​യാ​യി​രു​ന്നു​വ​ത്രെ.

പ​ല​രും വി​വി​ധ ആ​വ​ശ്യ​ങ്ങ​ള്‍ക്കാ​യി ക​രു​തി​വെ​ച്ച ത​ങ്ങ​ളു​ടെ പ​ക്ക​ലു​ള്ള സ്വ​ർ​ണ​ശേ​ഖ​ര​മാ​ണ്‌ മോ​ഹ​വാ​ഗ്ദാ​ന​ങ്ങ​ളി​ല്‍ വീ​ണ് ന​ഷ്ട​മാ​യ​ത്.ഒ​രു കി​ലോ​ക്കു മു​ക​ളി​ല്‍ സ്വ​ർ​ണം ന​ഷ്ട​മാ​യ​വ​ർ വ​രെ ഉ​ണ്ടെ​ന്നാ​ണ് അ​റി​യാ​ന്‍ ക​ഴി​ഞ്ഞ​ത്. എ​ന്നാ​ല്‍, അ​ധി​ക​മാ​രു​ടെ​യും പ​ക്ക​ല്‍ സ്വ​ര്‍ണ ഉ​രു​പ്പ​ടി​ക​ള്‍ ന​ല്‍കി​യ​തി​ന് രേ​ഖാ​പ​ര​മാ​യ തെ​ളി​വു​ക​ള്‍ കാ​ര്യ​മാ​യി ഇ​ല്ലാ​ത്ത​ത് വി​ന​യാ​യി. ഏ​താ​നും പേ​ര്‍ ത​ങ്ങ​ളു​ടെ സ്ഥാ​പ​ന​ത്തി​ല്‍നി​ന്നാ​ണ് സ്വ​ർ​ണം കൈ​മാ​റി​യ​ത് എ​ന്ന​തി​നാ​ല്‍ സി.​സി.​ടി.​വി​യി​ലു​ള്ള ദൃ​ശ്യ​മാ​ണ് ആ​കെ​യു​ള്ള തെ​ളി​വ്.

മ​ത്ര പൊ​ലീ​സി​ല്‍ ന​ല്‍കി​യ പ​രാ​തി​യു​ടെ അ​ടി​സ്ഥാ​ന​ത്തി​ല്‍ അ​ന്വേ​ഷ​ണം ന​ട​ന്നു​വ​രു​ക​യാ​ണ്.